Just One Drop (Completed)

12th Drop - To the Disaster

Nanginginig akong bumalik sa kinaroroonan ni Ross. Mula sa malayo ay tanaw na tanaw na ang kaniyang morenong pigura pati na ang malinis na pagkakaayos ng kaniyang buhok.

"Where have you been?" pagtatanong niya. Hawak na niya sa kaniyang kamay ang ticket ng papanoorin naming palabas.

"H-ha?" 

"I asked saan ka galing. Akala ko magsi-CR ka lang," pagkaklaro niya. Narinig ko naman ang kaniyang sinabi. Sadyang hindi lang siguro ako mapakali sa kasunod kong gagawin.

Hindi na ako nakapagpokus sa kaniya dahil sa abala ako noon kaiisip sa mga dapat kong gawin. "Ah, Ross, bibili lang ako ng maiinom natin."

"No, ako na. It's my treat today." Pagkatapos ay ngumiti siya na parang kagaya ng noon. Na parang ayos na ayos kami.

"No!" Bahagya siyang nagulat sa naging reaksyon ko. Kahit ako mismo ay nabigla rin at napatakip ng aking bibig. "Ako na lang, ito lang naman ambag ko ngayon," pangungumbinsi ko.

"If you insist then, samahan na kita..."

"Hindi na, just wait here," sambit ko at dali-daling umalis.

Pumila ako sa isa sa mga stall sa mall para makabili ng maiinom. Marahil ay napagkakamalan na akong weirdo ng mga tao sa paligid dahil mayamaya kong nililibot ang aking mga mata upang masiguradong hindi ako nasundan ni Ross.

"Here's your order, ma'am," masiglang sabi ng cashier sa stall na pinagbilhan ko.

Pagkaabot ko nito ay kinapa ko sa bag ang maliit na bote na ibinigay ni Audrey. I always have it with me. Natatakot kasi ako kapag hindi ko na naman sinunod ang sinabi ni Chase, baka lalong may masamang mangyayari. But then again, there I was at the situation.

Ilang segundo pa akong nakatunganga lang doon habang nakatayo. Sana naman ay okay lang ang mga magulang ko. I mentally prayed for them. Nanlalamig ang pakiramdam ko.

Mariin kong ipinikit ang aking mga mata at saka pasimpleng pinatakan ng asul na likido ang inumin ni Ross. Sinigurado kong walang makakahalata nito. Nanginginig pa ang mga kamay ko noon kaya sinubukan kong pakalmahin ang sarili.

"Ross," pagtawag ko sa kaniya.

"Is that mine?" pagturo niya sa inuming hinaluan ko ng gayuma.

Kinakabahan akong tumango. Nagulat ako dahil bigla niya iyong hinablot sa akin at kaagad na ininom.

"Teka, Ross!" Sinubukan ko itong pigilan ngunit hindi ko na nagawa.

"Why?" pagtatanong niya. Wala na, huli na ang lahat dahil mukhang nangalahati na siya sa ininom na juice.

Ilang sandali akong natigilan at napakurap. "How are you feeling? Do you feel weird?" curious kong tanong.

He laughed and combed his hair. Natawa siya na parang aliw na aliw sa naging reaksyon ko. "Mas weird ang tanong mo. Tara na," aya niya.

Hindi ko magwang makapag-focus sa pinapanood namin. Siguro ay ganoon din ang mararamdaman ng iba kung sakali'y sila ang nasa posiyon ko. Kinakabahan ako sa ginawa ko at pati nag-aalala ako kina Mama. Sana naman hindi sila saktan ni Audrey. Ginawa ko naman ang gusto nito.

Habang nakatingin sa kawalan ay nabigla ako nang hawakan ni Ross ang kamay kong nakapatong sa arm rest. Tinignan ko ito ngunit nakapokus lang kaniyang mga mata sa screen.

Ibinaling ko ang paningin ko sa kamay na nakapatong sa akin.

Ito na ba iyon? Umeepekto ba talaga ang potion na iyon? 

At dahil din doon ay wala na talaga akong naintindihan sa palabas. Nang matapos ang movie ay agad akong nagpaalam kay Ross na magsi-CR lang. Marahil ay taking-taka na iyon dahil pabalik-balik ako sa CR.