Takrar se Ikrar Tak

Part 8

Jesey hi Mano ne kamrey me pao'n rkha to Mishal Jo ke Mano aur Aadi ki cousin yani Mamu'n ki beti thi aur Multan me hi Nishtar medical college me MBBS kar rhi thi us per nzar padi

Mishal Aadi ke bed ke pas padi hui kursi per bethi  thi

Sarey ghar ki khawateen is waqt Aadi ke kamrey me mojood thi'n

Sab hi Aadi ke Sadkey warney ja rhi thi ( ab aap Sab poochein ge ke ye Sadkey warney ka kya MATLAB hai to me aap ko sirf itna hi bta Sakta hu'n ke ye cheez aisi nh hai Jo ke alfaz se byan ki ja skey balkey ye practically dekhney se taaluk rakhti hai)

Is waqt ghar per Aadi ki 4 adad mumania'n apney Lao Lashkar yani ke apni do do char char chandey mahtab gohrey nayab jesi khsoosiat wali betio'n ke sath hamla aaver ho chuki thi'n

Tmam mumanio'n ka aaj kal sirf aik hi maksad tha ke ya to dedia jae ya le lia jae

Ab aap Sab soch rhey hongey ke kya le lia jae aur kya de dia jae to me aap Sab ko Yha'n bta du'n ke is se murad rishtey hai'n

Sarey khandan ki ye bharpoor koshish thi ke kisi na kisi trha Aalum khan ke ghar me nqab lgai jae

" Lo g eid khrab karney sarey aa gae hai'n " Mano mu'n me badbdai

" Asslam-u-Alikum " Mano ne badley nkhasta farz ada kia

" WaAlikumussalam " Sab ne jwab dia

Mahnoor kesi ho ? Mishal ki Ammi ne poocha

"Theek hu'n" Mano ne jwab dia

Phir wo Razya khanum se batcheet me masroof ho gai'n

Mishal Aadi ke bed ke bilkul sath kursi jodh kar bethi hui thi

Wo bar bar Aadi ki peshani ko chooti to Mano apni jaga per pehlu bdal kar reh jati

In Sab Cousins ki aapus me kafi be tkallufi thi thi per aaj usey Mishal ka Aadi se be tkalluf hona aik aankh nh ba rha tha

Dosri traf Aadi ko b Mishal is kurbat se buht be zari ho rhi thi

Ab wo murawat ki waja se usey kamrey se nh nikal Sakta tha

Aisey me sirf Mishal hi us se bate'n kar rhi thi aur wo sirf hu'n ha'n kar ke us ka jwab de rha tha

Itney me Aadi ki nazar floor kushan per bethi Mano per padi Jo ke kha janey wali nazro'n se usey dekh rhi thi

Pehley to usey koi bat smajh na aai ke in kehar barsati nigaho'n ki waja kia hai Lekin jab us ne ghor kia ke to usey pta chala ke wo usey nh balkey Mishal ko ghoor rhi hai

" Acha to Mis Mano Mishal se jal rhi hai'n " us ne dil me socha

"Q na is aanch ko mazeed taiz kia jae?" Us ke dmagh me nya khyal aaya

Ab us ne Mishal ki bato'n ka jwab b dena shuro kar dia

Itney me Sab log kamrey se bahir chaley gae Ab kamrey me Mishal, Mano aur Mahzaib Aapi hi reh gae the

Is mokey ka faida uthtey hue Mishal ne Aadi ka hath tham lia

Ab to Mano ko such much aag hi lag gai thi

Us ka sfaid rang ghussey ke marey bilkul surkh ho gya tha

Us ke ye tevar dekh kar Aadi  dar gya qk usey dar tha ke khi'n Mano koi cheez hi utha kar usey na mar de

Tab hi  Mahzaib Aapi ne b chonk ke Mano ko dekha

"Mano tmhari tbiyat to Theek hai?" Aapi ne fikarmadi se us ki peshani ko choo kar dekha

" Aapi me Theek hu'n bus thoda sa sir me dard hai aur me apney kamrey me aram karney ja rhi hu'n aur me nh chahti ke Meri mojoodgi se kisi ke aram me khlul pdey "
Ye keh kar Mano Aadi aur Mishal per kehar barsati nigah dal kar kamrey se nikal gai

" Pta nh kya keh gai hai Mujey to kuch smajh nh aaya" Mahzaib Aapi ye keh kar Mano ko awaz deti'n kamrey se nikal gai'n

Mahzaib Aapi ke smajh me to shaid bat na aai ho Lekin Aadi Sab smajh gya tha

Aadi ne foran apna hath Mishal se chudhwaya aur kha ke " Mishal mujey buht neend aa rhi hai please jatey hue darwaza band kar dena"

Is ke bad us ne chehrey per chadr tan li to na char Mishal ko wha se Jana pada

Ab reh reh kar Aadi ko Mano ka khyal aa rha tha

Itney me dwai ne asar dikhaya aur wo so gya

Kafi dair tak soney ke bad us ki aankh Khuli to.
.
.
.
.
.
.
.
.
.