اخوتي

7²

اوصل عصام الاولاد للمنزل ثم عاد لعمله ..

اتصل شهاب به وهو يبكي ...

عصام بفزع :" مالك يا شهاب في ايه .. ايه اللي حصل حد جراله حاجه "

كان شهاب مرعوب و يبكي .. لا يعلم ماذا يخبر عصام .. بيته سينهار لو انتشر الخبر ..

شهاب بصوت باكي :" كل .. كلهم كويسين .. بابا ممكن تجيلي "

ليكمل بهمس :" انا .. انا في القسم "

استغرب عصام :" ليه ايه اللي حصل "

شهاب بتوتر :" اتمسكت ا ..اد .. اداب "

صدم عصام:" ايه !! .. انت فين "

اخبره شهاب عن مكانه .. ليذهب عصام له

دخل ليتحدث مع الضابط .. ليكتشف ان شهاب كان في شقه مشبوهه بمكان قريب من عيادته ..

حاول عصام مع محامي ان يدفع له كفاله و يخرجه بضمان عمله .. و نجح في ذلك..

طلب الضابط احضاره من الحجز .. ليأتي لا يرتدي سوا ملابسه الداخليه و مغطي بمفرش السرير ..

صدم عصام و غضب بشده .. لكنه سيطر على انفعاله ليأخذ شهاب للسياره بدون ولا كلمه ..

ظل عصام يقود في الشوارع دون وجهه محدده و هو صامت لمده طويله ..

بجواره شهاب يبكي بصمت غير قادر علي النطق بكلمه واحده..

توقف امام محل ملابس  .. دخل عصام واحضر اول قميص و بنطال وجدهم امامه ..

ثم عاد للسياره و ألقي الحقيبه علي شهاب ..

عصام :" استر نفسك "

بكي شهاب اكثر :" با .. بابا هفهمك "

عصام بقرف :" مش عايز اسمع صوتك يا شهاب .. قرفان منك "

صمت شهاب ليرتدي الملابس التي احضرها عصام .. و وضع وجهه في الارض غير قادر علي رفع رأسه..

اتجه عصام لمنزله القديم ..

عصام بحده:" انزل "

نزل شهاب بتوتر لا يعرف سبب وجودهم هنا ..

دخل ورا عصام بصمت ..

عصام :" طبعا عارف ان لو مراتك عرفت هتطلق و ابنك هيتربي بعيد عنك "

شهاب بخوف :" عارف يا بابا "

صفعه عصام علي وجهه :" لما انت عارف .. كنت بتعمل هناك ايه!! .. محروم يعني مانت متنيل متجوز ولا هو رمرمه و نجاسه وخلاص"

نظر للارض وهو يبكي  :" كا .. كانت غلطه .. مش عارف انا ازاي اروح هناك مش عارف"

عصام :" غلطه اه .. غلطه لو حد شم خبرها بس حتي شغلك هتخسره و عيادتك هتتشمع و مش بعيد تتشطب من النقابه كمان "

لم يجيبه شهاب و لم يرفع وجهه ..

عصام :" انا قرقان اكلمك .. قرفان ابص في وشك .. قبل ما اشوفك ملفوف بالملايه كنت بفكر اني هضربك و هتغابي عليك عشان لسه عيل .. بس لما شوفتك قرفت منك .. عشان دي تصرفات كبار .. بس مش هقولك كبار اسمهم ايه "