Clash of the Guardians

Prologue

     Ang kalawakan ay malaki. Ito ay puno ng misteryo. Bukod sa daigdig, mayroon pang ibang mga mundo. Mga mundo na ibang-iba sa mundo natin, mga mundong mahiwaga.

~~~
Serdin

     Ito ang world of guardians. Isa itong payapang mundo na nahahati sa apat na kaharian: Kingdoms of Fire, Air, Water, and Earth. Bawat kaharian ay may kani-kanyang pinuno na tinatawag na mga prince at/o princess. Ang apat na kaharian ay tumitingala sa iisang panginoon, si Lexus, ang Lord of Balance. Hawak niya ang kapangyarihan ng bawat kaharian. Siya ang ama ng Serdin.

~~~
Alcubra

     Ang land of ghosts. Isang mundo ng kadiliman. Ang mga nilalang sa kalawakan ay takot mga naninirahan dito-- ang mga ghost. Sila ay nahahati sa tatlong lahi: Sky Ghosts, Noise Ghosts, at Shadow Ghosts.

     Ang mga ghost ay maituturing na kabaliktaran ng mga guardian. Malulupit na mga nilalang. Kasiyahan nila ang manira at manggulo, manakot at manindak. Ang mga hindi nila kauri ay kanilang binibihag at ginagawa ring mga ghost. Pinamumunuan sila ni Lanaya, ang Queen of Death and Darkness.

~~~

     Ang Serdin at Alcubra ay makaibang mga mundo, at hindi magkasundo. Napopoot ang mga guardian sa kasamaan ng mga ghost. Kasiyahan naman ng mga ghost ang kapag napopoot ang mga guardian, at iba pang mga lahi. Sa kabutihang palad, kakauti na lang ang mga ghost. Iisang lahi na lang ang natitira sa kanila. Natuwa naman ang mga nilalang sa kalawakan dahil sa bahagyang paghupa ng gulo na dulot ng mga ghost. Ang mga guardian naman, sa kabila ng kasiyahan sa pananahimik ng kanilang kaaway, ay nananatiling mapagmatyag. Lingid sa kaalaman ng karamihan, ang mga ghost ay may pinaplanong hindi kaaya-aya.

     Matagal na panahon na ang nakararaan nang maganap ang Chaos Alpha-- ang digmaan sa pagitan ng guadians at ghosts. Sa labanang ito, nagwagi ang mga guardian. Namatay si Lanaya, kasama ni Lexus. Napilitang umatras ang pinuno ng nag-iisang  natirang lahi sa mga ghost. Ang poot na kanyang nararamdaman para sa mga guardian ay naging lakas niya upang bumangong muli. Nangako siyang hindi pa roon natatapos ang lahat. Gamit ang patak ng dugo ng kanyang reyna, balang araw, muli niyang bubuhayin si Lanaya.

     Bagamat malakas ng mga pinuno ng bawat kaharian sa Serdin, sa kawalan ni Lexus, hindi mananalo ang mga guardian labang kay Lanaya. Isang paraan lang ang maaari nilang gawin. Ang hanapin ang nilalang na itinakda ni Lexus na bubuhay sa kanyang kapangyarihan. Ang Lotus.