مساء الخير حبايب تنويه للي متابعني جديد وللبعض
كلامي للي تجاوز وأنهد عليه عالتاخير ايدي والكتم مامستعدة اتحمل عقليات سطحية تتجاوز علية وتطالبني بمنية رغم الي علقن بتجاوز لا اشوفهن يصوتن ولا يعلقن بس من تتاخر الكاتبة يذبن سمهن وهنة امهات الراهي
النقطة الثانية
نشري منا وهيج مرتين بالاسبوع جان تلث مرات وتعسفت بايام الزيارة من غير ظروفي التعيسة تعرفها القلة قليلة منكم وبس حبايبي الاعرفهن مقدرات باقي النماذج تلوم وما تقدر
النقطة الثالثة
اي صورة اي مشهد اي مقطع انزله هو قريب لمشاهد حياة الابطال الاطرحها لو لشخصهم يعني ماتخصهم لامن قريب ولابعيد اتخيلها ملائمة وانزلها احب تعيشوها بمخيلتكم مثلي...
روايتي واقعية من ارض الواقع مليانة بحقائق وتفاصيل لاتكاد تخلو من خيال قلمي ونوهت قبل برواية عشق السلاطين اي رواية اكتبها تدرج بقائمة الواقعية ولوكانت حقيقة 100/100او حتى
خيال 100/100
اكتب للاستمتاع بدون شروط واقروا مثلي بدون شروط الي معاجبها وتكول خريط هذا مصطلح نازل جديد وبكثرة اكلها اطلعي من مكتبتي بدون مطرود
رجاءاا ماغاصبة وحدة بيجن تقرة وتبث سمها
وبگولة اكثمنا عايلة وياجن يابة لو ماعايلة 😮💨😮💨
٠
٠
﷽
الشيهانة والعاصوف
بقلمي ياسمين
✨ بارتييييييين دمججججج✨
كيناز
من يوم وفاة بابا واحنا حالنا بالضيم اكثم باول يوم شفته استلم الدفن وراها اختفى نهائي صحيح غنوة وامها سون الواجب ويانا وزيادة بس احساس اليتم طعمه مر وشكد جنت خايفة من هذا اليوم تاليها اجه يركض ماحوينا ابوي وراح سودة عليه وهو مامرتاح من ورانا
جوانا استفحلت علية بالزايد وتصرفاتها زادت مانقصت من تشوف غنوة تتمادى وتصيح وتلطش بالبيبان صرت استحي منها
وصدگت العمر رقم والكبر للعقل يأ أما التجارب تصقله
او تخليه عايش عالعمى مايقبل يتعلم من اغلاطه
سكتت عنها مالي قابلية الها وغياب بابا دمرني ونهش عقلي نهش شراح يصير بينا من بعده
زيوني ساعة يبجي وساعة يتكرضم ومرات يجي لحضني يضم روحه بصدري وينام
واضطر اگوم وياه من يجوع لان جوانا بطلت تطبخ وحجتها بالخط العريض مالها دخل بعد بينا
مااعرف جزعت مدري طفحت اخلاقها للاخير وصارت هيج تتصرف غلست عنها وگمت اسوي الي واله لگمة ناكلها ونرجع لغرفتنا
اقل الاسبوع ورة وفاته واجه بسام بالليل سكران فلش الباب علينا تفليش اضطرينا نفتحه اله
كام يغلط ويفشر علينا سحبت زيوني للغرفة لاتلوحه ضربة دفعني برجله ردت اوگع اعثر ووكفت اشوفه ضربني راشدي راد يمعش شعري ماخليته دفعته ودخلت للغرفة قفلت الباب ارجف خانگة دمعتي ماريد ابجي كدام زيون ويخااف
