Nais kong mag paalam
Ngunit diko alam kung paano sisimulan
Kung sa una palang alam mo na ang laman ng aking liham
Walang permanente sa mundo
Tulad ng ikaw at ako
Masakit, Oo
Pero lahat ng ito titiisin ko
Hindi sapat ang 'Mahal kita'
Para ako ay manatili sa buhay mo
Dahil hindi ako ang magdedesisyon nito
Mahal kita, Oo
Pero sa tingin ko hanggang dito nalang ako
Minsan lang mabuhay ang isang tao
Kaya ibubuhos ko ang buong pagmamahal ko sayo
Kahit na dimo na ibalik ito
Nakakalungkot, Oo
Labis na pighati ang dulot nito
Nakilala kita sa panahon na nabubuhay pa ko
Sobrang kaligayahan ang dala mo
Sa bawat banat mo na nakakaloko
Masaya, Oo
Ngunit diko na mababalik ito
Sa mga panahon na may lakad tayo
Magkikita tayo
Makikita kita
Naeexcite ako, Oo
Kasi mayroon nanaman akong nagiging baong alaala kasama ka
Sa mga panahon na kinukulit mo ako
Kung ano anong tawag ang ginawa mo
Kahit na di kita pinapansin
Nakakainis, Oo
Dahil ito na pala ang huli
Ilang beses kita sinuyo
Ngunit walang epekto ang kahit ano
Di mo nako kinikibo
Nagalit ako, Oo
Kaya di narin kita pinansin sa mga panahon na nagkakasalubong tayo
Ang dami nating kalokohan
Tuwing break time, uwian, hanggang sa makarating sa bahay
Kung ano ano ang napagtritripan
Nakakamiss, Oo
Ngunit tapos na ito
Lahat nang ito ay nabuhay sa nakaraan
Lahat nang ito ay di na mababalik kailanman
Lahat nang ito ay mananatiling alaala nalang
Hanggang sa ibaon sa limot ang lahat
Sa pamamagitan ng salitang paalam.
Kaya nga sa mga panahon na isinusulat ko ang bawat salita dito
Diko mapigilan ang bawat pag agos, pag tulo ng maiinit na luha
Nakakaiyak, Oo
Kasi kailanman diko na mararamdaman ang kahit ano diyan
Dahil sa bawat pagturok
Sa bawat hapdi at kirot
Sa bawat sakit na nararamdaman ko ngayon unti unti
Nagmamanhid na ako, Oo
Dahil unti unti nang nasasanay ang katawan ko sa sakit, hapdi at kirot
Hanggang dito nalang kita masasamahan
Sa paglalakbay mo,
Kung may makasalubong ka man
Wag kang mag alinglangan sila'y lapitan
Okay lang ako, Oo
Dahil sa kahit anong paraan kaya kitang suportahan
Masakit, nakakalungkot pero hanggang dito nalang
Mahal kita, nakakaiyak, nakakaexcite
Nakakainis kasi tapos na
Magalit ka man, wala nang mangyayari
Kasi ito na, nangyayari na
Paalam, maraming kahulugan
Ngunit isa ang ating kinatutumpukan
Hanggang sa muli, Paalam.
BINABASA MO ANG
Poem Collection (FULLY LOADED)
PuisiProse, qoutes, poetry, and thoughts ~ Pasensya sa mga paulit ulit na themes at words. Try to cope up with more other emotions :) Broken kasi lola nyo bwahahaha noon. Ayoko naman itago yung past xD Dyan padin naman ako nagmula. Ako padin gumawa nun a...
