Just One Drop (Completed)

9th Drop - New Found Friend

Bahagyang naging payapa ang mga sumunod na araw. Hindi ko pa nakikitang muli si Audrey kaya't medyo kumalma na ako.

Weekend na naman at nasa bahay kami nila Dexter ng mga ka-banda ko. Sinasagad na namin ang pag-iinsayo pati na rin ang pag-perform-perform sa mga maliliit na resto habang hindi pa gaanong busy sa school. Kapag siguro malapit na ang midterms saka lang muna kami magpapahinga and magfo-focus sa studies.

"Okay, break time!" pag-aanunsyo ni Mario.

Agad akong tumayo at ini-strech ang mga nangangawit kong kamay. Mula sa likod ng drum set ay lumipat ako sa may sofa ng entertainment room nila Dex at duon naupo.

Maswerte talaga kami at naging ka-banda namin si Dexter, dati rin kasing nagbabanda ang mga magulang niya kaya't may ganoon silang silid sa kanilang bahay. Magandang bagay iyon dahil may napagpapraktisan kami sa tuwing hindi school days o kaya'y hindi pwede sa Music Room.

Kinuha ko ang aking telepono mula sa bag at agad na tinext sina Yui at Mama.

To: Yui

Hi babes! What are 'ya doing right now? Okay ka lang ba diyan? Call me kapag may problema o kaya'y if you are not feeling well, okay?

To: Donya sa Bahay

Hi Ma! I miss you. Ingat kayo ni Papa lagi. Tawagan niyo ako kapag may problema.

I typed and pressed send.

"Let me guess, kinakamusta mo na naman sila?" bahagya akong nagulat sa bigla na lang niyang pagsulpot. Sumenyas ito na umusog ako at saka siya tumabi sa akin.

I sighed. Nag-aalala pa rin ako, kahit na sabihin pa nating kumalma na ako at kahit na wala pa namang nangyayari. Ngunit iyon na nga, wala pa. Ilang araw na ang lumipas ngunit nababahala pa rin ako sa mga sinabing iyon ni Audrey at sa mga banta niya.

Just one drop, Maurice. Just one drop. Naalala kong sabi niya sa akin noong una niyang ibinigay ang potion.

Indeed, it took just one drop at nagbago lahat. Nadagdagan pa ang mga problema ko.

Naisip ko rin, what if hindi ko nagamit ang potion na una niyang bigay? What if hindi ko na lang iyon pinansin? What if nakinig ako kay Chase noong sinabi niyang hindi ko dapat iyon gamitin at itago na lang muna?

Magagalit pa rin kaya ng ganoon si Audrey sa akin? Pagbabanta pa rin ba niya ako?

Hindi ko alam ang mga plano niya at kung ano man tumatakbo sa isip niya, hindi ko talaga alam.

"You can't blame me," sagot ko kay Chase habang blankong nakatingin sa kanya.

"Come on, ilang araw na ang nakalipas pero wala namang nangyayaring masama, 'di ba? 'Wag ka na masyadong mag-alala riyan. Paranoid ka lang masyado," he whispered.

Paranoid? Look who's talking.

"Sa ngayon wala pang nangyayari. Pero what if the next day malaman ni Audrey na hindi ko pa rin ginagamit ang potion? What if naubos na ang binigay niya sa aking oras para ibigay iyon kay Ross? Palibhasa kasi hindi naman buhay ng mga mahal mo ang nasa panganib."

He let out of a deep breath at saka ito mas lalong lumapit. Medyo na-guilty ako ng bahagya dahil sa sinabi ko. Mahal nga pala nito si Audrey. At somehow, she will also be affected gaya ng sabi niya. I have to admit that was a bit insensitive.

"Look, I'm sorry. Gusto ko lang naman i-cheer-up ka. Masyado ka na kasing namomoblema tapos broken hearted ka pa, nagmumukha ka tuloy matanda," anito at saka hinimas-himas ang noo ko na para bang isa itong nakakunot na papel. Pilit niya ito ini-expand.