♎️Chapter 47
ဖုယွမ်ကျိုးမှာ ယွမ်ယဲ့ပေါင်ပေါ်တွင်ထိုင်ပြီး Pocky စားပြီးရင်ပြီးသွားပြီဟု ယခုလေးတင်အထင်ရောက်နေခဲ့သည်။ သို့ထိတိုင် သည့်ထက်ဆိုးသည့်ကိစ္စဖြစ်လာလိမ့်မည်ဟု မတွေးထားမိပေ။
ကတ်ဆွဲလိုက်သူက လုပ်ရမည့်အရာကိုဖတ်ပြပြီးသည်နှင့် သူ့ခေါင်းမှာ စပ်ဖျင်းဖျင်းဖြစ်သွားရလေ၏၊ ရှဲ့လင်ကသူ့အားကြည့်လာသည့်အခါ သူသည်ဆိုဖာမှချက်ချင်းခုန်ထလိုက်ရင်း ငြင်းလိုက်လေသည်။
"ဒါကမကောင်းဘူးနော်..."
အားလုံးကသူ့အားကြည့်လာသည့်အခါ ဖုယွမ်ကျိုးမှာ မကောင်းရသည့်အကြောင်းအရင်းကို ရှာကြံရှင်းပြရတော့သည်။
"ကြည့်...ရှဲ့လင်ကငါတို့နဲ့အတန်းမတူဘူးလေ...ဘယ်သူနဲ့မှလည်းရင်းနှီးတာမဟုတ်ဘူး...အခုလိုကစားတာကဘယ်ကောင်းပါ့မလဲ..အခုကပိတ်ရက်မလို့ထားပါတော့..ဒိတ်တယ်ဆိုရင်တောင် ကြည့်ပေးမယ့်သူမရှိဘူး...ဒီလိုဆို ကစားတာနဲ့ဘယ်တူပါတော့မလဲ.."
သူက ကြိုးစားပမ်းစားနှင့်ရှေ့နောက်ညီအောင်ဖြေရှင်းပြနေသော်လည်း ရှဲ့လင်ကအဖက်မလုပ်ပေ။
"ငါအဆင်ပြေပါတယ်..."
ကျန်သည့်သူများကလည်းပြုံးလိုက်ကြသည်။
"အားလပ်ရက်မလို့ လူတိုင်းကအပျင်းပြေကစားနေကြရုံပဲလေ.ဘယ်သူမှလည်းအတည်မယူကြပါဘူး..မင်းအုပ်ကြီးနဲ့သုံးရက်ပဲဒိတ်ရမှာပါ...နောက်ပိုင်းမင်းဒီအကြောင်းကိုပြောဖြစ်ခဲ့ရင် ဂုဏ်တောင်ယူရဦးမှာ..."
ဒါပေမဲ့ ရှဲ့လင်ကတော့အတည်ကြီးလုပ်နေတာလေ။ ဖုယွမ်ကျိုး စိတ်ထဲမှသာ ဝုန်းဒိုင်းကြဲနေလိုက်သည်။
ယွမ်ယဲ့ကမူ ဘီယာကိုတစ်ငုံသောက်ကာ ရှဲ့လင်ကိုပျင်းရိပျင်းတွဲဖြင့်လှမ်းကြည့်သည်။
"ဒီလိုဟာမျိုးက စေတနာကိုအရင်းခံရတာမလား..စီနီယာရှဲ့သာ တစ်ယောက်ကိုရွေးလိုက်ရင် အဲဒီလူပျော်ရမှာမဟုတ်ဘူး...ဂိမ်းကလည်းအလကားဖြစ်သွားမှာပဲ..."
သူသည်ကား နှုတ်ခမ်းထောင့်လေးများကိုကွေးလိုက်ချေ၏။
"ဒါမှမဟုတ် စီနီယာကရေးတဲ့သူနဲ့သုံးရက်ဒိတ်လိုက်ရင်ရော...ဒါဆိုအဆင်ပြေသွားပြီ.."
YOU ARE READING
အိုမီဂါအဖြစ် မွေးဖွားလာပြီးနောက် အားလုံးက ငါ့ကိုလိုချင်နေကြတယ်
FantasyBL, Omegaverse story
