﷽
الشيهانة والعاصوف
بقلمي ياسمين بارت من 6517 كلمة تعويضا الكم عمري اطول من السابق و اسفة طولت عليكم البارت بدون تدقيق غلسوا غلسوا🫣🫣🫣
لاتنسوني بتصويت من اناملكم + تعليق بين الفقرات
ممنونة منكم 🧡🧡🥰🥰
٠
٠
درة...
رجفة وخوف وفرحة خلت اطرافي تثلج من عرفت راح يجي يخطبني..توقعت من رجل عمتي يرفض يتقدملي والحمدلله احساسي خاب...واحتمال دعائي لرب العالمين بسحر الليل ماخاب يجمعني بيه بالحلال
بوقتها امي ركضت جهزت الضيافة من قبل يوم فرحانة بالخبر بعد ماسمعنا التاكيد من اكثم لابوي يحدد يوم جيتهم النا
والتنظيف والترتيب بلشنا بيه تقريبا من يومين گلبنا البيت عالبطانة حتى بردات جدد اشترينا للاستقبال..
من اجت علا مسيرة علينا سالتني شنو عندي للخطوبة كتلها كنتوري مليان ملابس واحتمالـ...
ماخلتني اكمل تهز بيدها وصعدت هية وبطنها كبرانة دخلت التاسع بحملها خطية كوة تسحب النفس صعدت وراها فرغت كنتوري كله وتكول ماعجبني شي لازم ننزل للسوگ كتلها مامقتنعة
_ ترة هية خطوبة حتى موعقد وفكرت البس جبتي هاي الالوان وحجاب كريمي جرجيت اللبناني
نترت بيه روحها طالعة تشمر بالملابس عالجرباية
_ ايي ولبسي بعد بوشية وتنقبي كدامهم فرد نوب
سحبت مني الجبة شمرتها وياهن كامت تسحب النفس كوة لزمت ظهرها وحجت بتعب
_ لازم ننزل للسوگ نشوفلج فستان حلو للخطوبة وياها حجاب وشغلات تكميلية
_ مثل شنوو يعني مافهمت؟؟
_ ننزل ونشوف العصر اخذج ونفتر محل محل لمن نحصل الي ببالي
نزلت لجوة جنها بطة تتمايل بمشيتها وخلت غرفتي فوضى على اصولها رجعت علگتهن ونزلت وراها لگيت مرة مهند جاية كاعدات بالمطبخ كلهن يسولفن
سلمت عليها كاعدة تقلم بالبيذنجان تساعد امي بالطبخ كالتلها علا تقنعها
_ اني اخذها يمه وانتي كملي الباقي ويمج مرة مهند تساعدج لاتطوليها وهية گصيرة
كالتلها تلگط بالتمن
_ مامصعبتها اني بس خلي اشوف ابوج شكد ينطيني حتى ازودج فوگ العنده
طفرت مرة مهند تطك بعلجها كالتلهن
_ وعليمن هالاصرافات والله يا الله قابل عقد وشايشات الدنيا هيج.... هية خطوبة وقراية فاتحة وابوك الله يرحمه تلبس من ملابسها وفضت
شربت مي عيني على علا باوعتلها رافعة حاجبها كالتلها تبسمرها
_ والله حبيبتي الناس الجايين لاختي مو حي الله ناس واعبر، معروفين وحال ومال وجاه نلبس ونكشخ لعيونهم يستاهلون احسن من ذيج العالم من رادت تدفع ايدها صارت تتراعش
خزرتها واندارت لامي كالتلها
_ تسمعيها شتگول خالة لو متسمعيها ترة اني اعرف تقصدين اخوي بكلامج بس عيب عليج ثائر مو هيج وانتن كلش زين تعرفنه... بعد ليش هالتبسمر
