Takrar se Ikrar Tak

Part 32

Kamrey me Mano tyyario'n me masroof thi

"Ammi keh rhi thi'n ke mera suit yha'n hai?" Aadi ne dartey dartey poocha

Mano ne koi jwab diye baghair suit us ko pakra dia

"Hai'n ye suit kaha'n se aagya?"Aadi se herangi chupai na Ja saki

"Me lai thi" Mano ne sarsari sa jwab dia aur phir kam me lag gai

"Kab?" Aadi Poochney se apney aap ko ROK na saka

"Tum ne kya iski payment karni hai" Mano us ke swalo'n se zich ho kar boli

"Shaid kar hi du'n" Aadi ne uskey ghussey ko enjoy kartey hue kaha

"Ab bahir niklo mujey b tyar hona hai" Mano ne Aadi ko bahir nikal kar darwaza band kar lia

Aadi hansta hua apney kamrey ki tarf Ja rha tha to rastey me Mumani sahiba ne usey dekh lia

"Badey dant (teeth) nikal rhey hai?" Zubaida Mumani aadut se majboor Reham na pai'n

Aadi Jo apney hi khyalo'n me mast Ja rha tha wo ye bat sun kar Mumani sahiba ki tarf mudh gya

"Mumani me koi dood (milk) peeta bacha hu'n Jo dant nikal rha hu'n? Alhamdulillah poorey 32 dant (teeth) meri pedaish ke 2 sal me hi nikal aae the. Agar aap ko shak hai to laiye apni ungli me aap ko check kar b wa deta hu'n"
Aadi ne b Jo Mu'n me aaya bina sochey samjhey nikal bahir kia

"Toba Toba guz bhar lambi zuban hai tumhari, bado'n ka ihteram nam ko b nhi'n kartey" Mumani sahiba aag bagola ho gai'n

" kis ne kha Mumani me  bado'n ka  ihteram nhi'n karta me change karney Ja rha tha lekin nhi'n gya sirf aap ko ye explanation deney ke lye ke me dant nikalney ka period kab ka guzar chuka hu'n aap ke samney kada hu'n aur agar me ne koi jhoot bola ho to merey b aap ki tarha'n sarey dant gir jae'n aur me b aap ki tarha'n kailey (Banana) chae (Tea) me bigho bigho kar Khao'n aur meri zuban Toba Toba guz bhar ki kaisey ho sakti hai me aap ke ha'n thodi Insan ke ha'n pada hua hu'n"
Aadi ne badi masoomiat se kaha

Aadi ki bat sun kar Mumani ka Sara khoon chehrey pe simat aaya aisey lag rha tha ke wo Abi apney mu'n se aag nikale'n gi aur aadi ko jla kar rakh kar de'n gi wesey Mumani sahiba ki jesi zuban thi wo aisa kar b sakti thi'n

"Kya kha tum ne me Insan nhi'n hu'n me janwar hu'n hu'n jis ke ha'n guz bar lambi zuban waley bachey paida hoyey hai'n ?" Mumani sahiba ghussey ki waja se bat poori na kar saki'n

"Toba Toba Mumani me aap ke barey me aisi bat bol sakta hu'n me to keh rha tha  kaha'n hum jesey Gunahgar Insan aur kaha'n aap jaisey Farishta sift  Insan aap ko bhla me reptile ke sath mila sakta hu'n me ne kya ye kabi kaha hai ke aap anaconda jesi dikhti ho?" Aadi aaj koi Dil ki bat Dil me na rakhney ka wada kiye betha tha

"Aadi Ab tum limit cross kar rhey ho?" Mishal Jo pta nhi'n jab se waha'n kadi thi wo bol hi pari

"Me ne kya kaha?" Aadi aisey bola Jesey usey kuch pta hi na ho

"Tum Mom se is tarha'n kaisey bat kar saktey ho?" Mishal ka para kafi high tha

"Hai'n kis tarha'n?" Aadi sab kuch jantey hue b anjan bna raha

"Itni badtmeezi ke sath tum Mom se kaisey bat kar saktey ho?" Mishal ka bus nhi'n chal rha tha warna wo aadi ko shoot kar deti

" konsi badtmeezi? Meri Itni mjal ke me apni Farishta sift Mumani badtmeezi karu'n Toba Toba" Aadi ne dono'n kano'n ko hath lagatey hue kaha

"Mano ke Pas kya kar rhey they?" Jab Mumani sahiba ne dekha ke Aadi kisi tarha'n kabu me nhi'n aa rha to unho'n ne Aadi ko back foot pe le ljaney ke lye dao chala

"Kya karna hai? Suit leney gya tha" Aadi ne laparwahi se kaha

"Tumhara us rishta kya hai Jo har waqt us ke aagey peechey ghoomtey rehtey ho?" Mumani ne buht bonga sa swal kia

Mano Jo kab se Aadi ki ootptang bate'n darwazey ke sath kan lgae sun rhi thi aur Hans Hans ke uskey pait me dard honey laga tha achanuk apna sun ke preshan ho gai

"Hai'n ye kaisa swal hua wo meri cousin hai" Aadi ne nasamjhi se jwab dia

"Yani ke behun hi hui?" Mishal jaldi se Aadi se iqrar sunney ke lye boli

"Tum b to meri behun ho aur isi tarha'n wo tumhari, Nabeel aur Saaim ki Behun hui" Aadi phir se bat gol kar gya

"Aur Tumhari?" Shumail us se iqrar karwaney per tuli thi

"Meri cousin!" Aadi ka phir se wohi jwab

"Ab mujey tyar hona hai me to Ja rha hu'n aap ko Jo triangle bnana hai wo bnatey rehye" Aadi ye keh kar ye Ja wo Ja

Mishal ka bus nhi'n chal rha tha ke wo kuch kar betti

Mano darwazey se hut kar change karney chaley gai

"Mama aap to keh rahi thi'n ke aap meri Aadi se shadi karwae'n gi? Ye to hme'n kat khaney ko dhodh rha hai?" Mishal ne ro deney waley andaz se Zubaida khanum ki taruf swaliya nigaho'n se dekhtey hue poocha

"Meri Jan Rona nhi'n mera b nam Zubaida hai dunya gwah Jo me thaan lu'n usey koi badal nhi'n sakta"
Zubaida khanum ye keh kar Mishal ko apney sath lga kar pyar karney lagi'n

"Aadi Yad rakhna agar tum Mishal ke na hue to Kisi aur ke b nhi'n hoge" Zubaida khanum ne apney aap se wada kiya

Dosri traf Aadi in sab se be khbar tyar ho kar bahir nikla to safya-khanum usey sarey hui nazar aai'n

"Ammi sarey intezam ho gae?" Us ne safya-khanum se poocha

"Meri tarf se to sab kuch mukammal hai Mano ki bhagti dhodh ki waja se mujey kuch b nhi'n karna pada Allah khush rakhey meri bachi aaj bechari ne buht kam kia hai" Safya-khanum ne muhabbat lutaney waley andaz me kaha

"Ab bus b kijye Ammi aap b Ab Mano Nama na padhna shuru na kar dijye janta hu'n Jo wo kam karti hai aik tinka to pkadh kar aik jaga se dosri jaga rakhney ki wo rawadar nhi'n aur aap us ki aisey hi tareef kiye Ja rahi hai'n" Aadi ne Mano ko bahir nikaltey hue dekh kar shrart ki

"Kya me koi kam nhi'n dekha badi mummy ye phir se shuru ho gya khud to is se itna hua nhi'n ke hmari koi help kar wa de ulta mujey hi suna rha hai" Mano Jo pta nhi'n kab se bhari bethi thi phat padi

"Me Konsa farigh betha tha?" Aadi ne usey aur tang kia

"Han mujey pata hai tum aaj  badey masroof the sarey Shehar ki murghio'n se andey akhattey karney ka thekha tabdeeli sarkar ne tumhe'n hi to dia hai" Mano ne aik hi bar me hisab brabur kar dia

.
.
.
.