﷽
الشيهانة والعاصوف
بقلمي ياسمين
مساء النور عمري لاتنسون التصويت +التعليق عالفقرات التعليق المميز انزله واحتمال اكافئ ببارت 🧡💜 البارت بدون تصحيح غلسوا عالاغلاط 🫣
٠
٠
✨بارتين دمج ✨
الاكثم
طلعت الدكتورة من عيادتها صاحت باسمي جنت كاعد بالانتظار تقربت بقلق كالتلي بنبرة مخلوطة بقلق وحنكة مهنية
_ استاد اكثم حضرتك زوجها للمريضة رؤى عبد الاله
_ ايي دكتورة زوجها..خير !!!
_ تفضل معاي داخل
تبعتها وفكري ضايع من وراها ليكون مثل مامتوقعها
دخلت لگيتها نايمة عالسدية دموعها تنزل بدون صوت سالتني وهية تفحص بضغطها
_ استاد ضغطها هابط والفحص تمام ماكو اي جروح بس عندي اسئلة تخص حالتها رافضة تحجي وتتجاوب وياي
_ دكتورة صارلها ايام بهذا الوضع لاتحجي ولا تنطق بس البجي لحد ماوگعت علينا متاكل ولا تشرب
تركتها ورجعت لمكتبها الممرضة استلمت العناية بيها
_ شنو السبب الي وصلها لهاي الحالة بلا زحمة لان المريضة مجاي تحجي ياريت تنورني
_ احمم..... اسباب ماتنعد عالاصابع دكتورة اولهن رفضها تتعايش وتتقبل زواجها مني لحد ماتم كلشي بينا وهو هذا وضعها
نزلت دايخة من السدية من شفتها تتمايل لزمت ايدها گعدتها عالكرسي صافنة بغير دنيا وناس والدموع همالة
استنتجت الدكتورة الوضع ميؤوس منه وگفت وصاحتلي اطلع وياها برة تبعتها گالت تنصحني
_ استاد اكثم زوجتك جسمها نحيل جدا بسبب قلة الاكل والشرب واضح عدها نقص متكامل بجسمها
من غير حالتها متطمن نهائي
حاولوا تجبروها تاكل وتلتزم بالعلاج ولازم تعرضوها لدكتور نفسي او دكتورة باليريحك المهم تتعالج وتطلع من الحالة الهية بيها...
حاليا وحسب نظرتي الها هية داخلة بفترة اكتئاب وهالشي خطر عليها اذا متعالج الامر يتفاقم وتضطر تعيش عالحبوب طول حياتها
_ واذا رفضت دكتورة شسوي بالذات هية كاطعة الكلام نهائي وجيتها لهنا سحلتها بالقوة شلون اقنعها
نراجع دكتورة نفسية
_ حاول تحجي وياها مرة واثنين وعشرة واذا ماكدرت اجبرها مثل ماجبرتها هسة
_ يصير خير... وممنون منج دكتورة.،
هزت راسها ودخلت طلعت متسندة بيد الممرضة اخذتها منها ايدها ترجف صعدتها بالسيارة ورحت اجيب علاجها طلعت للسرايا عيني منها
شكد احاول اسحبها بالحجي حتى تنطق وتفضفض ماتحجي دمرت اعصابي فوگ البيه.. دور غفت واحنا بنص الطريق خلت عقلي يضرب اخماس باسداس تفحصت حرارتها الا رجع الدم بعروگي
