العجوز والقبيحة

6

#العجوز_والقبيحة6
Shahd Alsalman
خلصنا صلاة وبعد ما اصبر اريد اعرف الباقي من قصتها وافتهم ليش هيج صار اذا هم يحبون اولادهم بهاي الطريقة وكل شي يسعدهم قدمو الة ولاخو

- خالة الج واهس نكمل
- كيفج يوم خاف ضجتي
- لا بالعكس والله
- اي صار عرسة و استقر ويا عروستة والبنية ماكو احسن منها معدلة ونظيفة وحبابة وخلوقة شكد تمنيت تصير عندي بنية بس عبالك الله عوضني بيها وصارت بنتي الما خلفتها
مدارية رجلها ومدرايتنا وخطية شنكللها تكول صار
- كلش زين
- اي بس الزين ما يبقى
- شنو قصدج خالة
- ابني صارت معاملتة الها مو زينة وثاري من البداية مجان يعاملها زين بس هي تسكت وتتحمل ومتحجي
- ليش مو هو يحبها
- اي يحبها وهي لان تحبة سكتت بس اصدقاء السوء اللي جان ابو يحذرة منهم هواية وما يقبل عليهم هو مجلب بيهم جرو لغير درب وصار غير صادق النعرفة تبدل مو هو ابني الربيتة وكسرت ظهري علي
- شسوة خالة
- شنو الما سواه سكر كام يسكر عاف الصلاة همل بيتة علاقات اشكال الوان غير الطمع وجر الفلوس حتى شغلة هملة خو بنت الناس دمرها جانت وردة مفتحة وذبلها وخلانة بوجه الاسود كدام اهلها
- هاي ليش هيج
- مو كتلج اصدقاء سوء
- زين شسوة بمرتة
- احنا ما جنا ندري شيصير بينهم هو يطب متاخر منشوفة وهي ساكتة متحجي بس انتبهت عليها كئيبة وتعبانة مو مثل قبل خاصة اخر فترة حاولت افتهم منها بس ما نطت برجلها
فد يوم بالليل جنا كاعدين اني وابو صادق و اسد دنتعلل ونسولف سمعنا صوت صيااح جمانة
- جمانة مرت ابنج
- اي اسمها جمانة
تصيح بس صياح مال وحدة موجوعة طبينا للبيت اسد راح قبلنا وفتنا وراه شفنا صادق لازمها من شعرها ونازل ضرب بيها وهي تتوسل يعوفها صعد اسد علي حتى يخلصها من ايدي جرة منها وهو يسب ويغلط عليها وهي تبجي
- يا عيني شنو السبب
- بوكتها ما افتهمنا بس بعدين عرفنا هي لاكفتة ويا وحدة و من مواجهتة لازمهة وكاتلها وعرفنا بعدين هاي مو اول مرة يكتلها ولا اول مرة تلزم علي شي وجم مرة حاولت وياه حتى يترك اصدقاءة
- بس هذا حقها
- يمة هو ما يفتهم الشرب طيرلة عقلة وخلاه غير انسان
- استغفر الله زين وبعدين
- بعدين من وخرها اسد منة هي دتكوم بس ما بيها حيل وكعت من الدرج شالها صادق وديناها للمستشفى ثاريها جانت حامل بس صار عدها نزيف ومات الطفل
- لا اله الا الله
- درو اهلها صارت مشكلة جبيرة و هي بعد طلبت منة يعوفها ترتاح ببيت اهلها بس هو ما انتظر وطلكها
- لااا صدك!!
-اني وابو كمنا منحجي وياه وزعلنا منة وشكد حاولنا نرجعها الة بس لا هو يقبل ولا هي ترضى وحقها ما الومها
ماكو شهر وراد يتزوج وحتى اسد كالة شنو انت مخطط ومكمل وجاي تبلغنا تلاغة هو واخو لان يكلة جمانة ماكو احسن منها والي تريدهة مو خوش بنية وهو قافل عاد احنا حتى لا نخسرة رضينا بيها غصبا علينا لان كام لا يسلم لا يحجي ويانة لا ياكل لا ينام بالبيت
- يعني ضغط عليكم بهاي التصرفات
- اي هو لازمنا من ايد التوجعنا لان نحبة
- زين البنية الثانية شنو وضعها
- الله يستر عليها و على امة محمد مو خوش وحدة العكس مال جمانة من كل شي اخلاق لبس اهل شرف لسان كل شي سبحان الله
واليقهر هو صادق على امر لسانها شتكول يكللها صار
- وذيج المكرودة هي الاكلتها
- اي يا يمة كل ما احجي بيها ينمرد عليها كلبي الله يسعدها وين مجانت مرات اكول احنا جنينا عليها
بس الحجي يكول هاي نصيبهم هيج ومكتوبلهم واحنا ما جبرنا احد هم واحد اختار اللاخ
وقسمتهم يعيشون هيج حياة ويتغير عليها صادق
يعني ما بيدنا شي عليها ولو جانت بنتنا همين منرضالها ترجع لهيج واحد دمرها واذاها حتى لو هي رادت ..