Clash of the Guardians

P5: Amulet of Inner Power

     Ang tatlong Elder Guardian. Sila ay mga neutral guardian na hindi nabibilang sa kahit anong kaharian. Naninirahan sila sa Mt. Olivia. Ginawa sila upang tumulong kay Lexus sa pagbibigay ng payo sa mga guardian, lalo na sa royalties. Sila ay may katangi-tanging mga kapangyarihan.

     Apollo. Siya ang Elder Guardian of Time. Taglay niya ang kapangyarihang manipulahin ang oras: patigilin, pabilisin, pabagalin. Kaya rin niyang maglakbay sa iba't ibang panahon o magbukas ng pinto papunta sa ibang mundo.

     Luna. Siya ang Elder Guardian of Dreams. Bagama't kayang maglakbay ni Apollo sa hinaharap o nakaraan, wala siyang kakayahang makita ito. Si Luna ang may kapangyarihang makita ang nakaraan o hinaharap mula sa kasalukuyan. May kakayahan din siyang pumasok sa panaginip upang mangusap.

     Ang pangatlo ay si Magus. Siya ang Elder Guardian of Mind. Sa kanya ang telekinesis at telepathy.

     Silang tatlo ay nilikha na magkakasama at sila ay pinakamalakas na magkakasama. Bagama't may lakas ang kanilang kapangyarihan, meron pa ring mga limitasyon. Si Apollo at Luna ay walang kakayahang baguhin ang nakaraan o direktang impluwensyahan ang hinaharap. Gayun pa man, maaari pa ring maiwasan ang mga mangyayari pa lang kung makapagbibigay sila ng babala. Si Magus naman ay walang kakayahang bumasa ng isip ng iba.

     Tinipon nila ang royal guardians at sama-sama silang gumawa ng paraan para lalong maprotektahan ang Lotus. Pinagsama-sama ng royalties ang kanilang mga kapangyarihan at ang elders ang nagbigay ng basbas at nagpadala ng iyon sa Lotus.

~~~

     Grabe, ang sakit ng katawan ko. Akala ko ba naman periodic table lang bibilhin ko? Eto talagang si mama. Gawin ba naman akong kargador? Hindi man lang niya ginamit 'yung malaki niyang katawan. Ang payat-payat ko kaya. Tss, wala na akong ganang kumain. Mabuti pa basahin ko nalang 'yung Guardians.

     Habang ako'y nagbabasa, may napansin akong kumikinang sa labas. Lumabas ako para tingnan 'yon. Isang kwintas? Magandang kwintas. May isang kulay puting bato sa gitna at napalilibutan ng anim pang mga bato na iba-iba ang kulay.

"Ang ganda," sabi ko. Mukha namang walang may-ari kaya kinuha ko na lang.

~~~

     Malalim na ang gabi, ngunit hindi pa rin nakakapagpahinga si Aira.

"Nakuha na kaya ng Lotus ang Amulet of Inner Power," bulong niya sa kanyang sarili. "Nawa'y nakarating na sa kanya ang kwintas. Sana ay maprotektahan siya nun hanggang sa dumating ang araw na kailangan namin siyang sanayin. Sabik na akong dumating na ang araw na 'yon, at makilala ko na siya. At sana hindi nagkamali ang binhi sa pagpili. Nakasalalay sa Lotus ang kinabukasan ng buong kalawakan."