العجوز والقبيحة

24

#العجوز_والقبيحة24
Shahd Alsalman
شفت بلسم ملفوف راسها ووجهها وايدها وكوة واكفة على حيلها مبين التعب على هيئتها حضنتها وبجيت
ومن حجتلي على حالها لمت نفسي اللي تركت كل شي وصدكت انه هم بخير بسبب كلامها ما رجعت ولا رحت ادور اهلي ولا وكفت وياها بهالمحنة ولا ادري اصلا عن شي

حتى طلاكها تفاجئت خلال هالمدة تصير كل هالاحداث بعد متحملت رجعت للشقة ورحت ابجي لوحدي واندب مثل النسوان ؛
اعرفها طول عمرها قوية وتضغط على نفسها وتتصرف صح وتفكر بالكل الا بنفسها ما يهمها الوجع اللي تحس بي المهم المقابل ما يتأذى
وهالطبع كلش اكرهة بيها لان حيل تجور على روحها ..

رجعت من الدوام من وكت مجان عندي هواية معاينات كلت ارجع للبيت وارتاح فتحت للباب واسمع صوت ساري يبجي بحركة
ركضت علي وسالتة ميجاوب الظاهر صاير شي وياه الله اليستر حاولت افهم منة بس مجاوبني خليتة على راحتة وطلعت سويتلة ليمون وشكر حتة بلكي يهدى مقبل يشرب جبرتة كوة ورة شوية هدأ وسكت؛

سولفلي على اختة وعلى وضعهم اني هم انصدمت معقولة اكو هيج مرية وبنية تتحمل هلكد كل هالسنين ولوحدها بس علمود لا اخوها يخسر  دراستة ولا اختهم الثانية تتاثر ومتكدر تكمل حياتها برة
والمصيبة الاكبر واجهت خطر داعش وهسة هي متصوبة ..

نام جان محتاج للراحة كمية الاخبار اللي سمعها جانت ثكيلة كلش اني من يمي تعبت مو عاد هو
دكتلي جمانة وكالت اللاب توب خلصتة ودتدك على ساري بس مدتحصلة كتلها اكلة وهو يدكلج وسديت التلفون
تقريبا بعد 5 ساعات هيج كعدتة من النوم حتى ياكل لكمة يسند روحة بيها الحمدلله مشلع كلبي اكل شي بسيط وطلع يمكن راح لاختة
واني نسيت اكلة عن اتصال جمانة وما اخذ تلفونة وياه ..

رحت لاختي مرة لوخ اريد اكون يمها من صدمتي تركتها ورجعت للبيت بس خلص مراح اعوفها بعد ولا اخليها تعيش وحدها حكون سندها واخليها ترتاح من الهموم الشايلتها

- السلام عليكم
- عليكم السلام هلا اخويا تفضل
- هلا بيج دنزاحمكم اختي
- لا بالعكس انت اخو الغالية تفضل استريح هسة اصيحلك بلسم

راحت صاحت بلسم واجتني هي وياها

- هلو ساري
- هلا بيج روحي انت

حضنتها وبوست ايديها وكعدتها يمي

- شلون صرت
- اني بخير الحمدلله ما بية شي
احجيلي انت رحتي للمستشفى
- اي نادين ودتني
- رحم الله والديج خويا تعبناج والله
- لا تحجون هيج بلسم اني خما غريبة عنج
- بالعكس والله اخت واعز من الاخت الله لا يحرمني منج
- ولا منج شتشربون ؟
- اني ما اريد
- ولا اني
- اعوفكم لعد على راحتكم من رخصتكم
- مشكورة
- بلسم احجيلي الصدك اكو احد مس شعرة منج هناك
- لا والله ساري ما لحكو كتلك صارت مواجهات وتحررت منهم والوياية ماتن
- زين خليني افتح الشاش اريد اشوف الاصابة
- ماشي

فتحت الشاش وشفت وجهها يادوب باقي ملامح وجه متشوهة كلش وجرحها عميق يعني مستقبلا من ينشف راح تكون مشوهة
فتحت جرح ايديها هاي بعد متأذية اكثر من وجهها حسيت بيها دتبجي رفعت راسي وباوعت عليها

- ليش تبجين بلسمتي
- تشوهت مو ؟
- باعي حبيبي انت جرحج واصابتج شوية تاخذ وقت اريدج قوية وتاخذين الموضوع بهداوة
وتتقبلين اللي حتشوفي حتى نكدر نعالجة
- لا تحجي وياية وكأنو ما اعرف
خلص الحمدلله على كل شي خليني اشوف قبل لا تلفة

رحت شفت نفسي بالمراية اعرف اني تشوهت بس مو لهاي الدرجة وجهي متكطع تكطع يادوب عيوني ملامحي بمكانهم والباقي جروح ودا اتخيلها من تطيب شون يصير بيها اثر
حمدت الله وشكرتة على كل شي شديت الشاش وطلعت لساري جان متخيل راح انهار وانصدم بس صار العكس
ظ
اتفقنا نأجر شقة ونعيش سوة بس هالايام حكضيها ويا نادين لحد ما شوية اتعافى وهو يلكى بيت ..

حجيت لأسد على موضوع البيت وكتلة اريد اطلع حتى اعيش اني واختي ودورنا اني وهو لكينا شقة بعد 3 ايام شوية بعيدة عن شقة اسد بس بنفس المنطقة
الحمدلله رتبناها وجبنا كم غرض ناقصها
وطبعا اخذت اجازة من المستشفى لان ما اكدر اداوم وعندي التزامات وحتى جمانة نسيت ارجع ادكلها التهيت كلش

رحت جبت اختي واستقرينا بشقتنا الجديدة على امل انه نلكى اثر لاهلي اما اختي  وداد استمرينا بالكذبة اني وبلسم عليها لان اذا عرفت راح تنهار اكيد وهي بغربة كمت اعذر بلسم على السوتة  المسؤولية مو هينة وصعبة ...