Takrar se Ikrar Tak

Part 9

Kafi dair tak soney ke bad us ki aankh Khuli to kamrey me ghup andhera tha aur ye andhera us ki tbiyat ko bechain kar rha tha

Kafi dair tak wo aisey hi pda rha phir jab ye be chaini buht badh gai to usney bistar chodha aur kamrey se bahir aaney laga to us ka pao'n kisi cheez se takraya

Usney jaldi se light jlai to farsh per aik buht khobsurat si shirt  buht buri halt me padi hui thi

Usney utha kar dekha to shirt bilkul nai thi aur us per laga hua tag b abi wesey ka wesa hi tha Lekin kisi ne buht buri trha is bechari shirt per apna ghussa utara tha per shirt kuch dheet type ki thi bilkul hmari hakoomat ki trha

Phir jab us ne ghor kia to usey kuch fasley per aik Ghudi (wrist watch) nazar  aai

Usney Ghudi uthai to us bechari ka b wohi hal tha Jo aaj kal Govt Hospitals me mareezo'n ka hai Ab aap Sab ye smajh hi gae hongey ke kafi Burey halat the ghudi bechari ka face expression hi tbah kar dia gya tha

Aadi ka shirt aur ghudi ko dekh kar buht ranj  hua Lekin wo konsa koi young doctor tha Jo is bat per hadhtal kar deta wo bechara to sirf afsos hi kar Sakta tha

Aadi ne ghudi ko klai per bandha Halankey uskey Burey face expression yani ke tootey hue sheeshey se waqt dekhna utna hi dushwar tha jitna Panama Case me Judges ke lye PTI aur PML (N) ke jma karwai gai dastavizat me se  saboot dhondhna

Ghudi ko klai ke hwaley karney ke bad Aadi ne hifazut ke sath shirt ko almari me rakha aur kamrey se bahir aagya

Bahir kafi andhera phela hua tha wo pani peeney ke lye kitchen me aaya to sirf kam wali Masi hi mojood thi aur wo bapney ghar janey ke lye per tol rhi thi ( Ab ye mat poochye ga ke Kam wali masi kia koi prindo'n ke khandan se talluk rakhti thi'n Jo udhney ke lye pir tol rhi hai to me aap ko btata chalu'n ye sirf aik kahawat hai warna me ne aaj tak Kabi usey Dana dunka chugtey nh dekha)

" Masi sab log kha'n hai? " Aadi ne pani ka glass bhartey hue poocha.

"Chotey khan Sab ghar waley chotey Sardar ke ghar gae hai'n koi kam tha? " Masi ne poocha

" Nh koi kam nh tha " Ye keh kar wo bahir aa gya aur apney Chotey Papa ke ghar ki traf Chal pda.

Chotey Papa ke ghar is waqt Kafi chehal pehal thi Sab larkia'n Balia'n aik dosrey ko mehndi lganey me masroof thi'n

In larkio'n balio'n me Mahzaib Aapi ki sahelia'n aur Mano ki sahelia'n shamil thi'n

Aadi ko Bachpan se hi mehndi lganey aur lagwaney ka buht shok tha wo har chand raat per larkio'n me ghus jata

Aapi Sab ko mehndi lga kar aik hath Aadi ke aagey kar deti'n aur aik hath Mano ke aagey phir dono mil kar us per cheel kawwey bnatey Halankey wo b in se nh bantey they

Phir Aapi jaldi se hath Saf  kar ke Mano aur Aadi ko b mehndi lgati'n phir wo dono pankhey ke aagey beth kr mehndi khushk kartey aur khushk kartey dono whi'n so jatey aur aisey me Kai martba mehndi ke nakshonigar in ke chehro'n per baney hotey

Inki is bat per Ldai hoti ke kis ki mehndi zyada khobsurat hai aisey me dono hi jeet jatey wo aisey ke Mano ki tareef Aadi ki Ammi kar deti'n aur Aadi ki tareef Mano ki Mummy aisey me do no hi khush ho jatey

Ab b Sab wesey hi tha per do cheeze'n bdal gai hai pehli ye ke Ab Mahzaib Aapi ke hatho'n per cheel kawwey nh bantey  the aur dosri bat Aadi Ab mehndi nh lagwata Lekin lgata zaror tha

Aapi lounge me Itni sari larkio'n ke darmyan ghiri hui thi'n

Aadi b apni adut se majboor larkio'n me ghus kar beth gya

Mano Jo ke pehley hi Aadi per sakht ghussa thi aur usey koi bhana chahye tha ke wo Aadi ki class lga sakey uskey hath inthai shandar moka lag gya

Wo Aadi ki traf aisey khonkhwar treekey se aai Jesey Supreme court ke bahir PML N ke wazir mashir press conference karney aatey hai

" Tumhein kya masla hai? Q larkio'n me ghuss rhey ho?"Mano ne ghussey se poocha

"Me nh ghuss rha balkey tm Sab larkio'n ne Meri jga per qabza kia hua hai" Aadi kha'n baz aaney wala tha us ne b eent ka jwab pthar se dia.

"Kis ne qabza kar rkha hai Zara phir se btana" Mano bdey ghussey se aagey bdhtey hue boli.

"Me koi tm se darta hu'n (Halankey dil me wo dar rha tha q k jab Mano ko ghussa aata tha to wo puhnch me aaney wali har cheez utha kar mar deti thi aur MASHAllah aur uska nishana b aik dam perfect hota tha) Aadi ne bzahir bdi daleri se kha.

Mano ne usi waqt qareeb pda hua chai se bhra hua mug utha lia aur is se pehley ke Aadi ko kuch smaj aata us ne sari chai us per undhail di wo to khuda ka shukar tha ke chai thandi thi warna Aadi ka chiken tandori ban jata

Aadi apni jga per sakit hi reh gya qk us ka khyal tha ke wo shaid aaj itney sarey logo'n ki mojoodgi ka ehsas krey gi aur Aisa wesa kuch nh krey gi Lekin Mano ki tbiyat me murawat kha'n

" Hae Allah g Ye kya kar dia? Mano pta nh tm kab badi ho gi? " Mahzaib Aapi jaldi se Mano ko dantti hui Aadi ki traf bdhi'n

" Shukar hai chai gram nh thi "Aapi ne sukh ka sans lia

"Is Chudail ki to me me chutya kat du'n ga" ghusey se Aadi ke mu'n se bat poori nh ho pa rhi thi

"Uff Meri toba tm dono Ab bilkul nh lado ge ghalti Mano ki thi is lye wo muafi mangey gi" Mahzaib Aapi ne  bat khtam karwatey hue kha

"No, never Muafi aur Is kohkaf ke jin se bilkul nh me muafi nh mangu gi balkey ye mujh se muafi mangey qk is ki waja se Meri chai zaya hui" Mano b bilkul Afghanistan ki trha akadh gai.

"Wah g wah Muhtarma Aap ne b bukul hmarey hamsae India ki si tbiyat pai hai Jesey wo Pakistan me dehshatgardi karwa kar b mazloom ban jata hai Aur Pakistan ka hi kasoor hi nikalta hai wesey hi aap b mazloom hi hai'n" Aadi ne b bharpoor jwab dia

"What's up ladies aur  ye Aadi tum ne kya halut bna rakhi hai? Aadi tmhari phir Mano se Ldai hui hai?" Ye awaz sun kar Aadi ne apna Sir  peet lia q k.
.
.
.
.
.