Takrar se Ikrar Tak

Part 17

Qk wo Ab khan begum ke kamrey me to ja nh Sakta tha aur usey kamrey me honey waley ijlas ki audio aur video dono hi chahye thi
Is lye us ne khan begum ke kamrey ke roshandan ka intkhab kia ke wo wha'n se andar ke halat o waqiat dekh sakey Lekin wo kambakht roshandan b kafi ooncha tha Ab usey roshandan tak puhnchney ke lye koi cheez chahye thi us ne jab ird gird dekha to aik tooti charpai hi nazar aai to us ne us charpai se hi kam nikalney ka program bnaya

Aakhir wo roshandan tak puhnch hi gya kamrey ka manzar kisi purani classical filmo'n jaisa dikhai de rha tha

Badey sofey per Shair-Alum-khan aur un se kuch fasley Safya khanum bethi hui thi'n Jabkey Khan Begum lakdi ke jae Nmaz per bethi hui thi'n

"G Maa'n g Khairiyat aap ne Itni ujlat me hme'n bulwaya?" Shair-Alum-khan ne fikarmandi se poocha Halankey abi kuch dair pehley hi wo Khan Begum ke pas se uth kar gae the aur aisey hi kuch miltey jultey khyalat Safya-khanum ke b the

"Khairiyat hi hai preshan honey ki zarorat nh bus  aaj kabristan se wapis aatey hue bar bar ye khyal aa rha tha kaisi kaisi khobsurat log dunya se chley gae pta nh mera kab bulawa aa jae is se pehley"

"Bus Maa'n g aap aaj kaisi bate'n kar rhi hai'n Allah aap ko umr-e-Khizar ataa farmae aur aapka saya ta qyamt hmarey saro'n per slamut rkhey" Safya-khanum ne bat kattey hue kha

"Safya Meri Bachi Maut to atal hai har kisi ne Yha'n se Jana hai bus Ab to Meri aik hi khuwahish hai" Khan begum ne apni bat adhoori chodhtey hue kha

"Maa'n g phir wohi baat aap sari bate'n chode'n bus hukam kre'n" Shair-Alum-khan ne bat khtam kartey hue kha

"Beta me ne tm dono ko is lye bulwaya tha ke me chahti hu'n ke Jabran aur Aadi ki khusya'n apni aankho'n se dekhu'n'' Khan begum ne bat mukammal ki

Aadi ki khushyo'n wali bat to Aadi ke aasab per kisi bomb ki tarha giri thi

Kha'n wo Jabran ke lye muamlat set kar rha tha kha'n uski Jan shkanjey me kasi ja rhi thi

"Maa g aap hukam kre'n jaisa aap chahti hai'n waisa hi hoga" Shair-Alum-khan be to Goya bat hi khtam kardi

"Me chahti hu'n ke isi maheeney Jabran ki aur Aadi ki shadi kar di jae " Khan begum ne hukam Suna dia

Shair-Alum-khan aur Safya-khanum ne herangi se aik dosrey ki tarf dekha

"Maa'n g Chalo Jabran ki shadi ki bat to smajh me aa rhi hai Lekin Aadi to abi padh rha hai uski shadi kaisey ho sakti hai?" Safya-khanum ne Khan begum ko kaail karney ki aik nakam si koshish ki

"Pdhai pdhai aik to ye Pdhai na hui Jan ka azab ho gai Jabran ke lye to ye bahana bardasht kar lia tha Ab Aadi ki barey me ye bahana nh chaley ga" Khan begum ne sarey aitraz veto kar diye the

"Lekin Maa'n g itney qaleel waqt me ye sab kuch karna taqreeban na mumkin sa hai Acha Chalo ye Sara intzam ho jae ga Lekin dulhne'n kha se Aae'n gi?" Shair-Alum-khan ne poocha

"Dulhne'n kha'n se aae'n gi ka kya matlab? Isi ghar se aae'n gi" khan begum ne in ki aqal per matum karney ke se andaz me kha

"Hme'n Manzoor hai" Shair-Alum-khan aur Safya-khanum ne bat smajh aaney ke bad khushi se sarshar ho kar kha

Lekin dosri tarf Aadi to aik dam se shock me chla gya aur Isi doran koi chupkey se uski charpai ke peechey aakar khda ho gya

Aadi abi tak shock me tha is lye usey kisi ki mojoodgi bilkul mehsos na hui

Usey to tab pta chla jab becharey Aadi ke pao'n ke neechey se charpai nikal gai bilkul wesey hi Jesey aaj kal ghareebo'n ke hath se rozmarrah ki ashya nikalti ja rhi hai'n

Aadi jiski roshandan per grift kuch zyada na thi wo kuch is tarha zameen boss hus jaisey  PML N ke 6 Maheeno'n me loadshedding khtam karney ke dawey

Aadi becharey ki aankho'n ke samney to  tarey nachney lagey aur uski aisi halut ho gai jaisey har maheeney bijli aur gas ka bill dekh kar Aam Awam ki hoti hai

Jab Aadi ke kuch signal bahal hue to usey apney sir per khadi hui Mano hansi ke marey lot pot hoti hui nazar aai

Aadi ne jab usey aisey hanstey hue dekha to usey to mano aisey aag lag gai jaisey Pakistan ke jeetney per "Moka Moka " bnaney walo'n ko aag lag gai thi

"Ye kya badtmeezi hai?" Aadi ne apney kapdey jhadhtey hue ghussey se Mano se poocha

"Konsi badtmeezi? Me ne kya kia hai?"Mano ne hansi ko dbatey hue  kmal dhtai se kha

"Tm ne charpai q khenchi?" Aadi ka zabt Aakhri hado'n ko chu rha tha

"Pehley tm btao tm charpai per chadh kar kya kar rhey the?" Mano ne uskey swal ke jwab me swal dagh dia

"Wwwwo me jaley utar rha tha" Aadi gadhbda gya

"Wah g wah jaley Itni Itni subha subha aur wo b roshandan se utarey ja rhey the by the way aap kis cheez se jaley utar rhey the naak se ya apni guz bhar lambi zuban se?" Mano uskey jhoot ke bakhye udhedhtey hue wo kha

"Ab tm apni limit cross kar rhi ho'' Aadi ne ghussey se muthiya'n peenchtey hue kha

"Me kya koi swari drive kar rhi hu'n jo me limit cross kar rhi hu'n" wo b apney jaisi ikloti thi usney mazaq udhaney ke andaz me kha

Is se pehley ke Aadi Mano ko aur kuch kehta .
.

.

.