Takrar se Ikrar Tak

Part 2

Jabran Khan ki awaz sun kar Mano ki himmat aur badh gai

Jabkey Mahzaib Aapi ke chehrey per aik rang sa aa gya Jisey kisi aur ne mehsos kia ho ya na kia ho Aadi ne zaror kia tha

Wo pehley b mehsos karta tha ke jab b Jabran bhai Mahzaib Aapi ke samney aatey the to Aapi apney aap ko smait leti thi'n Aur jaldi se samney se hut jati thi'n

Mano bhag kar un ke pas chali gai

"Dekha Bhai is ne aatey hi mujey tang karna shuro kar dia hai" usney hichkio'n ke darmyan me bdi mushkil se apni bat poori ki

"Q Aadi tumhein kya masla hai? Meri ghudya ko q tang kar rhey ho" Jabran ne masnooi khafgi se poocha.

" Bhai me ne kya kia hai? " Adnan ne bdey masoom se andaz se poocha.

"Itney b masoom na bno mujey Sab pta hai tm ne koi nai shrart ki hogi btao Gudhya is ne kya shrart ki hai?" Us ney mashkook sa ho kar Aadi ki traf dekha

"Bhai bhai ye na ye na Sab ke lye gift laya Mumy ke lye, Papa ke lye aur Aapi ke lye b Lekin aur aur Merey lye ye gift laya hai" usney tape Jabran ke samney kar di tape dekh kar Jabran ko hansi aa gai aur wo Jo Sab kab se hansi rok ker Bethey they wo b kehkhey lga kar hansney lagey

"Bhai aap b isey dantney ki bjaey Hans rhey hai kya me kya itna bolti hu'n ke mujey tape ki zarorat hai"usney aur zyada Rona shuro kar dia

"Khabardar agar koi hansa tmhey kis ne kha ke tm zyada bolti ho is Aadi ki tbiyat to me abi Theek karta hu'n" Chalo muafi mango warna tmhari khair nh Jabran ne Aadi ko ishara kia ke is se pehley ke Baba Jan aa jae'n muamla khtam kro

"Mera bhai q muafi mangey is ne kya kia hai Jo ye muafi mangey is ne gift hi dia hai agar psand nh aaya to wapis kar do itna roney ki kya bat hai? Chalo aao Nashta karlo itney dino bad mera bhai aaya hai aur aatey is Mano ne Ldai shuro kar di." Jab Jabran Mahnoor ki side le rha hai to ye kesey ho Sakta tha ke Mahzaib Aadi ki side na le.

Mahzaib ki Awaz sun kar Jabran ke labo'n per aik khobsurat si muskan aai Chalo isi bhaney is ne mukhatib to kia Jabran ne dil me socha

" Ye bat ghalt hai Aapi aap ne Aadi ke aatey hi party tabdeel kar li mujey nh karna nashta washta" Mahnoor ne ghusey se kha

"Chalo Meri Gudhya Merey sath Ammi aur Khan Begum tmhara nashtey per intzar kar rhi hai'n Wo pehley hi keh rhi thi'n ke Adnan wha'n gya hai to aaj bechari Mahnoor Aansoo'n se hi nashta krey gi"

Ye keh kar Jabran Mano ko le kar apney portion me chla gya

Ye hmesha ka mamool tha jab bacho'n ki Ldai hoti Choti Ammi aur Chotey Papa khamoshi ke sath sirf tmashai ka hi role ada kartey the

Shukar hai bla tli Aadi ne sakoon ka sans lia

"Chalo Aadi aa jao nashta kar lo" Mahzaib Aapi ne awaz di

"Wao! Aalu ke prathey Maza Aa jae ga" Aadi ne khushi se Nara lgaya

Mahzaib garma garm prathey bna rhi thi'n aur nokrani dinning table per prathey puhncha rhi thi

"Chachi mera dil karta hai ke hmari Haweli me b shadi ho koi halla gulla ho Ab to bhai b wapis aa gae hai'n Ammi aur khan begum ne un se kai martba shadi ke lye poocha hai lekin wo har bar tal detey hai'n mujey to lagta hai ke shaid wo kisi ko psand kartey hai'n Lekin kisi ko btatey nh hai" ye bat kartey hue us ki nazar bawarchi khaney me kam karti hui Mahzaib Aapi per hi thi

"Uff! Hae Allah g!" Mahzaib ke mu'n se cheekh ki soorat me ye awaz nikli Aapi ka hath be dhyani me JAL gya tha

Adnan jaldi se bhag kar bawarchi khaney me gya to Aapi ka hath buht zyada surkh ho rha tha "Aapi ye kya ho gya?" Us ne jaldi se Aapi ka hath pkadh kar nul ke neechey kia

"I am so sorry! Aapi I am so sorry!"Wo janta tha ke Sab kuch q hua hai Usko apney ooper buht ghussa aa rha tha ke na wo Bhai ke barey me aisi be sar o paa bat karta aur na Aapi ka dhyan bhtakta

Buht zyada jlan ho rhi hai na us ne num aankho'n ke sath Aapi ki traf dekha

"Kuch nh hua chanda (Mahzaib Aapi jab buht lad uthati thi'n to Aadi ko chanda kehti thi'n wesey is nam ka Mani khoob record lgati thi ke Aadi aasman wala chanda nh balkey bheek wala chanda hai jiski waja se do no ki khoob Ldai hoti thi) Zara si chot hai tm q muafi mang rhey ho aur lo g itna bda ho ke ro rha hai pagla na ho to" Aapi ne hanstey hue aik chpat us ke sir per lgai

"Ab ye Rona band b kro chanda kuch nh hua Ab chodho mera hath abi to tm ne nashta b Theek se nh kia aur tmhara pratha b thanda ho gya hai Chalo me tmhey taza bna deti hu'n" Mahzaib ne Aadi ko pachkartey hue kha

"Mujey nh karna nashta aap bahir aa jae'n Zareena masi ya Choti Ammi bna de gi"Aadi us ka hath pakdey hue yu'n hi usey bahir le aaya aap Yha'n Bethe'n me abi gya aur abi aya wo jaldi se bhaga aur ghar se first aid box leney chala gya

Aadi ko hwas bakhta sa aatey hue dekh kar Jabran jaldi se us ki traf aaya Phir us ke hath me First aid box dekh kar wo aur preshan ho gya

"Kha'n le kar ja rhey ho ye box Sab khairat to hai?" Us ney preshani se poocha

"Aap se matlab?" Sab kuch aap ka hi kia dhra hai" Us ney drusht lehjey me kha

"Ye tm kis trha bat kar rhey ho aur me ne kya kia hai?" Jabran ne hirangi aur narazgi se poocha

"Ab btatey ho ya me do lgao'n?" Jabran ko b us ke andaz per ghussa aa gya

"Wo Aapi ka hath jal gya tha" us ne jaldi se btaya aur aagey bdha

Jabran ko to aisey lga Jesey kisi ne us ka dil muthi me le lia hai

"Kesey jla Mahzaib ka hath?" Us ne jaldi se Aadi ka rasta roka

"Wo prathey bna rhi thi'n to jal gya usney is bat se anjan ke koi aur b unki bate'n sun rha hai sarsari sa jwab dia

"Kha'n hai Mahzaib?" Ye Awaz sun kar dono bhai dar gai

Jub unho ne peechey mudh kar dekha to.
.
.
.
.
.
.