مداخلة مهمة قبل لتبلشون صار اكثر من مرة ينطرح سؤال شلون حارث ماخذ الامارات مصرع وهو يداوم بالجيش نوهت مسبقا الحارث ماعنده رتبة عسكرية تقيد سفره ودخوله للجيش مونقص مادة وأنما رغبة منه بهذا المجال مواكثر لدرجة رفض ترقيتين لحتى مايترقن قيد كتابه
وللعلم مكمل كلية عسكرية انضباطية
ومعارف والده داخل السلك خلاه يتوسطله يتثبت بالبصرة بدون التحاق لغير محافظة الا اغلب المرات يستدعوهم لامر طارئ يطلعون تمشيط للصحراء وغير مدن
السفر مايمنعه نهائي بشرط ماخذ استحصال الجهة المعنية وهو محصلها الموافقة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الرسالة ماتخص الرواية ولامعنية بيهم وانما سؤال مهم حبيت اشوفكم جوابه بالدليل الدامغ
ترة روايتي وااااااااقعية من ارض الواقع مابيها اييي ثغرة ولا تخلوا من تفاصيل خيالية لحتى اوصلها لاذهانكم بالصيغة المتكاملة والمضبوطة 😮💨 ٠ ٠ نسيت مساء الانوار عليكم 😁 لاتنسوني بتصويتكم وتعليقاتكم وتخميناتكم عالفقرات + متابعة لحساباتي انزلها نهاية البارت اكون ممنونة منكم 💋🧡
✨بارتين دمج✨ ٠ ٠ واذا الخوة انــــــــطفـــــــــــــــت مابين الاخــــــــــــــــــــــــــــــوان ظلمة تصير واتيه العنــــــــــــاوين ومانشعل بعد يانار للضـــــــــــــيف وياضيف اليجي وخرسة الدواوين دمشيلي نهر مابين الگــــــــــــــبور جرت أذني الك لو طگ بساتــــــين ٠ ٠ غنوة....
تعب وقلق وهواجس وتفكير، من غير قلة النوم خايفة ومرعوبة من الجاي واخوتي دمهم حامي مامعروفة نيتهم شنوو
ابوي سكنهم ماطلع بعد حتى للمحلات وامي اعتكفت غرفتها بس تبجي خايفة من عواقب تفكيرهم لحد مايوم قررت تصعدله بنفسها وتنهي اشكالها وياه طلبت مني اجهزله المبخرة سويتها الها وصعدت درجة درجة لفوگ تستغفر واني وراها
دگت الباب ودخلت هو جان واگف كدام المراية يعدل كسرة غترته دنگ على ايدها باسها ورجع يرتب لفة غترته من ورة مثگل عليها بس مو بشكل قوي يخاف على ضغطها لايصعد بخرتله ومن رادت تحجي دمعت عينها ماتحملت باست جتفه وبادرت
