Takrar se Ikrar Tak

Part 12

Sopping karney ke bad Jabran ne Aadi se poocha ke wo kha hai to us ne aik market ka btaya to Jabran unhe'n intzar karney ka keh kar Mahzaib ke sath parking se  gadhi le kar Aadi Mano ki tarf rwana ho gae

💞💞💞💞💞💞💞💞💞💞

Ice cream parlor me puhnchney ke bad Aadi ne ice cream ka order dia

"Acha btao Ab tmhari kya shirt hai" Aadi Jo ke pehley hi Aapi aur Jabran bhai ki tarf se mumkina thukai ki waja se upset tha usey Ab apney bchao ke lye Mano ki mdad chahye thi aur Mano bghair koi shirt manwae Aadi ka koi kam kar de ye to ho hi nh Sakta tha is lye Aadi ne pooch hi lia

"Wesey Aadi kya kmal ki tm ne wha'n takreer ki thi me to tmhari fan ho hai hu'n wah kya dialogue the "Me Atif khan ko apna behnoi aur Mehnaz,Jannat ya Palwassha ko apni nh sorry Mano apni Bhabhi banana afford nh kar saktey" Wah Adnan khan wah dil khush kar dia" Mano ne talia'n bjatey hue Aadi ki hosla afzai ki

"Acha Ab bus b kro Sara kia dhra tmhara hi hai na tm bat shuro karti'n aur na me bat ko aagey badhhata Ab tm hi koi scheme lgao aur mujey bchao aur tmhari mujey har shirt qabool hai bus mujey bchalo" Aadi Mano ki minnat kartey hue kha qk Shair Aalum khan ki chahaiti ko to kuch kehney ki kisi jurrat nh hogi Sara nazla becharey Aadi per hi girney wala tha

"Acha yar Ab me sindh government ki tarha koi dheet to hu'n nh ke koi mujh se Waseem akhtar  ki tarha bar bar mdad ki appeal krey aur Merey kan per ju'n b na reengey Jao me ne cousin honey ke natey tmhari mdad karney ka elan karti hu'n jis tarha'n 2014 ke dharno'n me Zardari ki party ne Noon league ki mdad ka jamhooriat ko bchaney ka nam le kar elan kia tha Lekin Meri do sharte'n hai'n ye na smajhna ke me ye kahu'n gi ke Ayan Ali aur Dr Asim ke khilaf jitney b cases hai wo khtam karwao qk ye tmharey bus me nh me to sirf itna chahti hu'n ke pehley mujey tm dhaaaaaaaaaaaaaaaaaair sari shopping karwao aur dosri bat Mishal se door rho ye larki mujey aik nazar nh bhati" Mano apni sharte'n Suna di'n

"Mujey pehli shirt qabool hai Lekin Mishal b to tmhari tarha Meri cousin hai hmara Bachpan akhta guzra hai aisi kya bat ho gai ke tm Mishal se door rehney ki shirt lga rhi ho?" Aadi ne beyaqeeni se uski tarf dekha
"Tmhari jurrat kaisey hui muje aur Mishal ko aik hi category me rkhney ki? Agar tumhein Mishal Itni hi azeez hai to jao us se mdad mango me ja rhi hu'n" Mano ke tevro'n se aisey lag rha tha ke Aadi ko mar hi daley gi

"Acha yar sorry mujey tmhari shirt manzoor hai Ab bhet b jao" Aadi ne Mano ko badi mushkil se bithaya

"Chalo me tmhe'n shopping karwadu'n" jab Mano ka ghussa kam na hua to Aadi ne usey kha

Shopping karney ke bad Mano ka ghussa kafi hud tak kam ho gya Lekin wo Aadi se bat nh kar rhi thi

Itney me Jabran ka phone aa gya aur wo unka intzar karney lagey

"Mano bhai aur Aapi aa rhey hai'n please sanbhal Lena please"Aadi ne minnat ki

"Me apney wadey ki pakki hu'n tm b dosri shirt yad rakha warna" Mano ko bat adhoori chodhni padi qk Gadhi aa gai thi aur wo dono khamoshi ke sath gadhi me beth gae

💞💞💞💞💞💞💞💞💞💞

Gadhi me is martba Aadi front seat per Jabkey Mano peechey beth gai

Aadi ka to kafi bhra hal tha qk wo kuch zyada hi bol gya tha aur yaqeenan ye dono badho'n ki zindagi me khullamkhulla mdakhlat thi

Fza me khamoshi aur Mahzaib Aapi ki Suti suti si aankhe'n aaney waley kisi buht hi zyada bdey toofa'n ka peshkhaima maloom ho rhi thi'n

Mano chahey kitni b bhadur ban jae Lekin uska dil b kisi nazuk si us chidhya ki tarha kanp rha tha tha jis ne apney samney koi shikra dekh lia ho

Mano b buht zyada khofzda thi ke khi'n kuch Aisa na ho jae jis ki waja se uski jsn se pyari Aapi aur bhai us se naraz na ho jae Lekin aaj kuch kya buht zyada aisa ho gya tha

Allah Allah kartey sab ghar puhnch gae rastey me kisi ne b aik dosrey se bat nh ki

Mahzaib aur Mano apna apna saman le kar apney portion ki tarf chali gai'n

"Zara Merey sath aao mujey tum se bat karni hai" Jabran ne Apney kamrey ki tarf jatey hue Aadi ko awaz di

Aadi pehley hi kuch Aisa expect kar rha tha to wo khamoshi ke sath Jabran ke sath Chal pda

Ghar waley sab so chukey the qk unhe'n wapis aatey hue kafi waqt lag gya tha

Jabran ne apney kamrey ka darwaza khola aur Aadi ko andar aaney ka ishara kia

"Tmharey sath aur Kon Kon shamil hai" Jabran ne Aadi ke chehrey per nigahe'n gadhtey hue poocha

"Kkkkkis cheez me" Aadi itna direct swal ki twaqqa nh kar rha tha to gadhbda gya

"Itney bachey b na bnao tm sab jantey ho ke me kis barey me bat kar rha hu'n" Jabran ne usey ghoortey hue poocha

"Bhai me kuch samjha nh?"Aadi ne b kmal ki acting ki

"Ullu mera matlab tha ke Meri Mahzaib se shadi ke barey aur Kon Kon tmharey sath hai?" Aakhir Jabran ne bat clear kar hi di

"Ye mera aur Mano ka hi sirf khyal hai" Aadi ne kmal mharut se jhoot bola

"Such keh rhey ho?" Jabran ko Jesey yaqeen na aa rha ho

"GGG me such keh rha hu'n"Aadi ne yaqeen dilwaney ki bharpoor koshish ki

"Mamu'n Atif ka rishta kab LA rhey hai'n aur tmhe'n kesey pta chala?" Jabran ne bat ki tasdeek chahi

"Aik do din me mujey ye bat aur Mehnaz,Jannat aur Palwassha wali bat Mishal ne btai thi aur aaj Meri khairat daryaft karna to aik bhana hi tha ye Sara lao lashkar halat dekhney aur Ammi aur Choti Ammi ki is barey me rae hi leney aae the" Aadi ne mukammal report source smait Jabran ko di

"Acha to Ammi aur choti Ammi ne kya rae di?" Jabran ne mazeed kareda

"Kisi ne b raza Mandi nh di Lekin inkar b nh kia ye to ghair rasmi karwai thi Lekin jab Mamu'n apney lao lashkar ke sath aae'n ge to aap jantey hai'n kuch b ho Sakta hai" Aadi ne halat ka bakhoobi tajzia Jabran ke samney  rakh dia

"Ab tum hi btao ke kya kia jae?" Jabran Ab kafi preshan dikhai de rha tha

"Kis barey me?" Aadi ne poocha

"Yar Meri Mahzaib se shadi ke barey me" Jabran asal bat kar hi di

"Kya?bhai aap waqai?" Aadi koto kuch smajh nh aa rha tha

"Ha'n yar me Mahzaib se shadi karna chahta hu'n" Jabran ne Aadi ke tasurat se mehzooz hotey hue kha

"O yes me bta nh Sakta me kitna khush hu" ye keh kar wo jabran ke gley lag gya Aadi ka bus nh Chal rha tha warna wo poorey gao'n ko ye khushkhabri sunata

"Ahista yar aisey koi jag jae ga Ab bta karna kya hai?" Jabran ne uskey utawley pan ko dekhtey hue kha

"Simple aap Ammi se bat kijye" Aadi ne mashwra dia

"Nh kar Sakta yar aaj subha hi me ne unhe'n mna kia hai"Jabran ne apni majboori btai

"Phir aik hasti hai Jo hmari mdad kar sakti hai'' Aadi ne Jabran ki aankho'n me dekhtey hue kha

"Kon?"Jabran ko smajh na aya

"Aap usey jantey to hai'n" Aadi ne us ki twajja kisi ki janib karwai.
.
..
..