Takrar se Ikrar Tak

Part 39

"Hello Sabeeha kaha'n ho?" Safya-Khanum ke Mano ka jwab Shair-Alum-Khan ko btaney ke lye Janey ke foran bad Mano ne apni best friend ko call milai

"Bus Yar me Nuzhat, Iman, Arooj ko le kar abi aa rahi hu'n" Sabeeha Jo Apney lait honey per Pehley hi Mano ke khafgi bharey phone call ko expect kar rahi thi us ne jaldi se bat khatam ki

"Kha'n tum 4 bajey aa kar mera Hath btaney wali thi aur Ab 7 buj rhey hai'n nhi'n aana to na aao Ab meri shadi per hi direct aa Jana me yha'n kitni Preshan hu'n tumhe'n koi andaza b hai? " Mano ko us per shadeed ghussa aa rha tha qk usey is waqt Sabeeha ki shadeed kami mehsoos ho rahi thi

" Cool Down Mano q itna ghussa ho rahi hai abi to Sirf Aapi ki Engagement ho rahi hai aur wo super man Aadi Jo hai tmam kam karney ke lye tum q Preshan ho rahi ho jab Tumhari bari aae gi to me Aik maheena Pehley hi waha'n dera lga lu'n gi" Sabeeha ne apni tarf se Mano ka ghussa kam karney ki koshish ki

"Khak tum dera lgao gi Meri engagement per to
tum  waqt per aa nhi'n paa  rahi" Mano ki zuban phisal gai

"Wait wait kya kaha tum ne engagement aur wo b Tumhari? Kab?
Kis se?
Kaisey?
Mano ki bachi agar ye bat such hui to me tumhe'n choru'n gi nhi'n me abi aa rahi hu'n" Is se Pehley ke Mano koi jwab deti Sabeeha ne call kat di

"Sabeeha, Hello meri bat Aik to ye b na Ab mera sir khae gi" Mano ne preshani se ser per hath phaira

"Pta nhi'n Aadi kaisa react karey ga jab usey pta chaley ga aur Mishal aur Mumani? Wo to Pehley hi kya kya bolti rehti hai'n" Mano ne dil me socha

Mano jitna Soch rahi thi itna hi Preshan ho rahi thi

"Mano, Mano" Sabeeha ne Noor-Alum-Khan ke portion me dakhil hotey hi buland awaz se pukarna shuru kar dia

Sab log nae aaney walo'n ko herangi se dekhney lagey

"Sabeeha kya hua itney ghussey me q ho?" Mahzaib ne ghussey ke marey surkh chehra kiye hue Sabeeha ko mukhatib kia

"Aapi Mano kaha'n hai aaj me usey choru'n gi nhi'n" Sabeeha ne muthia'n peenchtey hue poocha

"Sabeeha cool down aram se Sans lo" Mahzaib ke ishara karney per Sabeeha ko Mahzaib ke pas bitha dia gya

"Mano Badey Papa ki tarf hai tum Pehley kuch thanda pee lo phir us se mil lena" Mahzaib ne Sabeeha ko ram karney ki koshish ki

"Ab to me us ka khoon hi peu'n itni Badi bat us ne mujh se chupai me usey Choru'n gi nhi'n" Sabeeha uth kar Shair-Alum-Khan ke portion ki tarf chal di

"Hue Jo tum dost jis ke"

"Dushman uska asma'n q ho"

Sabeeha mithai ki tokri ko Darust karti Mano ke sir per ja khadi hui

"Ghunni! meesni!, ye hi reh gai thi hmari dosti me tumhe'n apni Aik Aik bat btau'n aur tum mujh se har bat chupao yha'n tak ke engage ho rahi hai aur mujey is ki bhanak tak na lagney di" Sabeeha ka bus nhi'n chal raha tha warna wo Mano ko kuch kar deti

"Sabeeha meri Jan bat to suno" Mano ne Sabeeha ko aaj se Pehley kabi itney ghussa me nhi'n dekha tha

"Mar gai Sabeeha aaj se aur abi se na me aaj ke bad tum se koi contact rakhu'n gi aur na hi tumhe'n apni shakal Dikhau'n gi"
Ghussey se bhari Sabeeha ki awaz aansoo'n ki waja se rund gai

"Ye kya pagal pun hai Yar?" Mano ne Sabeeha ka hath pakarna chaha wo kaha'n us ka Rona bardasht kar sakti thi

"Hath mat lagana mujey dhokey baz Aik me bewaqoof apna khaya piya tak tum se share karti hu'n aur tum shadi karwa rahi ho aur mujey is ki hawa b  lagney nhi'n di" Sabeeha Mano ki koi bat sunney ko tyar hi na thi uska bus nhi'n chal raha ke wo Mano ko ya khud ko kuch kar betthti

"Yar betho to sahi meri bat suno" Mano ne buhat mushkil se Sabeeha ko Apney sath bithaya

"Kasam se Yar mujh se b abi poocha gya hai Sab se Pehley me ne tumhe'n call ki hai" Mano ne safai di

"Jhoot sfaid jhoot ye ho hi nhi'n sakta ke itna bada faisla tum aisey achanuk le lo, Aik suit, shoes ya bag leney nikalti ho to Multan tak tumhe'n Aik bar me koi cheez psand nhi'n aati me ye man hi nhi'n sakti aur Chalo me Tumhari bat man b leti hu'n to ye btao ke wo konsa aisa khawabo'n ka shehzada tha jis ks achanuk nam lia gya aur hmari betab shehzadi Mahnoor sahiba jisey kal tak shadi wagera ke nam se b allergy thi us ne jhut se bina sochey samjhey ha'n kar di?" Sabeeha muaf karney ko bilkul tyar na thi

" Allah Allah Ab me tumhe'n kaisey yaqeen dilau'n? Ye sab kuch itna achanuk hua ke mujey kuch sochney ka moka hi nhi'n mila'' Mano ne bebasi se usey dekha

"Ye Aadi ka bacha mujey nazar aa jae me usey b choru'n gi nhi'n mera sir khata rehta hai Sister Mano theek to hai? Sister Mano aaj University aai? Sister Mano ko University me koi problem to nhi'n? Sister Mano ko koi tang to nhi'n karta? Aur jab me us se kehti ke Mano se khud pooch lo to kehta Ye Mera aur Aap ka hum Behan Bhai ka secret hai Aap usey nhi'n btai'n gi me usey Sab kuch btao'n aur wo mujh se bate'n chupae" Abi Sabeeha kuch aur b kehti lekin usey danto'n ke neechey apni zuban leni Pari qk us ne ghussey me apna aur Aadi ka secret khol dia tha

"Ye kab ki bat hai?aur Ghuddar tum kab se Aadi ke lye meri jasoosi kar rahi thi'n?" Ab Ghussa karney ki bari Mano ki thi

"Ye koi jasoosi nhi'n hai bus Aadi Tumhari fiqar thi is lye to wo mujh se Multan me honey ke bawajood tumhari itni fiqar karta tha?" Sabeeha ne sfai deney ki koshish ki

"Ye meri bat ka jwab nhi'n hai seedhi tarha'n btao tum meri kab se jasoosi kar rahi thi?" Mano ki sui atak gai thi

"Me bhala Tumhari jasoosi q karney lagi and you know what! tumhara sab se bada masla kya hai tum har cheez ko ulta le jati ho aur haqeeqat Janey bghair hi khud hi andazey lgati aur khud hi faisla sunati ho" Sabeeha Jo Pehley hi us se khafa thi us ne aaj zindagi me pehli bar usey aaina dikhaya

"Sabeeha Ab tum wrong track per ja rahi ho" Mano sir se pao'n tak ghussey se kanp rahi thi

"Konsa wrong track? Ab tum hi btao university ke first semester me jab seniors ki raging ki waja se hum sab university chodhney ko tyar the aur tum kisi ko kuch btae bghair ghar me bemari ka bahana bna  kar beth gai'n thi us waqt kis ne tumhe'n university Janey ke lye tyar kia tha?" Sabeeha ne  2 sal purani bat Mano ko yad karwai

Mano ne koi jwab deney ki bjae sirf ghoorney per hi iktafa kia

"Chalo chodho ye btao ke tumharey university join karney ke bad senior group Jo sab juniors ki Jan ko aaya hota tha wo tumhe'n aur hmarey group ko dekhtey hi rasta q Badal leta tha?"
Sabeeha ne phir swal kia

"Acha ye btao ke mid exam tak bamushkal ham sab ne Aik hafta b apni classes nhi'n le'n aur hmarey Janey tak kai assignments aur presentations b guzar chuki thi'n to phir hmarey sab group ke khas kar tumharey itney achey number kaisey lag gae? kuch yad aaya?"

"Mujey kya maloom tumhari hi meharbani thi aur tumharey pas se hi mid ke tmam question papers mil gae the mujey sab yad hai tum ye Apney sarey ehsan ginwa kar merey swal ko divert nhi'n kar sakti" Mano ki sui Ab wahi'n atki hui thi

"Tumhara kuch nhi'n ho sakta ye Jo sab kuch me ne abi tumhe'n yad karwaya hai  in me se kuch b me ne nhi'n kia" Sabeeha ne usey ghoortey hue kaha

"Ab tum kya ye bat ko idhar udar ghuma rahi ho tum ne ye sab kuch nhi'n kia to ye sab kis ne kiya?" Mano ka Ab sir sach me ghoom raha tha

"Ye sab kuch Aadi ne kia tha?" Sabeeha ne Mano ke Sir per bomb phoda

"Unbelievable ye ho hi nhi'n sakta un dino'n to  bhawalpur me FSc kar raha tha wo to Yaha'n tha hi nahi'n aur agar me Tumhari bat man b lu'n to ye btao ke Aik college student ka university se kya connection ho sakta hai? aur wo b tab jab wo shehar me hi nhi'n tha" .
.

.
.
.