العجوز والقبيحة

29

#العجوز_والقبيحة29
Shahd Alsalman
صفيت لوحدي وخسرت كل شي وكامو الديانة يهددون بية اخذت ابني ورحت على كوثر حتى تبقي يمها ردت بس انهزم منهم
فتحت الباب وشفتها لابسة روب ومتمكيجة بس اكو احد يمها الظاهر بالاول تخيلت صديقاتها لكن خوفها وتوترها خلاني اشك دخلت ودفعتها لكيت واحد يمها بغرفة النوم ومتغطي سحبت الروب منها مجانت لابسة شي !!

دتخوني وبالبيت الجبتة الها كمت اربط كل الحجي والاحداث وكلام امي واخوية من جانو يكلولي تطلع او جانت طالعة ومجنت اصدكهم طبعا الرجال انهزم حتى بدون مياخذ كل هدومة الظاهر جان يعرف اني زوجها او المكرن زوجها بالاحرى

- ليش كوثر بشنو قصرت وياج حتى تخونيني
- باوع انت فاهم غلط
- لج يا غلط هذا انت نايمة وياه وتاركتني
- لا صدكني غلطان
- انجبي لج جبتج من الخيسة وحلفتيلي الف حلفان ومليون يمين وعظيم وكتيلي راح اتوب واني الدنيا كلها ضدي ووكفت وياج خليتيني اكره اهلي ومرتي وامي وكل الناس نفرو مني بسببج

رحت جريت سجينة من المطبخ وانتبهت لاسامة جان خايف  قفلت باب الغرفة علينا بعد ما جريتها جر وعفتة برة

- احجيلي هذا البرة ابني ؟؟
- اي ابنك والله ابنك صادق فدوة هد السجينة من ايدك
- لا تحلفين
ويا كم واحد خاينتني
- مخنتك مخنتك
- لج ساااااقطة احجي جنت تطلعين مو جان كلام اهلي صحيح موووو

هديت السجينة وردت اخنكها واطلع روحها

- ااااه لا ما اطلع فدوة هدني حممموووت
- موتي الموت اهون الج من الفضيحة والعار
- ااااخ صااا ددق
- موتي يا سافلة انت السبب خسرت كل شي بسببج
تركتيني وفوكاها اطلع مكرن ومرتي ...
- صاادق حموت

كمت اخنكها بالزايد ومر علية كل السويتة بامي واخويا وابويا وجمانة وحتى نفسي
وانتبهت عليها ازركت بين ايديا كلت متستاهل حقيرة مثلها الطخ ايدي بدمها واخسر باقي عمري بالسجون

خليتها تتنازل عن البيت وتكتب بخط ايدها هالشي وتنطيني كل الذهب وهددتها بس تحاول تسوي شي اقتلها وهي خافت مني
بعدها طلكتها ومالها حق علية بعد حتى مؤخرها تنازلت عنها وعفتلها اسامة وطلعت اني حتى ممتاكد هو ابني او لا

الباقي من عمري لازم ادور بي على امي واعتذر من اسد وجمانة اني غلطت وغلطي ما يتصلح
طلعت والدمع بعيني ابجي واصيح واسوق السيارة بكل سرعتي ممصدك الصار ولا تخيلت فد يوم اني اجرمت بحق اهلي جنت اكول اني الصح وكلها غلط
اتصلت بأسد ردت اشوفة واحجيلة على كل شي اني لوحدي مالي اي احد اريد اخويا وحزام ظهري هسة يالا وعيت علي و حسيت بي
شكد جنت اناني
دكيت وشلت عيني دا اشوف الطريق شفت سيارة وملحكت اخذ بريك هذا اخر شي اتذكرة ..

اتلاكينا ع الطريق اني و ساري وبلسم وكالي رايح لجمانة كتلة اخذني وياك اسلم عليها لعد وبالطريق حجينا بس احس ساري متحرج مني او خجلان ما اعرف شبي بالضبط
وصلنا وسلمنا عليها وساري عرفها على اختة واحس بلسم مستغربة من سلامي الحار ويا جمانة
جانو ديشتغلون هو وياها ع الحاسبة واحنا كاعدين كلت اسولفلها عنها 

- اممم جمانة جانت مرت اخوية لهذا احنا هيج سلامنا وواحد يعرف اللاخ
- اها يعني هي طليقة اخوك ؟
-.اي بالضبط خوش بنية بس ما كدرو يكملون هي واخويا
- شعجب
- صوج اخويا مو صوجها والله
- الله يوفقهم بعد الطلاك هم قسمة مثل الزواج
وكلمن ياخذ نصيبة
- اي بالفعل
- الحمدلله على كل حال
- الحمدلله
- صدك منو اختار اسمك
- والدي سماني
- الله يرحمة
- ويرحم موتاج
- لعد اخوك شنو اسمة
- صادق
- صادق !!
- اي صادق
غريبة مو ههههه اسمين واحد مالة علاقة بالثاني
- والدتك شنو اسمها ؟؟
- سحر ..
- عبدالله سالم كرار
- بالضبط من وين عرفتي
- وزوجة اخوك الاولى تكون جمانة ومرتة الثانية كوثر وابنهم اسمة اسامة
- شنو انت تعرفين اهلي ؟؟؟
- ساري كوم ودينا للدار اللي تشتغل بيها ويا الفريق الطبي
- فهميني شبيج ؟
- كومو بسرعة وياية
- بسلم شصاير فهمينا
- جمانة انت هم لازم تجين ويانة
- على وين ؟؟
- امشو وبالطريق افهمكم

اخذنا جمانة واسد ويانة هذا متخيل انه امة متوفية واني هسة كمت اربط الاسماء والاحداث وعرفت ليش اخو مخلاه يزور كبر امة

- بلسم ممكن تحجين
- اسد امك مميتة انت متوهم بهذا الشي
- شون مميتة
- جاوبني شفت بيان وفاتها ؟
رحت لكبرها ؟
جانت اكو فاتحة من صدك او لافتة باسمها ؟
- الفاتحة مكدرت احضرها واللافتة موجودة جانت بس مشفت بيانها ولا كدرت اروح كبرها
- لان اصلا مموجود ومميتة
- ساري اختك شدتحجي !!!
- امك موجودة بدار عجزة
امك جانت عندي قبل لا اروح للموصل واني اللي كتلها اوديج حتى اامن عليها يم صديقة الي بس تفاجئت انه رايحة بلا متكلي ومن بعدها معرفت اخبارها والتهيت بوضعي
- اسف مدا اكدر اصدكج انت غلطانة يمكن مشتبهة بالاسم
- ممشتبهة حتى عدها وحمة بركبتها من ورة
وتعاني من ضغط وسكر و عدها رتلة خفيفة بالراء واذا ممصدكني شوف هاي شنو ؟؟
...