Dangerous Love

Chapter 45

Kinabukasan, nagising ako sa tunog ng mga boses ng aking mga kaibigan na nag-uusap sa sala. Habang nag-iisip kung paano ko mapapagalitan ang sarili ko sa pag-inom kagabi, tumayo ako mula sa aking kama at sinubukang maglakad ng tuwid ngunit parang may hangover na nagkukulong sa akin.

Pagdating ko sa sala, nakita ko si Frea at Raizen na nakaupo sa sofa, parehong puyat  at may mga eyebags. "Good morning!" bati ko, kahit na may halong sakit ang ulo ko.

"Good morning, Seah! How's the hangover?" tanong ni Raizen, habang umiinom ng tubig.

"Parang ang sakit ng ulo ko." sagot ko, sabay ngiti kahit na pakiramdam ko ay parang may nagda-drumming sa utak ko.

"Kasalanan mo 'yan! Hindi mo kasi kayang mag-inom ng marami!" biro ni Frea.

Habang nag-uusap kami, naisip ko ang mga nangyari sa party. Kung saan-saan na pumapasok ang isip ko, lalo na ang mga sandaling kasama ko si Travis kagabi. "Where's Travis?" tanong ko.

"Huh? sinong Travis?" tanong ni Frea, bakas ang pag tataka sa mukha. Ako naman ay nabigla bakit ko tinanong ang bagay na iyon.

"Anong Travis? Ang sabi ko What time is it?,lasing ka pa ba?!"

"Seah, Wag mo ko gawing bingi Travis ang narinig ko girl!" pakikipag talo niya.

"Hay naku! Tara na mag breakfast!" aya ni Irene.

"Pero sino muna si Travis?" sabay sabay nilang tanong.

Wala nga! Di ko kilala, okay?" sabi ko, medyo naguguluhan na sa kanilang mga tanong. "Bakit ba ang dami niyong tanong?"

"Di kilala pero ng dropped ng pangalan? Parang mali ata sagot mo!" sabi ni Raizen, saka ngumisi ng pangasar.

"Alam nyo,wala kayong alam. Tara na!" sagot ko, pinipilit na maging seryoso kahit na may ngiti na akong naitatago.

"Come on, Seah! Spill the tea! Kailangan naming malaman kung sino siya." sabi ni Frea, habang nakasandal sa pader.

"Is he the one who saved you?" tanong ni Irene, napaka-interesado na.

"Oo, siya nga 'yon, pero-" sinimulan kong sagutin.

"See? May connection na kayo!" sabat ni Raizen.

"Guys, chill! Hindi ako interesado sa mga ganyan." sabi ko, subalit sa kabila ng lahat, hindi ko maalis sa isip ko ang mga nangyari kagabi.

"Basta, ikaw na ang bahala. Pero, kung gusto mo, ituloy mo na lang. Ang saya lang isipin na may possibility na mainlove ka sa savior mo." sabi ni Frea na tila nag-iisip na parang siya ang love expert.

"Fine! Breakfast na tayo, nakagutom na ako," sabi ko na lang, kahit na ang isip ko ay naguguluhan pa rin. Matapos lang ang usapan tungkol dun.

***

Matapos ang masayang breakfast, nagpasya kaming magpahangin nalang muna sa seashore. Ang sikat ng araw ay nagbibigay ng mainit na liwanag habang ang hangin ay may dalang amoy ng dagat. Napaka-relaxing ng paligid, nakakawala ng hangover.

"Ang sarap magpahinga dito, no?" tanong ni Irene habang pinapansin ang mga alon na humahampas sa buhangin.

"Fact. Parang lahat ng problema, nawawala." sagot ko, na sinubukang kalimutan ang mga tanong tungkol kay Travis.

Habang nakatanaw, bigla na lang akong napahinto nang makita ko ang ilan sa mga kaibigan naming naglalaro sa tubig. Ang tawanan at sigawan nila ay talagang nakakahawa. "Tara, sumali tayo!" mungkahi ni Frea.

"Pwede, pero parang ayaw ko pa mabasa," sagot ko, sabay tingin sa mga alon.

"Come on! Wala nang excuses. I-refresh mo yung isip mo!" ani Raizen, sabay hila sa akin papalapit sa tubig.