قبل لااباشر احب اشكر من اعماق قلبي الي صوتوا ويصوتون ويدعموني بتعليقاتهم الحلوة مااجذب عليكم صابني احباط فجاة بالكتابة لتكون الاحداث مو بالمستوى المطلوب رغم مازلنا بالبدايات ومن شفت كلامكم الحلو والراقي صار عندي تحفيز اقوى ترجعلي الثقة ممنونة منكم عمري ماتقصرون 🧡
﷽
الشيهانة والعاصوف
بقلمي ياسمين
كيناز...
دنكت للارض مهضومة منه اول مرة يمد ايده علية هيج لمحت جوانا تخزر بيه وتتشفى
_ امشي عن خلقتي وجهج مااشوفه بعد
رجعت للغرفة قبل لااملخها بسنوني الكلبة سديت الباب ودفنت وجهي بالمخدة بجيت لحد ماتعبت
اسمع زيوني يدك الباب يصيح باسمي وهيه تصيحله تلهيه يصرخ بيها يريد يمي غلست عنه طافرة روحي
وذاكرتي اخذتني غصب لماما شيصير بالدنيا لو هية ويانا ماجان صار كل هذا
حاولت انام ماكدرت زين كل شوية يضرب الباب ويصيح افتحه.... اسمع بابا صاحله هالمرة وطلع بيه
ان شاء الله يشلع كلبهم اعرفه مايكدر بدوني
غفيت وسط هدوء المكان وفزيت ورة ساعة لو اكثر هالمرة زيوني يفرفح ويدك بالباب وجوانا تزمخ بيه
_ كنوووو تعالي كنووو
كسر گلبي ماتحملت اعاند اكثر مبين مهضوم من صوته كمت فتحت الباب لكيت دموعه غاسله وجهه دنكت عليه حضنته يناشغ وياشرلي على جوانا مبين ضاربته الحقيرة...... كسر بيدها
من شافتني خزرتها حجت طالعة روحها منه
_ اخذيه نوميه وخلصيني بزعني ماخلى شغلة مالعب بيها الزمال
دخلت لجوة وقبل لا اسد الباب كتلها ماغيرج زمالة ياحيوانة بدلتله ملابسه وعيني على خده اثر راشدي اصابعها مطبوع بخده يناشغ وياكل بجلاتين حلو مبين بابا قبل لينام مشتريله
بوسته وكعدت مديت رجلي بمخدة حتى ينام مقبل يريد احضنه لان مهضوم شبكته لصدري كام يغفي ويناشغ واصابعي تمسح بخده اغلي نار من جواي ولساني يلهج بكسر ايدها الحقيرة بسيطة الها اني اعلمها على مدت ايدها عليك
نمت اني وياه كعدنا الصبح متاخر اسمع صوت بابا برة يحجي وية واحد مبين وجوانا ماهية استغربت
وين راحت دخلت للمطبخ سويت ريوك اكو جبن صلوات والثلاجة بيها مسواك واكو كدرين عالنار
واحد تمن مهدر والثاني مركة فاصوليا حمرة يارحمتك ياربي شهالدلال هذا
تريكنا اني وزيوني واخذته للحمام غسلتله وبدلتله وطلعته يم بابا وراه غسلت اني الماي بارد يسوي واهس للتغسيل كعدت ماخذة راحتي لحد مادكت علية جوانا تريد تغسل وراي
كتلها بكلبي اجيتي برجلج لعندي خلصت وبدلت اكو علبة غسول وشامبو غرفت منهن ومسحت الكاع بيهم وطلعت ناخية الله تنكسر ايدها الضربت زين
