Illicit Love

Kabanata 15

Kanina pa hindi maipinta ang mukha ko, paano ba naman akala ko sila Ate Helena lang ang kasama niya. Iyon pala ay kasama niya iyong Niero, edi wow sila na shut up nalang ako dito sa gilid.

"Patay na iyang baboy, mas lalo mo pang pinatay" natatawang puna ni Ate Selma.

Napatingin ako sa karneng lasog lasog na talaga, napanguso nalang ako't umimom ng tubig. Nawalan na ako ng gana kaya hindi ko na tinapos iyong kinakain ko kahit masarap pa iyon. Tumayo na ako't nilagay na sa lababo ang pinagkainan ko, ichecheck ko ulit si Rahim kung ayos na ba talaga ito.

Paakyat na sana ako nang may marinig akong nagtatawanan malapit dito sa hagdan, pamilyar ang tawang iyon saakin kaya agad na kumunot ang noo ko. Sinundan ko kung saan iyon nanggagaling at nang malapit na sana ako ay bigla akong hinila ng kung sino.

"Zari!" bakas sa maganda nitong mukha ang kaba ngunit agad ring napalitan ng ngiti.

"Ate, may kailangan ka?" takang tanong ko, hindi ko na pinansin pa ang dapat ko sanang pupuntahan dahil hindi ko narin naman na muling narinig pa ang tawa nito.

"Wala naman, nakita lang kita kaya agad kitang nilapitan" napansin ko ang pagsulyap nito sa likod ko kaya akmang lilingon sana ako ngunit mabilis ako nitong hinila palapit sakaniya.

Bumilis ang tibok ng puso ko dahil sa sobrang lapit naming dalawa, mas matangkad ito saakin ng kaonti dahil sa heels na suot nito kaya napaangat ako ng tingin sakaniya. Seryoso ang mukha nitong nakatingin saakin.

"Don't" may maliit na ngiti ito sa kaniyang mga labi, nagtataka naman ako sa ikinikilos niya.

Amoy na amoy ko ngayon ang mabangong amoy nito dahil sa lapit naming dalawa sa isa't isa, para kaming magkayakap na dalawa dahil sa posisyon namin. She's holding my waist while my both hands are on her sholders.

"What are you doing?" seryosong tanong ko.

She just smiled at me and slowly letting me go, "Solanna, Niro, andiyan pala kayo"

Agad akong natigilan nang banggitin nito ang pangalang iyon, mula sa pagkakatalikod ay dahan dahan akong humarap upang makita ito. Parang may kumorot sa dibdib ko nang makitang kasama nito si Niero'ng nakahawak sa baywang niya.

Nagtama ang mga tingin naming dalawa, blanko lang ang mga iyon. Nahihirapan akong lumunok bago yumuko dahil pakiramdam ko'y para akong mag brebreakdown nalang bigla.

*

Foundation day come, first day palang pero nakakapagod na. Tatlong araw lang ang foundation at iniisip ko palang nakakapagod na, maraming events at activities ang pwede mong salihan pero ako ni isa wala.

Sa booths lang ako magpaparticipate, wala naman na akong ibang interes sa iba. Si Naia ay busy sa pag aasikaso ng events, SSC kasi ang bahala doon kaya busy'ng busy sila.

Tahimik lang akong nakaupo dito sa isang bench dito sa field habang pinagmamasdan ang bawat studyanteng nagkakasayahan sa kaniya kaniya nilang mga ginagawa.

Ang iba naman ay mga couples na ginawang dating place ang bawat booths, wala naman akong ibang kaibigan dito kundi si Naia lang at si Ate Helena. Mukha tuloy akong loner, pero it's comfy naman mag isa kaysa marami ka ngang kaibigan ngunit hindi mo alam totoo talaga sila saiyo.

"Uy nandito ka lang pala, Block 1 ka right? Zariah?" may dalawang babaeng lumapit kung nasaan ako.

Agad ko naman silang namukhaan dahil nakikita ko sila sa room, agad akong tumango at nagtatakang tinignan sila.

"Maniningil kami para sa contribution natin sa booth tapos para sa damit na isusuot" nakangiting sabi ng nakasalaming mahaba ang buhok.

"Ganoon ba, magkano ba?" napakamot ako sa aking leeg, mabuti nalang at dala ko iyong pera ko ngayon.