﷽
الشيهانة والعاصوف
بقلمي ياسمين
٠
٠
صباح الخير بطعم الليل وسراجه💜
لاتنسون التصويت والتعليق بين الفقرات اكون ممنونة منكم وياريت توصون عليها بين احبتكم ومواقع التواصل الاجتماعي 🥰🥰
كيناز...
گعدته بالمقعد عيونه حمر وشفايفه ذابلة غسلتله رجليه بمي بارد ووجهه وايده كام يشاهگ من برودته وبجى
_ كنوو باارد مااريد مي اريييد انام
_ كافي نوم موتتك الصخونة... يلة حبيبي حتى اخذك اشتريلك
_ ماريد..................... حجاها مبرطم ووگف حضني مابيه يوگف غسلتله ظهره وبطنه وشلته ملفلفته بالخاولي اخذته للغرفة بدلتله ملابسه وهو عاض المخدة يريد ينام من ورة المرض
دخلت جوانا من برة استغربت وعيني عالساعة بعد وقت لجيتها
_ هاي شكوو.......؟؟ اليوم جاية من وقت
دخلت لغرفة بابا شمرت جنطتها وكعدت تنزع بحذائها تتأفاف
من توظفت لسة وهية متانقة لبس وكشخة ومكياج حتى الجبب تركتهن ورجعت سفور مو مثلي التزمت من ورة اكثم وتدقيقه علية
_ يمعودة لعبان نفس مو شركة صايرة مصرع للمشاكل والمدير گال ارجعوا علما ينحل سوء الفهم
_ ولشگد راح تبقين معطلة والموظفين كلهم رجعوا لو بس انتي
گامت تطلع ملابس من الخزانة وحجت
_ لا.......كل الموظفين طلعوا شنو بس اني قابل على ريشة وحد عنهم
رن موبايلها وموبايلي بنفس اللحظة لمحت الاسم جلال المدير وطلعت للغرفة جاوبت اكثم عقلي حايس من وراها
_ هاا يابة شلون صار زيون
_ غسلتله ومنتظرة بلكت حرارته تنخفض
_ شربتيه العلاج لو ماقبل ياكل
_ بالگوة اكل يادوب لگمتين وحضن المخدة يريد بس نوم
_ هية هاي افلاونزا الشتا انتبهي عليه لاترتفع الصخونة وخلي موبايلج يمج خاف تحتاجين شي
_ تمام
راد يغلقه كتله اذكره خاف نسى
_ اكثم شسويت على قضية ام عطوب فضيتها لو بعدك
_ ههههههه.......... يابة والله افضها بس انطيني مجال
شوية
_ امممم............ والله خايفة اني من هذا المجال تاليها اسمع الهلاهل ترگع فوگ راسي مرة ثانية الك ساعتها انجلط والنبي
_ ههههه سامعة بعشگ الجنوبي لوليفته شيگول لو ماسامعة
عصرت الموبايل بين ايدي منتعشة لغزله وگعدت عالجرباية مبتسمة امسح براس زيوني
_ لا ماسامعة بيه شيگول
_ يگول
منو اليعجبني غيرك حتى افكر بيه
گبلك حتى روحي ما موالفـــــــــها
سالوفة انته القدر خطها بجبيني وراح
والباقي اعتبرها سالفة بــــــــــگهــــوة
