"Do q ?" Mano ne herangi se poocha
"Aik to tum swal jwab but karti ho acha btao tumhe'n in me se konsi zyada psand hai?" Aadi ne rings hath me letey hue poocha
"Dono'n hi buht pyari hai ye lower cut wali zyada pyari hai lekin Mahzaib Aapi ko lower cut design wali rings psand bilkul achi nhi'n lagti" Mano ne apni psand bta hi di
"Chalo phir aisa kartey hai ke tum Aapi ke lye ye doosri wali le lo aur ye lower cut design wali ring me rakh leta hu'n" Aadi ne uska masla hul kar dia
"Lekin tum ye ladies ring kya kro ge?" Mano ne nasamjhi se poocha
"Iska ka achar (pickle) dalu'n ga"
Aadi ne jul kar kaha
"Hai'n achar Aadi tum mujey bewaqoof bna rhey ho na?" Mano be yaqeeni se usey dekha
"O merey Khudaya! Me Pehley se bewaqoof logo'n ko bewaqoof nhi'n banata"
"Lala Aap ye dono'n rings pack karkey ke bill bna de'n" Aadi Mano ko ghussey se tapta chodh kar Siraj Khan ki tarf mutawajja hua
Sab kuch karney ke bad Aadi ko shop se bahir le aaya aur WO dono'n ghar ke lye nikal padey
"Ab phir tumhe'n koi dora pada hai Jo chup ka roza rakh lia hai?" Kafi dair tak jab Mano kuch na boli to Aadi tanz karney se apney Aap ko rok na saka
"Merey bolney ya na bolney se tumhe'n kya farq padta hai?" Mano us se kafi serious naraz thi
"Q Mujey q farq nhi'n padta after all tum meri Cousin ho hmara itna gehra rishta hai aur" Aadi ne Back view mirror me dekhtey hue bat adhoori chodh di
"Aur ?" Mano ne nasamjhi se poocha
Lekin Aadi ne koi jwab na dia
"Aadi ke Bachey ye Jo tum har bat me suspense paida kar detey ho kisi din is ki waja se tum merey hatho'n apna sir tudwa betho ge" Mano ne Aadi ko Jhanjhodh kar rakh dia
"Mano Khuda ka nam hai tum gir jao gi" Aadi ne buht mushkil se Bike sanbhali
"Me girti hu'n to gir jao'n tuhari bla se" Mano ne Aadi ko chodh dia
"Ab aisi dil todney wali bate'n to na karo" Aadi ne usey chaida
"Oh acha tumharey pas dil b hai mujey to aaj pta chala" Mano ne tanz kia
"Mano Ab bta b chuko ke tumhe'n kis cheez ka ghussa hai?"
"Mujey Ghussa tumharey us ghatya kisam ke suspense per hai"
"Yar Me ne koi suspense create nhi'n kia" Aadi ne sfai di
"Acha to phir ye btao ke Do rings q li'n?"
"Yar mujey nhi'n pata mujey to Ammi ne kaha tha ke Do rings le kar aao'n"
"Jhoot sarasar jhoot Badi Mummy ne ye kab kaha? Merey samney hi to sari bat hui thi agar aisi koi bat hoti to Mujey b sunai deti"
'' kya tum ye kehna chah rahi ho ke me jhoot bol rha hu'n?" Aadi ne Back view Mirror se Mano ke dekha
"Aur nhi'n to kya tum to ho hi sada ke jhootey jab b kisi bat ke barey me anjan bantey ho to us bat me tumhara hi koi na koi karnama nikalta hai"
Aadi Aik bar to Mano ki bat sun kar shocked reh WO waqai us ki tmam aaduto'n se waqif thi Ab b Sab kuch Jo Aagey honey ja rha tha WO b Aadi ke us adventure ki waja se tha Jo us ne Jabran aur Khan begum ke sath milker bnaya tha aur is barey me Mano ko kano'n kan khabar b nhi'n honey di halankey Mano ne usey roshandan se Khan begum ke kamrey ki jasoosi kartey hue hi charpai se giraya tha lekin WO Aadi se kuch uglwa nhi'n saki thi ye alehda bat thi ke Mano ki us ke sath Engagement us ne nhi'n chahi thi lekin us ne isey rokney ki koshish b nhi'n ki thi
"Ab aisey hi mujh per ilzam der ilzam na lgati jao btao aisi konsi bat hai jis se me anjan bna phirta hu'n aur WO darasal mera hi karnama hai?" Aadi ne b kamal dhtai ka saboot dia
"Acha Chalo purani bato'n per Matti dalo hum tumharey taza tareen karnamey ki bat kartey hai ye btao Dadi Jan eid waley din dining table se nashta kiye bghair q uth gai'n thi'n?" Mano ne Aik dam taak kar nishana lgaya
"Mmmmujey kya pta?" Aadi apni aadut ke mutabiq Aik dam se anjan ban gya
"Mujey Pehley hi pta tha yhi jwab aae ga lekin for your kind information me b wahi'n mojood thi aur tum ne Dadi Jan ke kan me kuch kaha tha jis ke bad Dadi Jan aur tum bghair Nashta kiye waha'n se uth gae the" Aadi buht Bura phansa tha
"Wwwwo wwo" Aadi se Ab koi bat nhi'n ban pa rahi thi
"Ab ye wwwo wwwo kya lga rakhi hai isi lye to me kehti hu'n ke har cheez tumhe'n pta hoti hai tum Mujey nhi'n btatey halankey Sab kehtey hai'n ke Mano aur Aadi ki Jodi Aik doosrey ke bghair kuch nhi'n karti"
"Kis ki jodi?"Aadi yaqeen na aaya
"Meri aur Tumhari" Mano bat ka matlab samjhey bghair bolti hai
"Kya meri aur Tumhari jodi hai?" Aadi ke hath jaisey koi buht mazedar cheez aai thi
"Wwo me ne to wwo kaha Jo log kehtey hai'n" Mano ko bat smajh aai ke WO kya keh gai hai to WO gadbda gai
"Log Jo b kehtey ho'n kya tum manti ho ke hmari jodi hai?" Aadi aaj us se kuch iqrar karwaney ke hi mood me tha
"Ye kaisa swal hua? Kya hum cousin nhi'n hai'n?"
"Mano me tum se cousin honey ke hwaley se bat nhi'n kar rha mera simple sa swal hai ke kya hmari jodi hai?"
"Ye kya fazool si bat tum le kar bheth gae ho" Mano ne bat bdalney y ki koshish ki
"Tumharey lye ye bat fazool ho sakti hai merey lye nhi'n" Aadi kisi tarha'n se b bat Janey deney ke mood me nhi'n tha
"Me ne kuch poocha tha?" Mano ki tarf se koi jwab na pa kar Aadi ne usey yad dehani karwai
Lekin Mano ki tarf se koi koi jwab na aaya
"Agar me kahu'n ke me logo'n ki bat manta hu'n aur sari zindagi yehi logo'n se suntey rehna chahta hu'n to?".
.
.
.
.
.
.
YOU ARE READING
Takrar se Ikrar Tak
RomanceAik larkey aur larki ki dastan jin ka Bachpan phir ladhkpan ladhtey jhghadtey guzra Ladhna jghadna aur nok jhok pta nh kab aur kaisey Muhabbt ke rang me rung gya unhey pta b na chala wo do no to kisi aur ko milaney nikley the Lekin in ko kya khbar...
