Takrar se Ikrar Tak

Part 5

Is se pehley ke Aadi us se kuch kehta us ne Baba Jan ki gadhi ki makhsoos awaz suni

" Lo g Aapi aa gai baki ki bat ham bad me kre'n ge aur mehrbani kar ke aisi koi b bat kisi aur ke samney mat kar dena "  Aadi ne apney hath us ke samney jodhtey hue kha

"Acha nh karti Ab ye to btao ke ye Sab ho ga kesey? Jabran bhai aur Aapi to apus me bat b nh kartey"  Mano ne afsurdagi se kha

"Is ka b hm dono mil kr koi na koi hul dhoondh le'n ge Lekin is se pehley hme'n Aapi ke pas Jana chahye Sab hme'n hi dhond rhey hongey"  Aadi ne jaldi se bal sanwartey hue kha

"Chalo chaltey hai'n" Mano ne b uthtey hue kha

"Apney ye jootey to leti jao" Aadi ne usey yad dilwaya

"O ha'n me b kitni bhulakdh hu'n" ye keh kar us ne dibba utha lia

Itney me Aadi ke phone per bell honey lagi us ne phone per Jabran ka nam dekha to us ne Mano ko janey ka kha aur khud call utha li

" G bhai Jan kesey yad farmaya? " Us ne shrart se poocha

" Bhai Jan ke bachey ye bta tm ne abi tak mujey call q nh ki thi? " Jabran ne ghussey se poocha

" Bhai wo me abi to nha kar farigh hua hu'n agar aisi hi koi buht zyada zarori bat thi to Baba Jan ko phone kar letey? " Us ne b usey aur zich kia

" Acha acha Ab zyada Bano  nh ye btao Baba Jan aa gae? " Us ne hanstey hue poocha

" G aa gae hai me kuch dair tak aap ki bat kar Wa du'n ga"Aadi ne usey tsalli karwai

" Nh nh yar bus tm muje sirf itna bta dena ke Mahzaib kesi hai? " Us ne preshan hotey hue kha

" Acha is ka matlab hai aap bat nh karna chahtey? "us ne unhein aur tang kia

"Acha yar me tumhein kuch dair bad phone karta hu'n" ye keh kar us ne call kat di

"Bach gya warna ye Aadi ka Bacha Sab kuch Jan jata" Jabran ne pani ka glass hulk se utartey hue socha

Ab usey kya pta tha ke wo Sab kuch janta hai aur wo kuch dair tak kya karney wala hai

Dosri traf Aadi Mahzaib ke pas puhncha to wo apney bdey papa ki minnat kar rhi  ke wo Aadi ko kuch na khe'n is me us ki koi ghalti nh thi

Aakhir kar Shair-Alum-khan apni ladli ki bat man jatey hai'n

"Ye tmharey aur Jabran hi ki waja se itna bigadh gya hai warna me isey kab ka Theek kar deta" Ye keh kar wo kamrey se chaley gae

"Q Aadi me ne Suna hai Mano ne tm per  bighoey hue kapdo'n wali balti ulat di thi?" Mahzaib ne hanstey hue poocha

Itney me Mano apni nai jooti pehn kar Apni Aapi ko dekhney aai

"Aapi dekhein kitni pyari jooti hai" Mano ne Khushi se Mahzaib se poocha

"Wah buht pyari hai Ye kha'n se li?" Aapi ne Mano se poocha

"Aadi laya hai" Mano ne btaya

"Acha to phir tm do no ki sulah ho gai?" Mahzaib ne confirm kia

"Kab ki Ab to hm phir ladney ki tyari kar rhey hain!" Aadi ne hanstey hue kha

"Ye do no nh sudhre'n ge" ye keh kar Sab ghar waley hanstey hue kamrey se bahir chaley gae

Ab kamrey me Aadi,Mahzaib aur Mano reh gae the

"Aapi aap ka hath Kaisa hai?" Aadi ne Aapi se poocha

"Theek hai aisey hi me ne tm  Sab ko preshan kar dia" Mahzaib ne afsurdagi se kha

"Aapi Sab se zyada preshan to Jabran bhai lag rhey the"
Mano ne moka dekh kar choka lgaya

" Wah Mano dil khush kar dia wesey larkia'n aqal se Itni b paidal nh hoti" Aadi ne dil me kha

Mahzaib ke chehrey per aik sath kai rang bakhar gae

"Wesey Aapi koi aap ki khairat maloom karney ke lye buht bechain ho rha hai q na aap ki us se bat hi karwa di jae aur aap khud hi un ki tsalli kar Wa de'n?"
Aadi ne zu maani alfaz me kha aur video call Jabran ko mila di

Jesey hi Jabran ne call pick ki us ne camera Mahzaib ki traf kar ke phone b Mahzaib ko Pakda dia

"Aapi aap bat kijye me abi aya aur Mano me sohan halwa b le kar aaya hu'n
Aao hm halwa check kartey hai'n aur Aapi ke lye b le kar aatey hai'n" Ye keh kar Aadi Mano ka hath pkadh kar usey bahir le aaya

"Kya such me tm sohan halwa le kar aae ho?" Mano ne honto'n per zuban phairtey hue tasdeek chahi

"Ha'n laya hu'n har bar Jo phone karkey kan khati thi'n" Aadi ne uski tsalli karwai

"To pehley q nh btaya? Khi'n akeley akeley hdap karney ka to program nh tha?" Us ne mashkook sa ho kar poocha

"Bhla ye ho Sakta hai ke me koi cheez tm se chupa pao'n har martba to Merey kamrey ki tlashi leti ho pichli martba b sarey lays aur cold drink tm akeli hdap kar gai thi" Aadi ne usey purani bat ka hwala dia

"Jhoot Aadi bilkul jhoot me ne cold drink aur gin kar poorey 5 chips chodhey the tmharey lye" ( Mano aisey bta rhi thi jaisey usney wo 5 chips chodh kar Aadi per ehsan e azeem kia ho)

"Acha Malka e Aalia mujh per aap ka buht ehsan hai ke aap ne mera khyal rkha" Aadi ne salute kartey hue kha

"Acha Ab mujey khilao ge b ya aisey Aurto'n ki trha Taney hi martey rho ge?" Us ne tang aa kar kha

"Jao wo Ammi ke pas hai le lo aur kam khana pehley hi phelti ja rhi ho" Aadi ne usey chidaya

"Khatey peetey ghar ki hu'n tmhari trha jalti thori rehti hu'n sado sa na ho" to ye keh kar wo chali gai

Aadi kamrey me aaya to Aapi TV dekh rhi thi'n

"Aapi bat ho gai?" Us ne tasdeek cha hi

"Ha'n ho gai bat'' Aapi ne sarsari se lehjey me kha

"Kya kha bhai ne?" Aadi ne asal bat poochni chahi

"Kuch b nh sirf hal Chal poocha aur phone band kar dia"Mahzaib ne afsurdagi se btaya

"Aik to mera bhai b bilkul aqal se paidal hai demand supply per Sara din lecture de Sakta hai Lekin pyar Muhabbt waley muamley me pta nh inhey kya ho jata hai?"Aadi ne ghussey se socha

"Aur kuch b nh kha?" Aadi ne dobara tasdeek chahi

"Nh chanda kuch b  nh kha bhla in Jesey masroof bandey ke pas hm jeso'n ke lye kha'n waqt ho ga" Aakhir dil ki bat zuban per b aa hi gai

"Acha bhabhi aap aram kijye me phir aaonga" ye keh kar wo kamrey se bahir aa gya warna wo dar rha tha ke khi'n Aapi bura hi na man jae'n

Ab aik bat to wazeh thi ke chingari dono traf hai Ab kisi treekey se is chingari ko aag me bdalna tha

Jab ke dosri traf Mahzaib ne Aadi ke bhabhi kehney per usey chonk kar aur hirangi se dekha Lekin ye bat b sach thi ke Aadi ka usey Bhabhi kehna usey buht acha lga tha

Chalo koi to hai Jo us ki trha sochta hai Lekin.

.