العجوز والقبيحة

27

#العجوز_والقبيحة27
Shahd Alsalman
فتحت الشاش عن وجهي و بعد خلص سلمت امري لله هو يحل كل شي بقت ايدي لازم اروح مستشفى
من طلعت لحد ما وصلت المستشفى والعالم عيونها علية لان شكلي غريب ويمكن مخيف بالنسبة الهم حتى سمعت وحدة من البنات جانو يمشون وراية تكللها للي يمها اوي هاي شكد قبيحة الله يعينها ضحكت بداخلي العالم ما يحسون بالمقابل ولا يفهمون قصة اي انسان يحكمون علي بدون سبب ويهمهم بس الظاهر من دون ما يتعمقون بالموضوع .

دخلت حتى اشوف دكتور وكصيت باص بس جان بعدة مجاي كعدت بالانتظار واراقب الناس و الاطباء حنيت لشغلي وتمنيت ارجع مرة ثانية وفكرت احاول اروح وارجع مرة لوخ حتى ما ابقى بالبيت وهمين محتاجة مصاريف
- العفو محتاجة شي ؟
- نعم !
- مريت كم مرة منا وشفتج صارلج فترة تنتظرين
- ها اي مو عندي حجز لدكتور وماكو يكولون يطول
- شو اشوف
انطيتة الوصل وشافة
- تفضلي وياية
- بس والدكتور خاف يجي
- هههههههه زين انت ششايفة اني شنو لابس
- ههههههه اسفة
- يلة تفضلي لان اليوم حيطول وما دام ما عندي مراجعين خليني اشوفج اني
-اشكرك
اخذني وياه الغرفة وكعدت كدامة وبلش يسألني ويفحصني والظاهر جان فاهم كلش
كتبلي على علاجات وخلطات علمود ايدي ووجهي كال لازم يطيب تماما يالا نكدر نقرر شنو تحتاجين
وكتبلي على موعد الاسبوع الجاي
قريت اسمة مكتوب على جيب ملابسة اسمة د. اسد

رجعت للبيت واتصلت بنادين علمود الشغل وكالت راح احاول ارجعج بس يحتاج وقت لان ما عدهم شاغر حاليا
سويت غدا ورحت دا اغسل ايدي بالحمام وشفت وجهي بالمراية كلت بداخلي حتى لو اكو مكان للشغل مراح يخلوني اشتغل اكيد نزلت دموعي بلا وعي مني وانتبهت على الكلادة اللابستها اتذكرت الحجية برغم كل المريت بس لا انكطعت ولا وكعت مني
يا ترى وين هسة الحجية وشدسوي طيبة ميتة الله يحفظها وين متكون اتمنى ادورها بس ما ادري منين ابلش ..

اجة ساري واستقبلتة وحجيتلة على الادوية وكال اني اجيبها الج وهو هم حجالي على نظام الشغل اللي سواه بالحاسبة وطلب مني اساعدة بادخال البيانات
و سولفلي على جمانة المبرمجة بس ما اعرف احس من طريقة كلامة هي عاجبتة
ابتسمتلة وهو ضحك عرف بية كبستة واتاكدت هو ميال الها
بعدها طلعلي فايلات وكالي دخليهم باسم المستشفى
والبقية باسم دار المسنين
بلشت بيهن وجنت متونسة شوية اغير جو  والتهي

اجة اتصال لساري جان صديقة وكال حيجيني على عشا واريد منج سفرة مرتبة كمت ابلش تحضيرات العشا على الحلو على العصاير لان اللي فهمتة من ساري هو صديقة الروح بالروح و ما قصرت بشي .

صارت ب 7 ونص تقريبا هيج واجة اني مطلعت استحيت بس ساري اللي استقبلة من شفتة عرفت بي هو نفس الطبيب الي عالجني
طلعت وسلمت واستغرب ساري من معرفتي بي
اسد حجالة عاد ع المعالجة
شون صدفة جمعتنا وصدك لو كالو الدنيا صغيرة
صبيت العشا واكلنا سوة بس احس بنظرات اسد الي غير شكل يمكن ضايج من شكلي ويمكن مديتخيل اني نفسي اكون اخت صديقة ما اعرف ...

عزمت نفسي على عشا ببيت ساري واخذت وياية هدية لان ما باركتلهم ع البيت الصدفة الحلوة جانت انه المريضة اللي عالجتها الصبح جانت هي نفسها اخت ساري
واكول عنها صدفة حلوة لان حسيت بانجذاب الها برغم وجهها صاير خريطة ومجرح ومتصوبة بس اللي جذبني عيونها ونبرة صوتها واسلوبها الهادىء ويمكن اكثر من هيج ما اعرف بصراحة
من كعدنا ناكل شفتها شكد وجههة يضحك برغم كل المرت بي وكل العانتة وساري حيل يحبها وهي مداريتة حتى بيتهم دافي وبي جو العائلة كلش مريح والاكل جان يخبل معناها نفسها طيبة جدا
باوعت اكثر من مرة لعيونها بيها شي يسحر وياخذني لغير مكان

اذا هسة اسولف لاحد حيكول انت مخبل معجب بوحدة هيج شكلها بس طبعا حقهم لان الناس سطحيين ما عدهم احساس بداوخل البشر اني بطبعي وبية شغلة دائما ما انتبه لشكل الناس الخارجي من اول حجاية واول ضحكة او كلمة اعرفة نظيف وطيب او العكس فنظرتي مستحيل تخيب بخصوصها

خلصنا عشا وتركتنا هي كالت اخذو راحتكم وبلشت احجي ويا ساري علمود عملية التجميل لاختة بلسم
واتفقنا على هالموضوع بس لانه اذا انترك هيج ممكن صحيا يأثر عليها ونفسيا لهذا ننتظر تطيب كليا ونبلش اجراءات التجميل ..

دخلت جوة كلت اكمل بيانات المرضى وكملت مال مستشفى وبلشت بدار المسنين اول اسمين وصاحني ساري لان دكتور اسد حيروح ودعناه وراح الله وياه
واني هم لميت السفرة وغسلت المواعين ولملمت البيت وطبيت نمت وباقي الاسماء كملهم ساري ...