My Midnight Obsession: Jack Smith

Pahina XXI

  Start:

"Andrea.." bulong ni Jack na sapat na para marinig ko at nagpataas ng balahibo sa buong katawan ko.

Maya-maya lang ay may narinig na akong mga nagbubulungan.

"Siya ba ang nanay nung bata?"

"Pabaya naman yan! Paano na lang kapag hindi siya nagtungo sa stage habag nagpeperform sila Jack?"

"Akala ko kapatid ni Jack yung bata. Kamukhang kamukha eh!"

"Pareho pang may nunal sa baba ng mata!"

Kanya-kanyang bulungan na nagdala ng kaba sa dibdib ko.

Shit! Kailangan ko ng makaalis dito.

Napansin ko rin ang paglapit nila Drew sa kinaroroonan namin bago bumulong kay Jack na nakatitig lang sa amin ni Clifan.

Nanginginig na ang mga tuhod ko at halos maupo rito sa taas ng entabladong kinatatayuan ko.

Akmang magsasalita ulit si Jack ng may biglang tumawag sa pangalan ko.

"Andeng!" sigaw ni kuya Sandro mula sa likuran bago lumapit sa akin at kunin si Clifan

"Ayos ka lang?" tanong ni kuya kay Clifan habang sinusuri ito.

"Opo.." sagot lang ng anak ko bago lumingon kay Jack na masamang nakatingin sa gawi ko.

"Salamat, Idol!" may maliit ba ngiting ani ng anak ko at sumaludo pa kay Jack.

Habang tinitignan si Clifan na kaharap ngayon si Jack ay parang sumisikip ng dibdib ko sa sakit na nararamdaman dahil wala man lang kamalay malay ang anak ko na ama niya ang nasa harapan kasabay nun ay ang saya na bumalatay sa puso ko sa isipang nagkita na sila.

Pero wala akong balak na sabihin ang Jack ang totoo. Baka pagtabuyan niya lang si Clifan at ayaw kong mangyari yun sa anak ko.

Naramdaman ko na lang ang paghawak ni kuya sa kamay ko.

"Uwi na tayo, Andeng.." yaya nito, imbes na balingan siya ay nakatingin lang ako kay Jack na masamang nakatingin sa kamay ni kuya na nasa braso ko.

Akmang maglalakad na ako pababa ng stage ng nagsalita ito na nagpanginig sa katawan ko

"After you get what you want, ganyanan na lang?"

---------x