Takrar se Ikrar Tak

Part 37

Aadi heran o Preshan sa Jabran-Khan aur Safya-Khanum ki tarf dekhey ja raha tha usey laga ke us se sunney me koi ghalti hui hai uski confuse si shakal dekh kar Jabran-Khan aur Safya-Khanum Badi mushkil se apni hansi dbae bhethey the

Safya-Khanum to khamoshi se waha'n se uth kar chali gai'n Ab sirf Hujrey me Jabran-Khan aur Sher-Alum-Khan aur Aadi hi reh gae the

"Me ne tum se kuch poocha hai" Sher-Alum-Khan ne khamoshi ko toda

"Kkuch nhi'n socha Baba Jan" Aadi ko kuch smajh nhi'n aa raha tha ke wo kya jwab de

"Tumhari studies kaisi ja rahi hai'n?"

"G Achi ja rahi hai'n"

"Tumhari Co Class hoti hai?"

"G Baba Jan"

"Kafi larkia'n b ho'n gi class me?"

"G " Aadi ko bilkul smajh nhi'n aa raha tha ke bat kis tarf ja rahi hai

"Kisi larki se future ke hwaley se koi commitment?" Buhat straight forward lekin khatarnak kisam ka swal tha

"Nnnhi'n Baba Jan" Aadi ki halut buhat patli ho rahi thi

" Class me na sahi University me ya Multan me kisi se koi commitment?"

"Nhi'n" Aadi ne imdad talub nigaho'n se Jabran-Khan ki tarf dekha

"Mishal ko b in Sab me shamil samjho''

"Nhi'n Baba Jan meri kisi se koi commitment nhi'n hui" Aadi ne apni tarf se bat khatam kar di

"Good" Aadi ko pehli bar saraha gya

"Iska Matlab hai ke tumhe'n Mano se Shadi per koi aitraz nhi'n hai" Sher-Alum-Khan ne us se razamandi ki

"Aap ne Mano se pooch lia?" Aadi ne dartey dartey poocha

"Meri Mano meri koi bat Nhi'n talti" Sher-Alum-Khan ko Safya-Khanum ne Mano ki Shirt bta di thi

"Aap us se Pehley pooch le'n" Aadi Jo kuch aur sunney ki umeed lgae betha tha usey Apney se zyada Mano ki fikar ho rahi thi

"Tum uski bat chodho apni btao Tumhari kya rae hai?"

"Aap jaisa Munasib samjhe'n'' Aadi ne sir jhukae hue kaha

"Ye kya jwab hua? Ha'n ya Na" Sher-Alum-Khan ne do tok alfaz me poocha

"Aap Aik bar Mano se  pooch letey" Aadi ne sifarish talub nigaho'n se Jabran-Khan ki tarf dekha

"Mano ki bat Us se pooch li jae gi tum apna btao"

" Baba Jan Jo Mano ka jwab hoga wohi mera jwab hoga" Aadi ne baat hi khatam kardi

"Theek hai phir tum ja saktey ho"Aadi ko Janey ka hukamiu suna dia gya

Aadi khamoshi se bahir nikal gya
"Agar Mano ne inkar kar dia to? Nhi'n nhi'n wo aisa kaisey kar sakti hai? Agar usey koi aur psand hua to? Le aisey hi koi psand ho ga" Aadi khud hi bat karta aur khud hi bat ko rud kar deta

" Wesey wo mujey  pta nhi'n psand karti b hai ke nhi'n?" Aadi danto'n taley ungli dbae koi aisi bat Soch rha tha jis ko bunyad bna kar wo dil ko tsalli de sakey lekin Mjal hai ke koi aisi bat yad aa rahi ho

"Wesey agar sachey dil se sochu'n to apni koi achi bat zehan me to nhi'n aa rahi lekin buri sari yad aa rahi hai'n abi subha hi to ladh kar aaya hu'n aur ooper se Mumani ne b usey meri waja se achi khasi sunai hai'n aur phir me ne Jo us se aatey hue bakwas ki hai wo aur b naraz ho gai ho gi" Aadi bechara dil per hath rakhey Soch raha tha

"Bus buhat hua aaj aar ya paar usi se pooch hi leta hu'n wo kya chahti hai?" Aadi ne bat hi khatam karney ka faisla kia aur ghar ki tarf Janey laga

"Agar wo ghussa me aa gai aur us ne sach me inkar kar dia to?
Na baba na jab tak Baba Jan bat nhi'n kar letey us se bachna hi behtar rhey ga lekin me intezar kaisey karu'n ga?" Aadi sir pakadh kar wahi'n beth gya

"Chotey khan Mehman aaney waley hai'n Aap Mehman khana dekh le'n" Mulazim ne Aadi ko yad karwaya Jo preshani me Sab kuch bulae betha tha

Aadi khamoshi se chal dia

💞💞💞💞💞💞💞💞💞💞💞💞

Safya-Khanum Sher-Alum-Khan ke hujrey se nikalney ke bad Noor-Alum-Khan ke portion ki tarf chali gai'n

Wha'n buht zyada chehal pehal thi Razya-khanum mulazmo'n ko sath ligae kam karwaney me mashghool thi'n

Ghar ka ye  portion pholo'n aur rang brangey kumkumo'n se jag mag kar rha tha

"Bus b karo Razya kitna kam karo gi?" Safya-Khanum ne Razya-khanum ka hath pakadh ker usey Apney sath andar ki tarf le gai'n

"Baji kha'n me ne koi kam kia hai bechara Aadi hi subha se bhaga bhaga phir rha hai Ab bechara akela mardo'n aur Aurto'n ka intezam kaha'n  dekhey ga abi bahir gya hai to me kuch kam ki tarf aai hu'n warna wo kaha'n Mujey kam karney deta hai" Razya-khanum Jo Safya-Khanum ke sath aa gai'n thi wo bahir Jana chah rahi thi'n

" Betho yha'n kuch nhi'n hota Aadi sanbal le ga Sab kuch" Safya-Khanum ne Razya-khanum ko Apney sath bitha lia

"Lekin Baji bechara Aadi" Razya-khanum Jo Aadi ka kam bantna chahti thi'n unhe'n usi ki fiqar khae ja rahi thi

"Acha Ab bus b karo tum aur Tumhara Aadi Terey lad pyar ne hi usey itna khudsar kia hua hai" Safya-Khanum ne Masnooi ghussey se kaha

"Kaha'n hai khudsar mera Aadi har kisi ki to bat manta hai" Razya-khanum ne Ehtejaj kia

"Mujey pta tum aur tumhara Aadi ye lo" Safya-Khanum ne hath me pakdi dibya Razya-khanum ke hath me pakdai

"Ye kya hai? O acha ring lekin ye to Aap LA kar pehnae'n gi na Mahzaib ko to mujey q de rahi hai'n?" Razya-khanum ne na samjhi se dekh

"Ye Mahzaib ki nhi'n Mano ki Ring hai Ab Aadi ki dulhan ko to tum hi ring pehnao gi" Safya-Khanum ne Heran si Razya-khanum ko dekha

"Sach me? Mano maan gai?" Mahzaib Jo kisi kam se bahir aai thi us ki khushi nakabl e byan thi

"Ha'n meri Jan wo maan gai hai aur uski b tumharey sath hi aaj Mangni ho jae gi" Safya-Khanum ne Mahzaib ko pyar kartey hue btaya

"Razya ye kya kar rahi ho?" Razya-khanum Ne Safya-Khanum ke hatho'n ko choomey ja rahi thi'n aur sath me ro b rahi thi'n

"Me bta nhi'n sakti ke aaj me kitni khush hu'n Aap ne mujh per kaisa ehsan kia hai"

"Pagli na ho to kaisa ehsan Mahzaib aur Mano to thi'n hi meri" Safya-Khanum ne Razya-khanum ke aansu saf kiye

"Ab utho aur jaldi se tyar ho jao waha'n Mano mera intezar kar rahi ho gi aur ha'n abi ye bat hmarey darmyan hi rehni chahye tumhe'n to pta hi kitney logo'n ke sir per pani padney wala hai" Safya-Khanum ne hidayut di ta ke taqreeb se Pehley koi badmazgi na ho

Ye keh kar Safya-Khanum Apney Portion ki tarf chali gai'n.
.
.
.
.