Takrar se Ikrar Tak

Part 10

Aadi ko pta tha ke Ab cha he uski ghalti ho ya na ho class usi ki hi lagey gi qk Jabran bhai to Mano ke khilaf kuch sunney se rhey phir b usney try ki shaid koi anhoni ho jae

"Bhai dekhye Ye Mano ne Merey ooper chai dal di hai" Aadi ne mazloomo'n ki si soorat bna kar kha.

"Bilkul jhoot Bhai bat pehley is ne shuro ki thi wo to mera pao'n phisla aur is per chai gir gai"Mano ne kmal ki adakari se bat plut di.

"Kya ye chai pao'n phisalney ki waja se mujh per giri thi?" Aadi ko to apney kano'n suni bat per yaqeen nh aa rha tha.

"Acha Ab bus b karo Aadi tum b har waqt MQM walo'n ki trha rotey rehtey ho jao ja kar kapdey bdal kar aao phir hm Sab shehar chalein ge" ye keh kar Jabran Khan bahir chaley gae

Wha'n bhethey hue Sab log Mano ki acting dekh kar heran reh gae the ke us ne Kaisey sara malba becharey Aadi per dal diya tha.

Aadi khamoshi ke sath uth kar ghar ki traf Chal pda apney kamrey tak aatey aatey wo pech-o-tab kha rha tha

Us ney ja kar apni almari se wohi apni halut jesi yani ke khasta hal shirt nikali shower leney ke bad bahir aa gya

Bahir gadhi me Jabran khan Mahzaib Aapi aur Mano uska intzar kar rhey the

Us key gadhi me bhethey hi gadhi ghar se nikal padi

Back view mirror se Aadi ne dekha ke Mano Musalsal usey hi ghoorey ja rhi thi

Aadi pichli seat per Mahzaib Aapi ke sath betha tha Jabkey Mano Jabran khan ke sath front seat per thi

"Wao kitni pyari shirt hai wesey tmhari khareedi hui to nh lagti" Mahzaib Aapi ne swalia nazro'n se us ki traf dekha.

"Q Aapi me q aisi shirts nh khareed sakta? Aadi ne hanstey hue Aapi se hi swal kar lia.

"Wo is lye k aap ko casual shirts aik dum boring si lagti hai'n to Mera bhai aisi boring cheez to khareedney se rha"
Aapi ne uskey sir per halki si chpat lgatey hue kha.

"Wah Aapi aap ki kya kmal ka andaza hai ye budhu aisi achi cheezain kha khareedey ga ye to me ne khareeeeeeeeedi" Mano ne zuban danto'n ke neechey li wo josh me kuch zyada hi bol gai thi Halankey abi kuch dair pehley hi dono me buht zabardast Ldai hui thi

"Wah g wah Kya Ldai hai? Pul me tola pul me masha jab tum dono ka aik dosrey ki Itni parwa hai to ladhtey q ho? Jabran khan ne dono se swal kia

"Bhai hmara to hmesha se mamool hai ke hum aik dosrey se ladhtey rehtey hai aur ladhtey rhe'n ge
Lekkkkkkkkkkkkkkkkkkkkkkkkkkkkkkkkkkkkkkkkkkkin
Aap ki aur Aapi ki Konsi Ldai hui hai ke aap aik dosrey se bat hi nh kartey?" Mano ne b apney mu'n phut honey ka saboot detey hue Jabran Khan ka swal usi per ulat dia

"Aisi to koi bat nh hai Mano tumhein koi ghlat fehmi hui hai" Jabran Khan se koi bat na bun pai

"Bhai mera b Yhi swal hai Chalo bhai nh btana chahtey to Aapi aap hi bta de'n" Aadi ne b loha gram dekhtey chot lgai

Wesey to wo ghar se pkka irada kar ke aaya tha ke wo kisi ke sath b bat nh krey ga Lekin Mano ne ye achank jo nai bsat bichai thi isey dekh kar pehley to Aadi haqqa bakka reh gya Lekin jab usney Mano ke swal per Jabran Khan aur Aapi ke chehro'n per wo kefiat dekhi ke Jesey un ki koi chori pakdi gai ho to Aadi ne b apni Chal chali aur Aapi ko nervous dekh kar apna swal dagh dia

"Nh chanda aisi to koi bat nh hai hamari to koi Ldai nh hui" Aapi ne b Jan chudhwai

Itney me shehar aa gya aur Jabran khan ne gadhi aik private parking me khadi kardi ye in ka mamool tha Ke wo jab khareedari karney aatey to gadhi private parking me khadi kar ke phir shopping kartey the

Aapi msalsal apney hont chbae ja rhi thi'n

"Aapi me nh janta ke aap dono ke darmyan kya masla hai Lekin me ye chahta hu'n ke aap wo masla jaldi se jaldi hul kijye q k bdey mamu'n buht jald Atif bhai ke lye Aapi ka rishta mangney aaney waley hai aur Bhai aap ke lye b Mehnaz khanum ya jannat Pari Ya Palwassha me se kisi aik ka intkhab buht jaldi honey wala hai is lye phir na kahye ga aap ko khbar nh hui is lye jaldi se gadhi se bahir niklye aur ye parking ke sath hi Falooda house hai wha'n ja kar aap dono Jo b ghaltfahmi ya masla hai usey door kijye ya phir aap dono shopping kartey hue b apney masley ya phir me isey fasley kahu'n b mta saktey hai jesa aap chahe'n aur ha'n agar aap Meri aur Mano ki rae pooche'n to na me Atif Khan jesa behnoi afford kar Sakta hu'n aur na Mano Mehnaz,Jannat ya Palwassha Jessi bhabhi mujey to Jabran khan jesa behnoi aur Mano ko Mahzaib Aapi jesi Bhabhi chahye! " Ye keh kar Aadi ne gadhi ka darwaza khola aur bahir nikal gya phir Aadi ne Mano ko b bahir nikala aur usey khainchney ke se andaz se parking se bahir le gya Jabkey Mahzaib aur Jabran apni jaga bilkul sakti Bethey the wo herani se Aadi ki traf se ki gai lafzi gola bari ko smajhney ki koshish kar rhey thi usey balkey kisi ko b Aadi se twaqqa nh thi ke Aadi ye Sab kuch keh jae ga aur  Aadi Ab Habib Jalib banney ke bad wha'n se bhag Jana chahta tha qk.
.
.
.

.
.
.

.