"Because you're here " (completed)

Part 34 √

Dedicated to Fantacln

Zen

Minulat ko ang mata ko at bumungad sakin ang napakaliwanag na sikat ng araw . Kinurap kurap ko ang mata ko at luminga linga sa paligid . Inangat ko ang kamay ko dahil parang may mabigat na bagay dito . Dextrose . Natawa nalang ako dahil nasa ospital na naman ako. Nahagip ng mata ko si Julian . Nakaramdam ako ng kaba . Bakit siya nandito ? Ano bang nangyari ? Akala ko patay na ako . Kasi nawalan na ako ng malay . Paanong ? " Gising ka na pala ,kamusta ang pakiramdam mo? " napamaang ako sakaniya ng lumapit siya sakin ,gusto kong magwala at magtatalon talon ng hawakan niya ang pisngi ko habang nakangiti . Wala akong masabi . " May masakit pa ba sayo ? Gusto mo ng kumain? " nakangiti pa rin niyang tanong sakin pero nakatingin lang ako sakaniya . Nangunot naman ang noo niya " May nararamdaman ka ba? May masakit ? Saan ? " nag-aalala ang mga mata niya ,parang gusto kong maiyak . " Shhhh . Tahan na Zen , ano bang masakit ? " natatarantang tanong niya habang pinupunasan ang luha na pumatak sa mata ko . " Sandali tatawag lang ako ng nurse " natigil siya sa paghakbang ng hawakan ko ang kamay niya. Tumingin siya sakin at muling umayos ng harap . " sabihin mo sakin may masakit pa ba ? " kitang kita ko sa mga mata niya na nag-aalala siya ,malamlam ang mga mata niya na parang gusto na ring maiyak . Huminga ako ng malalim . " Totoo ba 'to? " napamaang siya sakin dahil sa tanong ko . Bumukas ang bibig niya pero wala siyang masabi . " Hindi ba ako nananaginip na nandito ka sa harap ko ? " humihikbing tanong ko ko pa . Hinawakan niya ang kamay ko at hinalikan iyon . " I'm so sorry Zen " naiyak na talaga ako dahil sa sinabi niya . " woy ! Tahan na . Nagsosorry na nga e " parang batang pag-aalo niya sakin . Pinikit ko ang mata ko at muling binuksan , nakatingin na siya sakin ngayon na parang takot na dahil mukhang iiyak na naman ako . " Tahan na Zen , sorry .. dahil hindi man lang kita hinayaang mag explain . Tapos kung anu-ano pa ang sinabi ko sayo , hindi pa kita pinaniwalaan .. Sorry talaga Zen " napatitig ako sa mukha niya .

" Alam mo na ? " takang tanong ko sakaniya at tumango siya . " P-Paano? " ngumiti siya sakin . " May mga lihim lang talaga na nabubunyag sa tamang panahon Zen ,wag ka ng mag-alala , nakakulong na si Tito " Nakaramdam naman ako ng kalayaan , sa wakas . " alam ko na hindi na siya makakagawa ng kalokohan sa loob . Sana " bigla naman akong kinabahan sa sinabi niya . " Syempre hindi ko na hahayaan na masaktan ka pa niya Zen .. pati na rin si Denden " napatingin ako sakaniya . " Hindi ka na galit sakin? " Bigla naman siyang napaiwas ng tingin . " hindi naman ako nagalit sayo , nasaktan lang talaga ako " sabi niya kaya tumango tango pa ako sakaniya . " hindi ko na hahayaan na masaktan pa kayo sa kamay niya o kahit na sino pa " nalungkot ang mga mata niya , hinawakan niya ng mabuti ang kamay ko at dahan dahan na lumapit sa mukha ko . Hanggang sa malapit na siya sa mukha ko . Napapikit ako ng maramdaman ko ang labi niya sa labi ko . Saglit lang 'yon pero ramdam na ramdam ko ang lakas ng kabog ng dibdib ko . Inilayo niya ang mukha sakin kaya binuksan ko ang mata ko . " Pangatlong beses na to pero kinakabahan pa rin ako " natawa naman siya sa sinabi ko . " pang-apat na yan Zen " at kinindatan niya ako . Nangunot ang noo ko . Paano naging pang-apat? " At huli na rin " naramdaman ko na lumuwang ang hawak niya sa kamay ko kaya naman hinawakan ko pa ito ng mahigpit . " Huwag mo akong hawakan ng mahigpit . Bawal to Zen .. baka hindi na ako bumitaw sayo " hindi ko na napigilan ang luha ko ,nakita ko naman na parang natauhan siya .

" Bakit ba ang iyakin mo ? Tss " singhal niya sakin pero hindi pa rin niya maitatago sakin ang pag-aalala niya . " Bakit mo ba kasi ako pinapaiyak? " humikhikbing tanong ko sakaniya . " Zen alam mo na bawal to " lalo akong naiyak . " Zen naman " tawag niya pa sakin . " Ano ba kasing sinasabi mo? Ano bang bawal? " pinunasan ko ang luha ko pero may pumatak na naman . Huminga siya ng malalim bago siya nagsalita " magkapatid tayo Zen , bawal yun . Malaking bawal " napatitig ako sa mukha niya . At . " Waaaaaaaaaahhhh !!! "