Illicit Love

Kabanata 17

Kanina pa ako pangiti ngiti ditong parang tanga, nahihiwagaan na nga rin itong mga kasama ko dito sa booth dahil sa change of mood ko. Nakasimangot lang daw ako kaninang umalis tapos pagbalik ko'y pangiti ngiti na ako.

Sino ba namang hindi ngingiti kung hinayaan kang manligaw ng gusto mo hindi ba? Hindi ko maiwasang makaramdam ng kilig, wala akong idea paano manligaw pero sige para sakaniya aalamin ko. Isang Solanna Driana Jimenez na iyan no, alangan namang hindi natin pag effort'an.

"Hoy para kang baliw diyan kakangiti mo, mamaya ma creept out lahat ng costumer natin" inirapan ko si Naia'ng nasa tabi ko na pala.

"Bakit ba? Mind your own business" pag susungit ko at bumalik na ulit sa ginagawa kanina.

"Umamin ka nga. Inlove ka ba?"

Agad akong natigilan dahil doon, anong inlove inlove pinagsasabi nito? Hindi ba pwedeng kaya ka nakangiti ay masaya lang? Oa na naman.

"Hindi ba pwedeng masaya lang? Anong inlove inlove pinagsasabi mo" pag iwas ko dito at agad na tinalikuran ito.

"Sus saakin ka pa nagtago, kilala na kita sa tagal nating magkasama. Hoy minsan ka lang ngumiti ng ganiyan, ano nga"

Nakasunod parin ito saakin habang pilit akong pinapaamin, totoo naman eh. Hindi ako inlove, aaminin kong gusto ko si Ma'am Driana. Pero inlove? Hindi ko alam.

"Hindi nga kasi" pinal na sabi ko at hindi na ito pinansin pa.

"Uy sila ate Driana ba iyon!"

Agad naman akong napalingon dahil doon, kasabay nang paghampas nito sa braso ko, "Huli!" inirapan ko ito dahil doon.

"Wait–Don't tell me.." dahil doon ay kinabahan ako kaya mabailis ko siyang nilingon, "Omg bading ka, gusto mo si ate Driana? Well sino ba namang hindi magkakagusto sakaniya, pero girl. I didn't expect you to swing that way, I mean look at you you're too gorgeous huh?"

Kumunot ang aking noo, "Pinagsasabi mo?"

Ewan ko kung bakit kinakabahan akong baka biglang malawan nito, hindi naman sa gusto kong isekreto ang nararamdaman kong ito pero ah basta.

"Sige lang parang hindi kaibigan ah"

Tumalikod pa ito tila nagtatampo, gusto kong matawa parang bata e.

"Ikaw nga hindi nag kwekwento ng inyo ni ate Patricia eh" malokong sabi ko na ikinatigil at ikinapula ng mukha nito.

Did I hit it? Iwas na iwas ito sa mga tingin ko ngunit saglit lang ay bigla ring nagbago ang expresiyon nito, napalitan ng malungkot na ngiti kaya agad akong natigilan sa pang aasar sakaniya.

"Wala namang dapat ikwento" ramdam ko ang lungkot sa boses nito.

Hindi ako umimik, sandali pa akong nakikiramdam sakaniya. Napanguso ako't dahan dahan itong nilapitan at inakbayan.

"Pwede kang magkwento, makikinig ako"

*

"Kailan pa? Bakit parehas tayo ng sitwasiyon" natatawang biro ko upang pawiin ang lungkot sa pagitan naming dalawa.

Minsan ko lang makitang ganito si Naia, I always see her as a jolly person. But now, she looks so vulnerable and in pain. Maiinlove nalang sa mahal pa ang ex, hindi ko alam kung matatawa ba ako o maaawa. Aware naman daw siya sa pinasok niya, ang kaso itong si ate Patricia ay hindi pa nakaka get over sa ex niya kahit nasa mutual understanding silang dalawa ni Naia.