﷽
الشيهانة والعاصوف
بقلمي ياسمين
تصويتكم عمري + وتعليقاتكم احب رقم الالف يطگ فوك عالشاشة+ متابعة لحساباتي انزل التغشوشات الكم
بارتين دمج من 6266 كلمة التكول قصير ومابيه احداث افشخها بطابوگة كنوو 😅 لاتستعجلون على رزقكم جايتكم الفشخات من كل صوب 😭
ملاحظة مهمة اقروها نهاية البارت حتى اطلع من خطية الكل مو تكولون مابلغت
٠
٠
بلسان الحارث.....،
﴿ كون الگلب تركيب وتشلعه وتنام﴾
﴿ وتغفالك اسبوعين من جور الايام﴾
درة...
بس حجيتها فتح عينه ودنگ بضياع ... اصابعه ترجف من يدخن الجكارة ويشهگ نفسها ... باوع لاحمد مخنوگ گاله مبتسم
_ أخيك احمد جيبلي مي ريگي يبس
صفنت عليه مسح گصته وباوعلي عيونه مطعونة
_ بعد لاتعيديها درة............... ترة الشهگة والنفس ضاگن علية..........سكت لحظات ضايع ورجع باوعلي
_ اكلج انتي تتشاقين موو؟؟وغايتج تجلطيني وتحرگين گلبي صح ؟؟؟؟
صفنت عليه بدون رد شريد اگله مثلا
اخذ الگلاص من احمد شربه كله ووگف منتجي عالحايط صدره يصعد وينزل بصعوبة حجى مخنوگ
_ يگولون ماكو اصعب من الموت واني جايج منه ارافس وية ملك الموت مرافس في سبيل ارضي عيونج الزعلانة وراها شيريد يصير خل يصير
اذا تردين تاخذين ثارج مني اني قابل ومستعد اتحمل اليجي منج لو تخلين طلقة بصدري ماازعل منج بسسس كلشي ولاتهدديني تروحين مني وتختارين واحد مايحبج ذرة گدي
ولج والله ليلي مانايمه ومستعد اسكن عتبة دارج لحد ماترضين بس لاتختبريني بغلاتج لان ساعتها انطي روحي للموت ولا تتسمين لغيري
خزرته امنع دموعي ماتنزل كدامه....،
انطاني ظهره وطلع اسمع احمد يهديه ويگله
_ معليك بيها حارث اني احجي وياها الزمالة
_ مو مشكلة يصير خير... حجاها بصوت خافت هلكان
عفتهم وطلعت صاعدة لغرفتي دموعي تهمل على خدي لابيه ارجعله ولا بيه اتركه واكفة بنص نقطة مخليتني بعذاب وتفكير مستمر ماريده وهو متزوج بغيري ولا طايقة هالفكرة نهائي
من غير زن عقلي علية... ثائر مقوماته كلها تناسب عقليتي واشوفه انسان راكز ورزن ماعنده عصبية وعناد من غير قبوله دراستي للحوزة بصدر رحب...
مو مثل الحارث
بس شلون بگلبي الي ماجاي يدگ بس اله
سديت الباب علية وگعدت بجيت مطلعة شكو خنگة بصدري كابتتها گدامه... ماسكتني غير آذان المغرب گمت بدلت ونزلت توضيت وصليت علما كملت تسبيح وگمت اساعد امي بالعشى
