اخوتي

2²

علي العشاء ..

كان لوكا يجلس بألم واثار البكاء علي وجهه وعلي وجه محمد ايضا

لم يعلق احد .. وكان شهاب يشعر بالحرج فهو لم يخبر احد حقا وخاف ان يعتقد الاولاد انه لم يحفظ السر ...

بعد العشاء جلسوا في الحديقه يشربون الشاي و الاطفال يلعبون حولهم ..

كانت نسمه تعلم ان ياسر يريد التحدث مع اخوته عما حدث .. لتأخذ زوجات اخوته لغرفتها تريهم بعض مشترياتها ...

حكي ياسر ما حدث في المدرسه ثم :" بس انا معقبتوش عشان كدا .. عاقبته عشان التمرين اللي كان هيتفصل منه "

ادهم :" انا مش فاهم ليه حد يروح يتخانق مع مراد ؟"

ياسر :" هو موضحش وكنت مش عايز اضغط عليه .. ياريت يا عصام تتكلم مع يوسف بس متعاقبوش .. عشان هما خبوا علينا اصلا خوفا منك "

شعر عصام بالغضب والحزن فهو لا يعاقب يوسف كثير ودوما ما يتحدث معه اولا ثم يقرر عقابه .. لما فكرتهم عنه انه يعنفه .. ولما يوسف يؤكد تلك الفكره ..

عصام :" يوسف ملوش علاقه بالمشكله اصلا عشان يتعاقب .. عموما ممكن عشان هو بره الحوار يحكي حصل ايه اوضح منهم "

نظر ياسر لشهاب :" وانت يا كابتن عايم علي عومهم و بتخبي علينا فعلا ! .. بتعلمهم الكدب ليه يعني.. لازم تعلمهم يواجهوا مشاكلهم و يتحملوا نتيجة افعالهم "

شهاب بحرج :" لما كلموني انا حسيت انه مينفعش اخذلهم .. عندك حق "

قام عصام لغرفة يوسف سريعا..

ادهم :" هو زعل صح ؟"

ياسر :" يزعل ليه !"

ادهم :" عشان ادخلت في حوار يعاقب يوسف او لا .. بصراحه ملكش حق .. محدش حتي لامك علي ضرب لوكا .. ولا عمر حد ادخل بينكم اصلا .. ليه بتدخل بينه هو وابنه .. هما احرار يعاقبه او لا دا شئ يرجعله"

ياسر :" انا مش بدخل .. انا بقوله ليه هما خبوا علينا و كمان هما اللي طلبوا اتكلم معاه"

شهاب :" معتقدش انه يوسف اللي طلب منك .. لان بجد ابيه عصام اتغير جدا .. وكلنا شوفنا دا بعد ما عشنا هنا اخر سنتين"

هم اجتمعوا في هذا المنزل منذ عامين فقط .. و قبلها جلس عصام 6 سنوات يحاول اقناعهم بالفكره ..

اتصل عصام علي يوسف وطلب منه الذهاب له .. لم يستطيع الانتظار حتي ينتهي يوسف من لعبه معهم ..

عند حضوره كان يبتسم :" نعم يا بابا"

عصام بغضب حاول أن يخفيه :" اقعد كدا و قولي ايه اللي حصل النهارده وليه عامل حوار عشان الموضوع ميوصليش .. مره شهاب في المدرسه ومره ياسر لما عرف "

استغرب يوسف بشده فهو لم يفعل شئ ..

مازال يقف ليضع يده خلف ظهره :" حصلت مشكله مع مراد .. لوكا ادخل فيها .. دا انا مكنتش موجود في .. بعديها الولاد دول كانوا هيضربوهم عشان هما كانوا تلاته .. و حضرتك عارف مراد ميعرفش يدافع عن نفسه خالص فكان لوكا هيضرب .. ادخلنا انا ومحمد لحد ما الموضوع وصل للمدير .. ساعتها لوكا كلم عمو شهاب .. و لما جي هو اللي طلب منه مش يقولك ولا يقول لعمو ياسر .. بس دا كل اللي حصل "