﷽
الشيهانة والعاصوف
بقلمي ياسمين
صوتوا عمري + علقوا عالفقرات لاتنسوني من دعائكم بهذي الليالي الحزينة 💔
بلسان حال درة وكيناز البارت
شُجّآکْ وٌرآفُگتٌ دٍربً آلَيَتٌيَهّوٌنِکْ
كيناز....
حسيت روحي اغلي ذني شمسويات ولوين يردن يوصلن رفعت اصبعي بوجهها وصحت بيها
_ والله اذا ماتحجين هسة شنو هذا الخريط البينج وبينها اگعد بابا واحجيله عالشفته
ماخلتني اكمل ركضت كتمت حلگي بيدها ودفعتني لغرفتنا وسدت الباب دفعتها عني ناوية اطلع القضى والمضى كدام بابا اليوم
ماحسيتها غير كامت تبجي وتلطم بهتت من شكلها كامت تصيح بصوت ناصي
_ شتحجييييله..... شتحجييله نعااالة
الشفتيه ماله معنى ماااااله كل معنى وصفكت ايد بايد .... فضي السيرة لاا والنبي محمد اهج بليلة ظلمة محد يندلي درب ساعتها صيري سباعية واحجي لبابا عالمراسلات وخلصيني...... مسحت دموعها وحجت
هاي اذا تحمل الصدمة وماانجلط من الفضيحة
خليت ايدي على صدري مخنوكة وكتلها مصدومة
_ تهدديني جوان....!! تهدديني لو اسكت عن فضايحج لو تشردين زين ليش !!
وشنوو هاي نغمة جديدة اسمعها من حضرة جنابج لو انتي صدك مخلية هالشي ببالج تشردين
رفعت ايدها بعصبية وحجت
_ كلشيي يجي ببالج اسويه وشيجي ببالج عني انفذه.. اني تعبت تعرفين شنوو تعبت...مليت من وضعي ومنكم ومن عيشتنا كلها اريد اطلع منكم اريد اهج.. واذا لكيت فرصة اتزوج بواحد براسه خير اتزوجه واعوفكم دربكم مااندله بعد ... نزلت دموعها بقهر ومسحتهن بعصبية
بس اني شسوي لحظي نايم بالصفحة....
مايباوع حتى لوجهي الخرررة ويسمعني..... ومحد يجيني غير الزبايل
نزلت دموعي گلبي انعصر من كلامها خفت وعقلي وگف تفكير عد كلمة تشرد زين شسوي اني بهاي الحالة شتصرف وياها تحرك زيوني كاعد فز من صوتنا كعدت يمه ادك على متونه خفيف رجع غمض ونام
اشوف دموعي تنزل على ايدي محتارة منين ابلش وياها بالحجي، المشكلة اعمارنا مو متقاربة حتى استوعب كلامها وتستوعب كلامي وادري بروحي بس احاول انصحها تسكتني وتصغرني باسلوبها تحسسني طفلة كدام عمرها وتنهرني... رفعت عيني شفتها تمسح بدموعها مثلي كتلها اترجاها
اذا احنا منستاهل تفكرين بينا مو مشكلة محد يموت ورة اللاخ بس فكري ببابا خطية ترة عايش علمودنا وبالحيلة هم، نهى انتي تدرين بيها مو خوش ادمية وتفكيرها مو نظيف مثل امها... بعدين من يمته صارت هالصداقة بينجن قوية موعلساس تموتين منهم وماتطيقين سيرتهم..... ماعلقت على كلامي كتلها
