Just One Drop (Completed)

18th Drop - Lost and Haven't Found

"Maurice," muling pagtawag ni Ross sa akin.

"Ross, pagod na ako. Gusto ko nang magpahinga," I was also shocked of how I dismissed him, pero totoo naman kasing pagod ako noong panahong iyon.

Bumuntong-hininga siya. Natatanaw ko pa ang mga nag-aalala niyang mata dahil sa sinag ng buwan.

"Okay, see you mamaya sa klase." Tumango ako at saka pumasok na ng dorm.

The rest of the week was just normal. Normal in a sense na wala paring ka-alam-alam si Yui sa mga nangyayari, nakabuntot pa rin lagi si Ross, at paminsan-minsan ay naiisp ko si Chase.

Nagpaka-busy ako noong weekend na iyon at nakatambay at nag-aaral lang sa dorm. Sa kalagitnaan ng pag-aaral ay nakaramdan ako ng uhaw kaya't bumaba muna ako mula sa 2nd floor para kumuha ng maiinom mula sa ref sa first floor.

Mayroon parang mini snackbar sa dorm kaya't convenient kapag dinalaw ka bigla ng gutom.

Habang papuntang lobby ay nakasalubong ko si Macey na paakyat ata sa third floor. Pareho kaming natigil at nagkatinginan. Macey gave me a small smile. It was genuine, ngunit may halong lungkot pa rin ang kaniyang mga mata.

All her guards were down. Hindi kagaya noong mga panahong inaaway niya ako. It must be her way of coping up then, paunti-unti.

She must be telling the truth when she said na naalala niya si Kuya sa tuwing nakikita niya ako.

I followed her back as she walked pass through me. Noong mawala na siya sa paningin ko ay nagpatuloy na ako sa paglalakad.

"Reese!" rinig kong tawag sa akin ni May nang maabutan ako sa lobby.

"Oy, anong ganap?" sagot ko nang makuha ang Zest-O mula sa ref.

"Practice na raw tayo simula next week," aniya habang higup-higup pa ang binili niyang Dutch Mill.

"Okiedoks. Hindi kaya mahirapan si Chase niyan? Nag-aadjust pa lang iyon dahil first year pa. Baka mabigla kasi finals na rin sa buwan pagkatapos ng event natin."

Nanliit ang mga mata ng kaharap ko dahil sa mga narinig mula sa akin. "Concern," tukso niya.

May, pati ba naman ikaw?

Kamuntik na akong mabilaukan sa juice na iniinom. "Hindi naman, naisip ko lang," palusot ko.

"Concern pa rin iyon. Anyways, nakausap naman na namin siya. Okay lang naman daw, kaya naman."

Nagkwentuhan pa kami para sa mga plano namin sa event sandali at saka nagpaalam na rin sa isa't isa

Ilang araw na ang nakalipas ngunit sa tuwing nakikita ko si Ross ay na-a-awkward pa rin ako. Sa tuwing nakikita ko ang mukha niya ay naaalala ko na naman iyon.

Sa kabilang wing ako ng CSM laging dumadaan upang mas magkaroon ng chansang maiwasan ko siya kahit pa nakikita naman namin ang isa't isa sa klase. Nagmumukha na talaga akong tanga.

Habang pababa ng hagdan mula second floor ay may humigit sa braso ko. He pinned me to the corner of the wall sa ilalim ng staircase. Ilang beses akong napalunok. Amoy na amoy ko ang kaniyang pabango.

"Please stop avoiding me," he pleaded.

Ross, ano na bang gagawin ko sa iyo?

Sobrang lapit na naman ng kaniyang mukha at awtomatikong napatakip ako ng bibig.

He stared at me for a second at bahagyang ngumisi. "Ang cute mo talaga," aniya at saka ako binitiwan.

Inilayo na niya ang kaniyang mukha kaya't ibinaba ko na rin ang aking kamay. Ngunit ikinagulat ko nang biglang mabilis niyang inilapit muli ang kaniyang mukha at hinalikan ang gilid ng aking labi.