Takrar se Ikrar Tak

Part 4

Bahir Jabran bhai tyar honey ke bawjood rastey per nazrey tikae Bethey the

"Yar ye nh sudhre'n ge" Aadi ne peshani per hath Martey hue badhbdhut ki

" Aap gae nh abi tak? " us ne Jabran ke pas ja kar kisi bdey bhodey ki trha us se istafsar kia

Wo is achank hamley ke lye bilkul b tyar nh tha to wo ghabra gya

Phir jab us ne Aadi ko dekha to uska sans bhal hua

" Ja rha hu'n yar aik to tm me pta nh kesey kabi kabi puraney khubti babo'n wali rooh halool kar jati hai aur me tm se poorey bda hu'n kuch to ehtram nam ki b koi cheez honi chahye yar" Jabran ne masnooi ghussey se kha

" Isi bat ka to Rona hai ke me aap se chota hu'n isi lye to ye din dekhney padh rhey hai warna aaj me apney naney munney njaney kitney sarey bhtijey bhatijioo'n se khel rha hota" us ne sochtey hue  tasuf se Sir ko hilaya

" Tum ye kin khyalo'n me kho gae? " Jabran ne Aadi ki aankho'n ke samney chutki bjatey hue kha

" Apney bhatijo'n aur bhatijioo'n ke khyalo'n me" us ke mu'n se be ikhtyari me nikal gya

" Kya matlab?" Jabran ne mashkook sa ho kar  poocha

" Kuch nh  mera matlab tha ke Merey Azizan-e-mun muhtram bhai Jan Ab aap ko chaley Jana chahye warna agar Baba Jan aa gae to aap un per to bdey honey ka ruab nh dal saktey aur Jesey hi bhabhi oh o mera matlab tha ke Aapi aai'n gi aap ko bta du'n ga balkey aap ki IMO per bat b kar Wa du'n ga" Aadi Hadi hoshyari se Jabran ko chedha

"Acha Acha Ab zyada phelo mat ja rha hu'n" Jabran b koi Bacha to tha nh Jo us ki tarf se ki gai chaidh chadh ko smajh na Sakta is lye us ne wha'n se khiskney me hi aafiat jani

Itney me Mano suit press kar ke le Aai

"Tm kitney sust ho abi tak nhae nh ye lo suit" Mano bhla kha'n aisa moqa chodhney wali thi to us ne hasbey sabiq apni aadut poori ki

"Ja hi rha hu'n zyada taiz na bna kro" Us ne jaldi se suit pkadh lia Mano ne b usey mu'n chidaya aur wha'n se janey lagi

"Mano mera kamrey me intzar karna mujey tm se bat karni hai" Aadi kuch sochtey hue Mano ko awaz detey hue kha

"Me Q tmhara intzar kru'n aur tm  ne mujh se kya bat karni hai jo Yha'n nh ho sakti?" Wo Jo pehley hi us se khar  khae bethi thi us ne usey aadhey hatho'n lia

"Yar hai aik bat abi nh bta Sakta please bat man lo" Aadi ne uski minnat ki

"Whao me tmhara intzar kru'n?   aaya bda  bhla is me mera kya faida?" us ne bilkul syastdano ki trha poocha

"Yar me tmhara cousin hu'n tmhari Ammi aur bdey Papa ka beta Itni to murawat honi chahye" us ne phir minnat ki

"Na koi reaayt nh ho gi" wo b apney jesi ikloti hi thi bhla wo kesey Itni aaani se man jati

"Me janta tha tm nh mano gi jao merey bag me kit kat ka dibba pda hua hai"Aadi ne usey laluch dia

"Hurrey! Ye Mara" Mano ne naara lgaya

"Acha Ab sari mat kha Jana merey lye b rkhna" Aadi ne uska josho kharosh dekhtey hue kha

"Ye to Ab tmhari speed per hai ke tm kitna waqt lgatey ho?" Us ne be parwai se kha

"Ye nh Badley gi" ye keh kar wo jaldi se ghusalkhaney me ghusey gya

Jab tak wo kamrey me puhncha Mahnoor poora dibba thikaney lga chuki thi

"Sab khtam?" us ne sadmey se poocha

"Ab Itni b acting na kro ye lo tmharey lye b rakhi hai kabi Aisa hua hai ke me ne tmhara hissa na rkha ho?" Mano ne aankhe'n skodh kar poocha

"Acha yar sorry aisey hi to me nh kehta ke tm Meri best friend ho" Aadi ne chocolate ki bite letey hue kha

"Acha btao bat kya thi jis ke lye tm ne chocolate kurban kar di" Mano asal bat per aa gai

" Mano pehley ye tmhara gift subha me ne tumhein nh dia tha" Aadi ne almari se aik dibba nikal ke Mano ko Pakda dia

"Is me kya hai?" Mano ne poocha

"Khol ke dekh lo" Aadi Jo chocolate ke sath masroof tha us ne jwab dia

"Wao! Kitna pyara joota hai pehn ke dekhu'n?" Us ne Aadi se poocha

"Yar tmhari cheez hai mujh se q pooch rhi ho me to kehta hu'n abi pehn lo" Aadi ne beparwahi se kha

"Acha Mano mujey ye btao tumhein Jabran bhai kesey lagtey hain" Aakhir Aadi asal bat per aa hi gya

"Hai'n ye Kaisa swal hua? Jesey hai'n wesey hi lagtey hain" Us ne na samjhi se usey dekha

"Yar mera matlab hai ke agar Mahzaib Aapi aur Jabran bhai ki shadi ho jae to?" Us ne us se rae tlab karney ke andaz se poocha

"Kya Aisa ho Sakta hai?" Us ne khushi aur josh se poocha

"Pehley ye btao agar Aisa ho jae to?" Aadi ne phir se poocha

" Maza aa jae ga Aapi ko khi'n Jana b nh pdey ga aur me apni Aapi ki nand b ban jao'n gi wesey Aapi ke bachey mujey Phupho khe'n ge ke khala mera khyal hai khala khe'n ge nh Phupho khe'n ge ya phir khala ya phir Phupho nh khala khe'n ge ya phir Phupho" Mano ko khushi ke marey kuch smajh nh aa rha tha

Aadi sir pakdey usey dekh rha tha aur soch rha tha ya merey khuda kis museebat ko me ne dawat de li hai

"Acha Aadi tm hi btao Phupho khe'n ge ya khala?" Aakhir usey Aadi se rae leney ka khyal aa hi gya

"Wo tumhein pagal khe'n ge" us ne jal kar kha (aik to pta nh larkia'n itney lambey chodey khwab pta nh q sja leti hain )

"Acha sorry bat hi kuch aisi thi ke me josh o kharosh me kuch zyada hi ulta seeda bol gai" Mano ko b apni hmaqt ka khyal aa gya

"Ab is josh kharosh me ye bat leak kar ke mujey na marwa dena" Aadi ne usey tanbeeh ki ( Wesey merey aaj tak aik bat smajh nh aai ke hmesha wohi bat hi leak q hoti jis ke barey me kisi aurat ko ye kha jae ke kisi ko btana nh? Aurto'n ka hi nh mardo'n ka b Yhi masla hai)

Acha Meri bat suno is se
pehley ke Aadi kuch kehta
.

.
.
.
.
.