قربان (مكتملة)

همسة ونصيحة

مرحببببا يااحلى اصدقاء بالدنيا...طبعاً بادئ الامر اقدم اعتذاراتي الشديييدة لكل واحد تعرض للأهانة من تلك البنت وتعليقاتها...ورغم اني قلتلها مراح اسويلك حظر لكن استمرارها بالتجاوز اضطرني احظرها...لذلك ادعووووولنا ما تطلع عدها روح سابعة مثل القطط وتطلعلنا من حساب ثاني هههه..
طبعاً الرواية مااتوقع ح يكونلها اجزاء كثيرة... اعتقد بعد بارتين وتنتهي الرواية(وجه حزين)...

بخصوص الي طلبو هزيم يكون حي...ح تشوفون الجواب بكتابي(مناقشات حول رواياتي) لأن احتمال يطيل الشرح هنا...لذلك الي طلبو او يريدون هزيم حي خلي يقرون البارت الجديد الي راح انشرة بالكتاب...
طبعاً البارت الجديد بديت اكتب بي وانشالله انشرة اول مااخلص بعد كم يوم واحب اعرف رأيكم بي واهم شي شنو استنتاجاتكم ههههه(همزين سويتلها حظر كان هسة رئساً طلعتلي وقالت شوووووفو اني قلتلكم ماتقدر تكمل الرواية من دون استنتاجات هههه)...اعووووذ بالله انصرفي ايتها الارواح الشريرة انصرفي ههههه...

وهسة نجي للمهم...في قصص قريتهم عجبووووني واتمنى بليز نشجع الكاتبات..وهم ايضاً صديقاتنة من ضمن المتابعات لذلك راح اكون ممتنة الكم اذا شفتوهم بليز...

الرواية الاولى بعنوان(حب في السجن)..هذي الرواية طبعاً بعدني بالبارت الاول او الثاني بس رغم هذا اقروها واوعدكم مراح تندمون لأن طريقة السرد تعكس كاتبة مبدعة جداً وتختار كلماتها بحذر...لدرجة ماعندي ابددد وقت بس كل ماافتح الواتباد لازم اروح اقرة منها شوي...رواية راح تجذب نظركم من اول جملة ومن اول كلمة..لأن طريقة السرد الي تتبعها جميلة وسلسة جداً!..

الثانية هي كتاب خواطر بعنوان(دمعة على ورق)..طبعاً اني في الماضي ماكنت اقرا خواطر ولكن من شفت هذا الكتاب غيرت نظريتي...قمممممة في الرومانسية..وفي خاطرة جداً جداً عجبتني بعنوان"عجوز"..اقروها واتمنى تحبوها مثل مااني حبيتها..

الكتاب الثالث هو رواية بعنوان(هديتي من الله)...هذا الكتاب منشور منه المقدمة وبأمكانكم تشوفون عمق وروعة تفكير الكاتبة من خلال المقدمة فقط...رواية رومانسية ولكن مؤطرة داخل غلاف ديني...اني بصراحة اشجع روايات من هذي النمط لأن قرات رواية ذات مرة بالفعل غيرت هواي اشياء من حياتي وتفكيري...واتمنى تكون هذي الرواية مشابهة وتغيرلنا حياتنا هم...انصحكم تشوفوهم!..

اشكركم على وجودكم معي دائماً يااجمل اصدقاء في الكون!