﷽
الشيهانة والعاصوف
بقلمي ياسمين
صباح الخير، عمري بطعم الليل وسباته
لاتنسوني بتصويت وتعليق عالفقرات حبايبي
✨بارتين دمج لعيونكم ✨البارت بدون تدقيق كالعادة اكمله منا انشر منا 😁😁
وصيتي واذا الي يمكم خاطر اسم رؤى بالخصوص لحد يتجاوز عليه اكون ممنونة منكم الجاي والراح يصير احتمال يستفزكم فاتحكموا باعصابكم لخاطري
غنوة..
دگيت عليها ماجاوبت رجعت دگيت مرة الثانية فصلتني كتبتلها سمايل يضحك
_ دادة انتي مكشوفة بعينه من كاعج ويگول اشربي من الاعشاب الجبتها مرة الج واذا ماصرتي زينة يجي ياخذج للمستشفى هههه
شافتها واتصلت جاوبتها اضحك گالت
_ عزة العزاج غنوة كتيله مو بلة
_ لا والنبي ماحجيت ههههه هو عرفج بدون ماحجي
عاطت بيه تتلوى من الوجع
_ واني شلون بيه هسة..... شلون اخلي عيني بعينه باجر والنبي ولا اروح وياااه
بس ضحكت سدته بوجهي........ ماعدها تفاهم ابد
رجعت ادرس المادة بتركيز ماطولت ربع ساعة اتصل بيه جاوبته گالي قلق
_ خابرتيها لولا..؟؟
_ ايي يابة راسلتها وخابرتها ووصيتها هم ..... العفو قصدي كتلها اشربي مي حار وردة للمعدة تغسلها غسل وكالتلي راح تسوي وتشرب
_ مو مشكلة المهم ابقي وياها متواصلة لاتتركيها ترة وحدها هية وزيون محد يمها
اجيت اگله شمدريك وسكتت سؤالي بايخ
غلقه منا سديت الكتاب مناا مالي نفس بعد اقرة
نزلت جوة لگيت امي كاعدة تتصل بامي فاطمة وتبجي تگلها
_ بت اخوي لاتقبل تحجي وياي ولاتقبل تسمع واهلها محتارين بيها حتى لكربلة اخذوها يردون طبتها من الله وتربة الحسين ؏ بلكت تتعافى من وجع معدتها
گمت عنها لبرة اشم هوى منين مالتفت سلبية صاير بيتنا
درة ووضعها ورؤى وحالتها ماعرف شجاها
وتقي مدري شجاه صاير عاقل مدري ملتهي بدراسته
وشهم خطية طلع بيه سكر انصدمت من عرفت بيه
صارلي فترة ماخابرته مشتاقتله
خليت وصعدت لفوگ ناوية اعتب عليه
رنيت عليه جاوبني صوته ماله خلگ هو الثاني
_ هلو غنوة احمم..... شخبارج يابة
_ اني شخباري لو انته لاتسال لاتگول مدري شصايرلكم... اخوتي ولا واحد بيكم يتفكدني هاي عود اني وحدة لو جايبات امهاتي عشرة غيري شتسوون
_ حقج عليه تاخذيه من هالعين قبل هاي العين بس افرغ انزل وامرلكم اشوفج
وگفت كدام المراية مشطت شعري وكتله
_ لا عليمن احتمال بس اخلص امتحاناتي اجيك لابو ظبي اخلص يمك جم يوم وهم تفررني سياحة وسفر ومشترى تجهيز شتوي من هذا اليحبه گلبي شرط ارجع بجنط محملة....... جهز فلوسك من هسة
