العجوز والقبيحة

12

#العجوز_والقبيحة12
Shahd Alsalman
قبل3 سنوات ...

- حبيبتي اليوم اسعد يوم بحياتي
- هههههه واني هم فرحانة كلش صرت خطيبي مدا اصدك
- الحمدلله الله يخليج الي
- اريد اكلك شي
- كولي بشبشتي
- اني خايفة شوية
- من شنو ؟
- يعني تدري راح اعوف اهلي هنا واجي لبغداد وابقى لوحدي حاستها صعبة
- وحدج ! لعد اني وين رحت
- مو هيج قصدي بس اذا اشتاقيتلهم شلون وانت طول وكتك حتكضي بالشغل
- حبيبي احنا مو اتفقنا انه اسبوع تبقين عند اهلج من كل شهر يعني يرضيج تعوفيني اشتاقلج!
بعدين اني كل جمعة ان شاء الله وعطلة اطلعج هم نغير جو وهم نتونس
- الله لا يحرمني منك
- ولا منج يلة كافي مو وكت حزاينية وخوف اليوم حلو وما يتكرر خلينا بفرحتنا
- زين ههههه
- كوليلي حبيبي
- اممممم استحي
- دكولي بداعتي
- حبيبي
- يمممممة فدوة راحلج
- ههههههه اسم الله عليك
- باعي كلبي خلينا منطول خطبتنا اول ما الكى شقة ناخذها و نتزوج شكلتي
- بكيفك بس الله يسهل وما عندي شي اني جاهزة

....

- اختي
يا بنية
اختي بيج شي ؟
- العفو منتبهت جنت صافنة
- خاف بيج شي ؟
- لا لا بس شوية صفنت
- هذا طلبج الف عافية نورتونا
- شكرا الله يعافيك

اخذت الاكل وكعدت يم خالة هي تاكل وتباوعلي واني دا اكلب بالاكل بعدني بصفنتي اللي كطعها ابو المطعم من جنت انتظر الطلبية

باوعت لخالة صافنة علية وعيونها مليانة اسئلة
ابتسمتلها وبلشت اكل
لكمتين وعفت الاكل مدا اكدر اكملة

- ليش مدتاكلين ؟
- ممشتهية
- ليش يمة مو كلتي جوعانة ومشتهية هالاكلة !
- اي بس شو شبعت
- انت مشبعتي انت انسدت نفسج من هذاك السلم عليج
- يجوز
- ولو دا اتدخل اني بس منو هذا
- ....
- اسفة يمة مو قصدي اضوجج بالسؤال بس لان وجهج انكلب و ضجتي كلش
- لا امي عادي مو مشكلة
انت خلصتي اكل ؟
- اي الحمدلله
- اطلبلج شي بعد ؟
- لا حبيبتي خير من الله الله يزيدج يا رب
- الف عافية امي
لعد نكوم نروح
- اي يلة براحتج

جان كاعد كبالي وكل شوية يباوعلي هو وياها و بس اريد اطلع حيل اختنكت
طلعنا من المول واخذت تكسي للبيت اتفرج من الجامة ع الشارع والناس بس بالي مو يمهم
وصلنا وفتت كبل لغرفتي لفيت راسي ونمت
من اتضايق احس بس اريد انام كلش اتعب وجسمي احسة منحل و غفيت وكضيتها كوابيس و احلام محلوة ابجي بنومي ..

حسيت على صوت الباب ينفتح وجانت خالة فايتة يمي فتحت الضوة وشافتني ابجي اجتي كعدت وتمسح على راسي ملهوفة وخايفة علية وتسالني على سبب البجي مجاوبتها وبقيت حاضنتها وابجي وهي تقرة على راسي
شوية وهديت وخرت ومسحت دموعي

- ارتاحيتي هسة
- اي اسفة امي خوفتج
- شبيج بعد امج كليلي شنو مضوجج هيج
- ما بية لا تشغلين بالج
- هالبجي والقهر بسبب ذاك مو ؟
- اي
- شبي وياج منين تعرفي ؟
- زوجي اقصد طليقي
- انت مطلقة ؟
- اي
- هذا مخبل لو عاقل يطلك وحدة مثلج
- عادي شنو اللي يخلي ميطلكني
- يا يمة بس طيبة كلبج تكفي ولو اني احجي علي وهو ابني اضرب منة مدري ششاف باللي اخذها وعاف جمانة بدل غزلانة بقرود
- هههههههههه
- فدوة لضحكتج اضحكي يمة لا تغثين روحج العافج هو الخسران كومي يلة غسلي وجهج حتى اسويلج لكمة تاكلين ما اكلتي شي
- ما اشتهي لا تعبين نفسج
- ولا كلمة يلا ما اسمع اعتراض
- صار امي
- شون حلوة تطلع من حلكج الله يسعدج دنيا واخرة يا رب
- اجمعين حبيبتي

كمت غسلت وجهي وبدلت هدومي ورحت يمها مسويتلي شوربة طيبة كعدت و دا اكل وهي هم اكلت شوي وياية
وتاكدت مدتاكل مالح ودتحجيلي على القطع الاشتريناها وتمدح بذوقي

- تدرين جانت جمانة شكد ذواقة مثلج من تختار شي
- ليش هي جانت تطلع وياج؟
- اي خطية بس اكللها محتاجة فلان شي كبل تكول اوديج ونروح
- الله يعوضها خير
- ويعوضج باللي يستاهلج
- ما اريد احد ولا اريد عوض هيج لوحدي احسن وكل الاريدة الكى اهلي ويهدى بالي عليهم
- ان شاء الله تلكيهم يا رب و يريح كلبج
بس يمة لا تسدين باب كلبج ولا تظلمين بختج الدنيا مواكفة على احد واذا راح واحد يجي الف بمكانة ومو نهاية الدنيا
- خالة هذا الحجي مو الي اني جربت واخذت نصيبي من هالتجربة ...