العجوز والقبيحة

مقدمة

#العجوز_و_القبيحة
#مقدمة

اول ما ينولد الانسان ناس هواية تجيب هدايا الة ولاهلة بس اول هدية يحصل عليها بالحقيقة هي والدة ووالدتة خاصة لما يكونون حنونين ومحبين الة ولاخواتة
يمكن الاغلب حيكول لا مو كل اب وام وهالشي صح بس محد يعرف قيمة الاب والام الا اللي فقدهم او اللي عاش حياتة طول وعرض ونساهم وما اهتم بيهم ولا مرة ومن انتبه واحتاج لوجودهم ما لكاهم

هواية احاديث وايات ومقتبسات وكتب و نصائح تحجي عن الاب وعن الام بالخصوص
الام اللي ما يجي مكانها وحدة ثانية لا اخت لا حبيبة لا صديقة لا زوجة ولا اي امرأة بالكون ممكن تنطي حنية من كلبها او تحبنا مثل ما احنا
بشكلنا بأخطاءنا بغضبنا بقسوتنا بكل مساوءنا ..

شفت هواية من البنات والشباب خاصة من هالجيل والوقت الحالي ما يكدرون يتواصلون ويا اهلهم بسبب قلة التفاهم بين الطرفين يا اما الاهل ميكدرون يستوعبون الابناء وينزلون لمستوى تفكيرهم او الابناء من الصعب يفهمون ويحسون بمعاناة الاهل بتربيتهم ..

ع العموم الانسان ما انخلق اب وام اقصد من انخلق سيدنا ادم وامنا حواء لهذا ما يكدر يحس بمشاعرهم وخوفهم وحزنهم و تفكيرهم بينا الا بعد ما يكونون هم بموقعهم وبمكانهم

مراح اطول اكثر عليكم بس اتمنى من كل شخص يقرة هالقصة يراجع تصرفاتة ويا امة وابو
ويحاول كد ما يكدر يحتويهم وما يهملهم ويبر بيهم مهما كان حجم اخطاءهم ويانا لان اكيد مراح تكون مقصودة منهم ...

Shahd Alsalman