Takrar se Ikrar Tak

Part 33

"Tu aur kya Ab tabdeeli sarkar Itni mehnat se andey de gi to hum kaisey ghaflat kar ke khan sahib ki  economy policy ko fail kar saktey hai'n" Aadi ne chidhney ki bjae bat mzaq me uda di

"Acha Ab zyada Fawad Chaudhry banney ki koshish na karo wo b Jo mu'n me aata hai baghair sochey samjhey nikal bahir karta hai aur for your kind information andey murghio'n ne diye hai na ke khan sahib ki Government ne?" Mano ne Aadi khoob class le dali

"Ab badi tanqeed kar rahi ho tum hi Khan sahib ki b badi admire thi" Aadi ne b jwabi war kia

"To tum b to qaseedey padhtey phirtey they Ab mujey q ladaka aurto'n ki tarha'n Taney deney lagey ho?" Mano kaha'n muaf karney wali thi

"Wo to hmara Niazi tha is lye me Khan ki tareef karta tha wesey shukar tum tano'n wali aurto'n ki khoobi man li" Aadi ne bat apney ooper aatey dekh kar bat hi plut di

"Aadi" Safya-khanum Jo kab se dono'n ki baghair sir pair suni Ja rhi thi'n unho'n ne Aadi ko khabardar kia

Aadi Abi kuch aur b kehta lekin usey ba amr e Majboori khamosh hona pada

"Mano chalo ye to aisey hi bolta rehta hai tum apna khoon na jlaya karo" Safya-khanum Mano ko waha'n se le Janey lagi'n

"Ammi " Aadi ne safya-khanum ko pukara

Safya-khanum baghair koi jwab diye ruk gai'n

"Ammi aaj aap sab date fix karney Ja rhey hai lekin koi nishani wagera to honi chahye" Aadi ne dartey dartey bat ki

"Nishani?" Safya-khanum ki bjae Mano ne poocha

Mera Matlab hai koi ring wagera" Aadi ne bat mukammal ki

"Bat to tumhari theek hai aisa karo ke jaldi se Seraj ke pas jao aur Mahzaib ke lye ring le kar aao balkey aisa karo ke Mano ko sath le jao tum pta nhi'n kya utha lao" Safya-khanum ne Chupkey se Aadi ko 2 rings ka ishara kar dia Jo Mano na dekh saki

"Badi Mummy me?" Mano Aadi  ki Mumani aur Mishal ke sath hui guftagu sunney ke bad Ab Aadi ke sath akeli Kahi'n Janey se hichkcha rahi thi

"Ha'n tum Ab jaldi se jao waqt buht kam Reh gya hai" Safya-khanum hukam de kar chali gai'n

"Tum jaldi se Ubaya le kar aao Me Abi Bike Le kar Aaya" Mano Jo Aadi se Expect kar rahi thi ke wo usey sath le Janey se inkar kar de ga wo b usey hukam suna kar chala gya

"Mano Jaldi aao" Aadi ne bahir se awaz lgai

Mano jaldi jaldi se Ubaya sanbhalti hui aakar uskey peechey bheth gai

"Madam sahiba mujey mazbooti se  pkadh lijye warna aap gir jae'n gi" Aadi ne Mano ko sukadtey simattey apney peechey distance bna kar bhettey hue dekha to kha

"Mano bechari ke pas koi option hi nhi'n tha usey majbooran Aadi ko pakadhna pada

Kafi rasta baghair koi bat kiye kat gya jabkey aadi expect kar rha tha ke Mano Usey Bike per Laney ki waja se us se khoob ldai karey gi

"Mano?"Aadi ne usey pukara lekin Mano ne koi jwab na dia

"Mano kya hua kisi bat per ghussa ho Jo Itni khamosh ho" Aadi b ajeeb tha pehley Mano ke larney se preshan tha Ab Mano ki khamoshi se preshan tha

"Yar kuch to bolo" Mano ki tarf se koi jwab na pa kar aadi waqai fikar mand hua

"Kya bolu'n" Mano ne poocha

"Kuch b chalo mujey bura bhla hi bol do" Aadi se uski khamoshi bardasht nhi'n ho rahi thi

"Aadi Ab hum badey ho gae hai'n aisey Road Per bat karna achi bat nhi'n hoti" Mano ne sanjeedgi se jwab dia

"Acha to Miss Mahnoor sahiba aap ko ye kab mehsoos hua ke hum badey ho gae hai'n?" Aadi ke hath jaisey buht mazedar cheez lagi thi

Mano ne koi jwab na dia

"Mano kya mujh se naraz ho?" Aadi ko Mano ki khamoshi msalsal preshan kar rahi thi

"Nhi'n me tum se naraz q hogi?'' Mano ne b Aadi ki preshani mehsoos karli

"To phir bat q nhi'n kar rahi?" Aadi ki sui Abi b wahi'n atki hui thi

"Kar to rahi hu'n bat aur kaisey karu'n?"

"Kisi ne kuch kha kya?aur tum merey sath aaney se q mana kar rahi thi'n?" Aadi ne nai bat nikal li

"Nhi'n kisi ne kuch nhi'n kaha aur me is lye mana kar rahi thi ke tumhari chahaiti Mishal mujey tumharey sath dekh kar na jul jae ke uski jaga me ne cheen li hai" Mano ne pics ka hwala de kar chot ki jin me Mishal Aadi ke peechey bethi thi

"Listen koi kisi ki jaga nhi'n le rha aur koi jalta hai to jalta rahey I damn care mujey farq nhi'n padhta aur tum ne kaisey farz kar lia ke tum ne Mishal ki jaga per qabza kar lia hai?" Aadi thodi dair ke lye ruka aur back view mirror se uski tarf dekha

"Wo jaga Mishal ki thi hi kab? Jo tum ne us per qabza kar lia hai aur apna us se mwazma na kia karo q k jo tum merey lye ho wo koi ho hi nhi'n sakta" Aadi pta nhi'n aaj konsi zuban boley Ja rha tha

Mano jo Aadi ki Mumani aur Mishal ke sath hui jhdap khud sun chuki thi wo kisi aisey hi iqrar se darti darwazey se hati aur uska Dil keh rha tha ke aaj kuch na kuch zaror hoga aur us kuch na kuch se bachney ki wo sar todh koshish kar rahi thi lekin

" Jo likha ho taqdeer me us se kon kon bacha sakta hai?

Ishq Jesey hadsey bhla koi hai jo bhula sakta hai?

Us ko to koi bchae jo doob rha ho

Khud doobney waley ko  bhla kon  bacha sakta hai?

Koi lakh bandh bandhey apney Jazbo'n per

Kya koi kikirchio'n ko b palko'n  per sja sakta hai?"

Itney me wo jewelry shop per puhanch gae

"Asslam-u-Alikum Siraj Lala kya hal hai'n?" Aadi ne Siraj Khan ko Salam kia

Siraj khan Aalum khan ghraney  ka khandani sonar tha

Siraj khan ki umar 70 Sal ke lag bhug thi lekin Ab b jwano'n se zyada active the

Siraj Khan ko "Lala" yani ke bada kehlwaney ka buht shok tha is lye chahey koi bada tha ya chota sab Siraj Khan ko Lala keh kar bulatey the

"Asslam-u-Alikum Lala kaisey mazaj hai'n" Aadi ke sath hi Mano ne b Salam kia

"Wasslam Wasslam O Aadi Khan aaya hai aur sath me hmara beti b aaya hai, O dilbar Khan, O Zaman Khan kaha ho sab, jaldi se kehwa lao" Siraj khan itna khush tha ke usey smajh nhi'n aa rha tha ke wo Mehmano'n ko kaha'n bithae

"Lala tkalluf karney ki zaroorat nhi'n hai hme'n Zara jaldi hai" Aadi ne Siraj Khan ko mana karna chaha

"Nhi'n Khan ye nhi'n hoga balkey tum hmarey sath raat ka khana b kha ke jae ga"
Siraj khan ka faisla atal tha

"Lala aaj Bhai ki bat pakki karney Jana hai is lye hme'n Zara jaldi ghar puhanchna hai" Aadi Ne Siraj Khan ko bat samjhaney ki koshish ki

"O ha'n khan tum ko b Mubarak ho aur Meri beti ko b Mubarak ho mujey kal hi badey khan ne phone kia tha me usi ki tyyario'n me laga hua tha" Siraj Khan ne btaya

"Lala hme'n ring chahye koi khoobsurat c ring dikhaiye" Siraj khan ko patri per aaya dekh kar Aadi ne kam ki bat ki

"Bilkul dekho mujey btaya hota to me khud haweli aa jata"

"Bus Lala Achanuk program bana to me choti khanum ko sath le kar chala aaya" Aadi ne sfai di

"Chalo ring Pasand karlo" Aadi ne Mano ko baghair nam lye mukhatib kia

Mano ne kafi soch bechar ke bad do rings pasand ki Ab in dono'n me se us se intekhab nhi'n ho pa rha tha to wo Aadi ki tarf mutawajja hui jo baghor usey hi dekh raha tha

"Dono'n hi le lo" Aadi ne kissa hi khtam kar dia

"Do q?" Mano ne herangi se swal poocha
.
.
.

.

.

.
.
.
.
.