She's Complicated (GL) [HSS #1, Completed]

Chapter 30

Like a Couple

--

Pagkarating namin sa bahay ay kaagad kaming sinalubong ni Mama pati na rin ni Timmy. Automatic naman na napangiti ako ng malaki. Ilang months ko rin silang hindi nakita.

"Ate!" Isang yakap agad ang sinalubong sa akin ng bunso kong kapatid samantalang ngiti naman ang nanggaling kay Mama ko.

"Ate!" Tawag niya ulit sa akin na ikinatawa ko. Hyper talaga!

Lumuhod ako para maging kapantay ko siya bago halikan ang chubby cheeks nito. Narinig ko naman ang cute at matinis na hagikhik ng batang nakayapos na ngayon sa leeg ko.

Binuhat ko siya kahit medyo may kabigatan na. "I missed you, Baby."

"I missed you, too! Miss you, miss you!"

"Ginabi na kayo," Komento ni Mama sabay tingin sa babaeng katabi ko. "Halika, pasok na tayo." Anyaya nito na hindi nawawala ang ngiti sa labi.

Kahit buhat si Timmy ay nagawa ko pa ring mahawakan sa kamay si South na hindi naman na kumontra. Medyo nag-aalala na nga ako kasi parang ang tamlay na niya, kitang-kita rin yung pamumutla nito. "South, okay ka lang ba?"

Tumango siya at hindi na sumagot habang hinahayaan lang akong hilahin siya.

"Ate, ate," Bulong ni Timmy sa tainga ko. "Sino siya? Para po siyang doll."

"Later, Baby, ha?" Sagot ko bago halikan ang pisngi niya. "Papakilala ko siya sa'yo."

"Owki..."

Sa malawak na living room kami hinatid ng sariling mga paa matapos sundan si Mama. Feeling ko nag-time travel ako nang ilibot ko ang tingin sa kabuoan ng lugar. Nandito kasi lahat ng memories namin ng family ko.

Ang tagal na rin pala...

"Dito lang kayo, ipapahatid ko yung mga pagkain. Gutom ba kayo?" Tanong ni Mama.

"Ako po, Ma, kakain ako. Kayo po ba nagluto?" Matamis na ngiti at isang pagtango naman ang sagot niya kaya napa-celebrate ako sa loob-loob ko. Ang tagal ko rin kayang hindi natikman luto niya! "Yey!" Ibinaba ko muna si Timmy sa sofa bago tingnan si South. "Ikaw, kakain ka?"

"Hm-mm." Maikling tugon ni Bata. Medyo natuwa ako kasi kahit papaano ay responsive siya.

"Mabuti naman." Masayang turan naman ni Mama bago tumalikod at maglakad.

Pinaupo ko si South. Umupo ako sa pagitan nila ni Timmy. Kaagad namang yumapos si bunso sa'kin. "Ate! Ate!"

"Yes po, Timmy?"

"Pakilala mo na ako!" Ungot niya na ikinatawa ko.

Tumingin ako kay South. Napansin kong nakatitig rin siya sa kapatid ko pero wala namang kababakasan ng expression yung mukha niya. "Hello."

Medyo kinilabutan ako sa pagkakabati niya sa kapatid ko. Ang lamig! Grabe talaga 'tong batang ito, walang pinapalagpas. Pero at least, siya ang unang um-approach.

"Hi!" Masiglang bati ni Timmy at talagang halos pumuwesto na sa lap ko kakalapit kay South. Iniabot pa niya ang kamay sa katabi ko. "Timmy name ko! Ikaw po?"

"South."

"South? You look like a doll po, Ate South." Puna naman ni Timmy.

Hindi ko tuloy mapigilang obserbahan siya. Totoo nga. Blue rin kasi ang mata niya, eh.

"Talaga ba?"

Medyo nanibago ako nang biglang ngumiti si South. Hindi yung mapang-asar kung hindi iyong genuine talaga. Parang nagmukha siyang maamong tupa. Wait. Mahilig ba siya sa bata?