وهَوى القلبُ في هَواهَا

قبل قراءة الرواية

السلام عليكم ورحمة الله وبركاته
افتكرتوه الفصل؟ أنا أسفة ده مش الفصل، بس أحب أبشركم إن معاد نزول الفصل خلاص مبقاش بعيد خصوصًا إنه هيكون الفصل الختامي.

مش عارفة مين اللي هيقرأ وهيتفاعل بس حبيت أفضفض بكلمتين كترويح عن النفس، الرواية دي كتبت مقدمتها في شهر عشرة 2022 نشرت المقدمة كان يوم ١/٣/٢٠٢٣ كنت ثانوية عامة وكان في مخيلتي إن الرواية مش هتاخد مني أكتر من سنة وإذ بي اتفاجأ إني دخلت 2025 وأنا لسه بكتب فيها!

كانت رواية متعبة رغم خفة قصتها، في السنتين اللي فاتوا دول مريت بظروف كتير أشكال وألوان في منها اللي عدت وفي اللي لسه مستمرة معايا لوقت لا يعلمه إلا الله، الرواية دي أصابها وأصابني معاها نحس غريب، متخيلتش إنها هتاخد كل ده مني، حبيت أشكر التلات أربع بنات اللي كانوا بيتفاعلوا معايا، شكرًا للبنوتة الجميلة اللي كانت بتصحح لي أخطائي، اسمك حتى معرفوش بس بحبك.

الرواية دي كتبتها وأنا مقتنعة إني وصلت لدرجة من الاتقان محدش وصلها، بس بعد كتابتي اكتشفت أخطاء كتير، فناوية إن شاء الله أعدّل الرواية _مش هعدّل الأحداث هتفضل زي ما هي هعدل سرد وممكن أضيف أو أحذف مشاهد بس مش هغيّر الأحداث تغيير جذري_ والتعديل هيبقى في ملف تاني غير اللي أنتم بتقرأوا عليه دلوقتي.

بمجرد ما أخلص التعديل هنزله على طول مش هطول عليكم.
- طب هنزل التعديل إمتى؟
= الله أعلم، أنا بطلت أدي مواعيد عشان الحمد لله مش بلتزم بها 😂، بس وعد لما أخلصها هبلغكم فتابعوا صفحتي أو حطوا الرواية في المكتبة إلى حين إشعار أخر

وإلى حين ما أعدلها عايزة أطلب من أي حد يقرأها طلب، واجهوني بكل العيوب اللي موجودة في الرواية وبشكل محترم طبعًا، قولوا لي إيه العيوب اللي في السرد أو الحبكة أو أي حاجة تلمحوها غلط، ده شيء هيساعدني أطلع الرواية في أفضل نسخة أقدر أوصل لها.

وربنا ما يجعلها أخر الروايات اللي بينا 😂🤍
أراكم على خير إن شاء الله يوم الخميس الساعة الثامنة مساءً بتوقيت مصر، موعدنا مع أخر فصول روايتي الأولى "وهَوى القلبُ في هَواهَا"