اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
غنوة.... كتلها اطمنها _ ميخالف خالة والله ماجيب سيرة هو اصلا الفاس وگع بالراس بس ليش نهى تصدرت تركض ورة حارث مو نورس فهمني هاي النقطة لان دخت
كامن يغسلن بالخضرة وحجت ام عادل تستغفر _ الله اعلم يمة...... الله اعلم لاتنسين اخوج المتواصل ويااها نهى مونورس والبنية ورقتها محروگة احتمال كميلة تزوجها ماتخليها بس نهيوة باشطة كلش وعقلها انشط من اخواتها كلهن
والحجي بينا يمة اذا بت خالج قبلت تتزوج اخوج اعتبري بيتكم ينگلب جهنم من ورة طلايب بت كميلة لان البنية شفتها جم مرة مبينة فقيرة وذيج لسان الا اذا اخوج يصگرها ويخليها تمشي مثل الميل ماتزل ساعتها هذا حجي ثاني
_ والله ماعرف اشوو خوفتني منها معقولة شايلة كل هذا الخبث لو اخوي حارث هو السبب استدرجها والبت مراهقة ماصدگت..... فركت وجهي دايخة محد بيهن علقت خليت وطلعت روحي مسحونة من القلق
سحبوه الولد للمضيف ويابة اكثم دخل من جهة المطبخ كمتله حضنته باسني براسي شكله كلش تعبان طلب من ام عادل وام صباح يصبن العشى وراد مي يشرب جبتله دولكة وگلاص شرب كلاصين مبين عطشان من خلص سحبني على صفحة وحجى يدورها بعيوني
_ شلونها مشلوعة گلبي وشخبار امورهم زينة لو وضعها بعده معفوس
_ والله يابة بعده معفوس علة ابوها شتدري بيها وسالت عنك منتظرتك تجي وتاخذها تزوره
لاحت ابتسامة علة شفته وهز راسه يجاوبني _ يصير خير اوصل واخذها بس كون تفض طلابة حارث ودرة
