﷽
الشيهانة والعاصوف
بقلمي ياسمين
لاتنسوني بالتصويت والتعليق عالفقرات من اناملكم تقديرا لجهودي 🥰🥰 وللمعلومة اكو تخمينات عالمستقبل اقراها عن كثب احب مخيلتكم واعشق مشاركة افكاركم بخصوص الابطال ومستقبلهم
٠
٠
رؤى.. اقتباس
العجز : هو نتيجة اخيرة لفوات الفرص، وكتم صوت الذات، والكف عن المحاولة
العجز : عبارة عن شخص آثر الموت بيده، واتهام الحياة بالتقصير معه.
حتى ادركت ان هذا العالم منصف جدا لدرجة ان كل شيء فيه متاح الا الشيء الذي تريده
٠
٠
_ نزلي السجينة من ايدج وبطلي رعونية واذا عندج حجاية تحجيها كوليها بدون حركات المزعطة هاي
حجاها ببرود عينه بالمراية ينزع بخواتمه وساعته
نزلتها ارجف من كد مااغلي وكتله
_ اني ماردت اتزوجك وماراغبة الزواج من اساسه فـ ياريت تحترم قراري وتطلكني
صرفن ردان دشداشته وفتح قفل الباب بهدوء تركني وطلع بدون كلام شفته توجه لجهة الحمام موجود بنفس الطابق مشترك بين الغرف ومفرغيه النا
مسحت دموعي استجمع قوتي مقتنعة بقرارة نفسي لازم الليلة يطلكني مابيها مجال بعد لحظات ورجع متوضي دور على سجادة صلاة بالملحقات اخذها فرشها وحجى قبل ليصلي
_ بدلي قبل ليجيبون العشى وراها نتفاهم
_ واني ماريد نتفاهم
تجاهلني وكبر تكبيرة الاحرام
عاندت مااغير ملابسي وبقيت كاعدة منتظرته يكمل صلاته من خلص ورتبها سحب موبايله اتصل بحارث كاله
_ صعد صينية العشى اخوك هلك من الجوع من الصبح لسة مماكل......... هههههه انجب ويلة ولي كافي هتالة
من ضحك خزرته اني وين وهو ويين غلق موبايله وباوعلي بنظرات جامدة
_ من يندك الباب صيري على صفحة خاف وحدة من عماتي تصعد العشى ويشتغل عدها الفضول تشوف شكو بالغرفة مـا.........
قاطعته اغلي اريد اخلص وكتله
_ وانيييي ميهمني............ مصيرنا نتطلك مااريد ابقى بذمتك افهم هالشيي
هز راسه وحجى
_ مو مشكلة نحلها وحدة وحدة بس اسمعي كلامي وخلي هالليلة تعدي على خير
صفنت بوجهه محتقنة حسيته ماخذني على گد عقلي اندك الباب راد يفتحه وخزرني بنظرة لان معاندة تحركت بزاوية ماانشاف منها وضغطت على بدلتي لاتبين.. الا فتحه ومثل ماخمن صار
اسمعه يكللهن مستغرب
_ شنقصة عمة ليش كلجن صاعدات
_ هههههه بعد عمتك ماكو شي هههههه اني طلبت منهن يعاونني بالصواني والخبز وشوفة عينك هاي صينية للسهرة الكم تنغرشون بيها هههههههه
