مساء النور عليكم گلبي وعساكم بخير وهنا وسعادة واشكركم من كل گلبي على دعواتكم الحلوة والله اثلجتم بيها صدري سائلة المولى بجاه دعواتكم عنده يفرج همي وممنونة لسعة صدوركم.... النية جانت انزللكم تعويض غير هالبارت بس ماحبيت اتاخر عنكم وهم قدر استطاعتي داكتب لخاطركم التمس منكم العذر عالتاخير يروحي 🧡🧡🧡
٠
٠
ـــــــــــــــــــــــــــــــــــــــــــــــــــــــــــــــ
﷽
الشيهانة والعاصوف
بقلمي ياسمين
لاتنسوني يروحي بتصويت وتعليق عالفقرات اتمنى تصعد اكثر واكثر من خلال ترويجكم الها🥹🥰
لسان حال الاكثم.....
آسِحًبً کْلَآمًيَ خِلَصّ
لَآ آحًبًهّآ عٌيَنِکْ بًعٌدٍ لَآ
فُدٍوٌةّ آروٌحًلَهّآ ردٍتٌکْ
تٌحًلَهّآ قُبًلَ...بًسِ هّسِةّ
وٌصّلَتٌ بًعٌدٍ.. بًسِ ربًکْ يَحًلَهّآ
كيناز...
_ واني ماتزوجك ولا بابا راح يجبرني عليك .. لزمت غنوة ايدي تسكتني نترتها وكتله استفزه
واصلا احنا مكملين كلشي بس نحصل البيت من طرف عمي جواد نروح نكعد بيه واريد اشوف شسوي يلة....... حجيتها وتجتفت مخنزرة عليه
شحط السيارة علة صفحة نزلنا عالترابي خضنا خض
كامت غنوة تلطم والصدگ صارت عندي رد فعل شيريد يسوي بينا..؟؟
طفى المحرك وگال لغنوة بنتر
_ غنووة نزلي ونزلي وياج زيون عندي كلمتين وية الافندية
رادت تنزل لزمتها من ذراعها كتله احافظ على نبرة صوتي
_ غنوة ماتنزل... عندك حجاية احجيها هسة وكدامها
باوعلي من المراية وابتسم يستهزي
_ بس لا خايفة..... حتى اذا كلتي ايي اسوي روحي مصدوم ومصدگ
تركت ايدها معاندة وياه وكتله انفي كلامه
_ لا ماخايفة بس مايصير نبقى لوحد............
ما خلاني اكمل عااط بيه روحه طالعه
_ ووووين لوحدنا وييييين مو هذا شارع سريع لو كلها مو بعينج بت الاوادم..... انزلي غنوووة
ركضت فتحت الباب ونزلت زيوني مختضة بلعت ريگي شيريد يسوي معقولة يخطفني !!!
هديت گلبي اضربه راشدي يصحى لروحه وطمنتني
وين يخطفج ثولة ماثرة عليج الافلام الهندية
كتله مزنبرة
_ يلة احجي خلي نخلص ترة اني احجي كلشي لبابا مااضم عليه شي والله وبس نوصل اشتكيله عليك
ورث جكارة وباوعلي من المراية مقوس حاجبه نظراته تگلي خاف مترضين..... حافظج ترة
باوعت لجهة غنوة اخذت زيوني يتمشون مسافة مدري شيسولف وياها رجعت باوعتله نفخ الدخان برة الجام ببرود وحجى
_ اسمعيني زين كيناز وركزي بكل كلمة احجيها الج
اذا انتي اساس رفضج لان متزوج بت عمي فـ الله يشهد عليه الزواج بيني وبينها شكليات تعرفين شنو شكليات لولا
