BEST-Friend-Zoned (Book 2)

Chapter Fifty-One

Sa mga sumunod na araw ay inabala ko na lamang ang sarili ko sa pamamasyal.

He's not worth a reason for me to destroy this trip. I might as well enjoy this one.

Nakarami na kami ng water sports sa araw na ito. Nagdesisyon silang banana ride muna ang isunod. 

Dalawang banana boats ang inarkila namin. Tig-apat sa isang ride. Sila Ian, Daphne at Perrie ang kasama ko. Pinagigitnaan kaming dalawa ni Perrie nila Daphne at Ian na parehong nasa unahan at dulo.

Nagsimula nang umandar iyon nang mahila na ng jet ski. Mabagal pa no'ng una pero habang tumatagal ay lalong bumibilis. Itinaas namin ang mga kamay namin para mas lalong maramdaman ang thrill no'n.

Sumasaboy sa mga mukha namin ang tubig galing sa dagat. Nauna akong sumuko sa pagtaas ng kamay dahil pakiramdam ko'y mahuhulog ako roon kapag hindi pa ako nakahawak.

True enough, naunang nalaglag si Ian. Pinaulanan siya ng tubig-dagat nang lalo pang humarurot ang bangka. Hindi magkangayaw ang tawanan naming lahat kahit tapos na ang ride na 'yon.

"That was fun!" Hiyaw ko pagkarating ng pangpang.

Naunang natapos sila Bettina kaya kanina pa sila sa may buhanginan at naghihintay sa amin.

"We're off for some reef walk, we might do some scuba diving too, wanna come?"

Mukhang masaya nga yo'n.

Sasagot na sana ako nang  bigla ko naman naramdaman ang pagkawit ng kamay ni Ian sa balikat ko.

"We'll pass. We did too much today, I think it's time for some massage. What'd you say, babe?" Tumingin siya sa akin.

Inirapan ko siya.

Problema na naman nitong baklang ito?

Natigil lamang ang sama ng tingin ko kay Ian nang biglang tumawa si Bettina. Nagtaas pa siya ng dalawang kamay, animo'y sumusuko, habang umaatras palayo sa amin. "Then enjoy, lovebirds! Have your spare time! Sean will be joining us soon, you have to use this time effectively!"

Nagsimula na silang maglakad palayo. Hinila naman ako ni Ian pabalik ng kwarto para makapag-shower muna bago makapagpamasahe.

Tiningnan ko siya habang naglalakad. "Pupunta rito si Sean? Kailan? Bago ka bumalik ng Amerika?"

Nagkibit-balikat lamang siya. "He wasn't telling me anything, alright? Nang-aasar lang yo'n si Bettina. Ang alam kong magiging pagkikita namin ni Sean ay kapag nakauwi na ako roon."

Who knows if it's gonna be a surprise then, right?

Naunang pumunta ng banyo si Ian. Hinayaan ko na lamang dahil baka ganoon niya talaga ka-kailangan ng pag-gamit niyon. Ang kaso nga lang ay matagal siya kung makapag-shower, mukhang aabutin ako ng isang oras kakahintay sa kanya.

Binalot ko sa katawan ko ang towel. Pinatay ko lang din muna ang aircondition para hindi ko masyadong maramdaman ang lamig. Binuksan ko na lamang ang bintana para makasagap naman ng sariwang hangin itong kwarto.

Nanatili muna ako sa may veranda. Habang naroon ay binaybay ng mga mata ko ang kabuuan ng paligid sa baba. Natigil ako sa may baybayin at pinanood ang ilang mga turistang naliligo sa dagat, maging 'yong mga nagpapaka-abala sa water sports.