العجوز والقبيحة

11

#العجوز_والقبيحة11
Shahd Alsalman
- شكو شبي ؟
- كالي انت كاتلتها وانت موتي ابني وخليتها تطرح من وراج ومتجوزين منها وكام يسب جمانة لان هي مفهمتة اني ضاربتها علمود لا تجيب هالطفل ودا انتقم منها علمود مرتة الاولى جمانة وكالتلة حتى شغل البيت موتتني من درت حامل كل يوم تريد اعزل وانظف يعني سوتلة فلم وهو طبعا ما يكدر الا يصدك بيها
- هاي صدك دتحجي ؟
- اي
- وتالي شون
- يوم والثاني وطردني هو وياها وكلتلة اذا تبقى هي اني اموت بسببها وتدك وتلطم ومنا هي تعبانة
كالي روحي شوفيلج كرابة احد وابقى عدهم
- يا ظالم النفس الله لا ينطي
- لا يمة لا تدعين علي الله يهدي
كتلة انت تعرف مالي احد اذا تريد انتو اطلعو وشوفولكم بيت ارتاحو لوحدكم هذا بيتي شون اطلع منة
مرتة تخبلت بالصياح والبجي واني ابجي شون كدر يكول هيج ما وكف بعينة لا ربى لا تعب لا محنة سبحان القسى كلبة علية
كام يدفع بية وطلعني بالطرمة كالي حتى تعرفين شون تحرميني من ابني سواها صدك وشمرلي جنطتي و هاي الهدوم الشفتيني بيها بقيت برة انتظر بلكت افوت لبيتي تالي ايست منهم وطلعت ما ادري المن اروح واذا رحت لاحد شكوللهم ابني طردني بقيت افتر بالشوارع يومين بس تعبت حتى برة ابات من الخوف والتعب وكعت ما شفتج الا انت والمستشفى
- حسبي الله ونعم الوكيل الله لا يسامحة
- لا يمة الله يهدي ويهدي مرتة اني العلية اديت رسالتي وربيتة هو واخو و صنت ابوهم بعد اذا هو انجر ورة المو زين ولحك بيهم مالي غير ادعيلة بالهداية ويفتح بصيرتة
- شون حنوصل لأسد ما خليت طريقة حتى اوصلة
- والله يمة ما ادري
- زين اروح لبيتكم واحجي ويا صادق واكلة جنت زميلتة لأسد حتى ينطيني رقمة ؟
- لا يمة هاهية الله الغني عنة وما اريدة وأسد اكيد هو يعرف شون يوصلني خليني بعيدة تعبت ومالي قابلية بعد مو بحيل قبل اني
- الله كريم

كملنا سوالف كمت اشوف ع النت اماكن علمود دار المسنين اللي اريد اسوي وسويت كم بحث على شغلات ببالي سالتني هي شدسوين كتلها على اللي ببالي
دعتلي بالموفقية وكالت هواية اكو ناس محتاجة لهيج مكانات واولهم اني قهرتني بكلامها كلش .

بقت هي وياية شهرين بس ما شفت اي اعلان عن البحث بأسمها او احد سال عنها وهي هم ارتاحت عندي برغم ادري بيها كلبها مجروح هواية
نسولف سوالف عادية وصار البيت حلو بوجودها جنت لوحدي واضوج .

صارلي هواية مطالعة ولا رايحة مكان وهي همين خطية كلت اطلعها ونغير جو شوية
اخذتها للمول وكمنا ندخل محلات ونتمشى ونسولف على راحتنا
حسيت امي طالعة وياية من افوت اكدر قطعة ملابس وتكلي رأيها بية لايكتلي او لا
احساس انه امك وياك ابد ما يتعوض و من تفقدها تحس الكون واكف وكل شي صعب حاولت كد ما اكدر اعيش حياتي على امل الكاهم هي وبابا واخويا بس لانه ظني برب العالمين ما يخيب واعرف راح الكاهم بقيت صابرة..

فتنا لمحل دا اشوفلها هدوم ومحتارة اجة ولد يشتغل يمي ويريد يساعدني
- اهلا وسهلا اختي شنو حابة تاخذين اكدر اساعدج
- هلا بيك اي والله علواه لان مدا اكدر اشوف القياسات
- سهلة ادللي شنو تريدين
- اريد هذا التون شنو بي الوان
- اسود ماروني بنفسجي احمر ونيلي
- انطيني النيلي حلو
- هو المن ؟
- للحجية

دا احجي ويا الولد واجتي خالة وكفت يمي

- ها عبالي الج تدلل الحجية والدتج مو 

باوعت عليها وابتسمت

- اي امي

خلت ايدها بيدي وابتسمت الي
اخذنا القطعة واحسها فرحانة لكلمة امي اكثر من الملابس

صعدنا لطابق المطاعم لان جعنا دا اشرحلها على المنيو وشنو اكو واشوف شتكدر تاكل لان مو كل شي تاكلة هي فشفت اكل صحي كتلها  علي وكالت اي اكل واني هم دا اختار

- السلام عليكم 

رفعت راسي الصوت مو غريب علية
مثل متوقعت جان هو

- عليكم السلام
- شلونج بلسم
- الحمدلله 
- اني هم زين
- اي اوكي
- شلونج خالة ؟
- هلا بيك يمة الحمدلله
- خلصت سلامك ؟
- شفتكم كاعدين كلت اسلم عليج
- شكرا و تكدر تروح هسة
- ههههه متتغيرين
- الله وياك
- ماشي ؛ من رخصتج خالة
باي بلسم

باوعت علي بدون ما اجاوبة دار وجهة و راح
كمت اني هم اروح اطلب اكل بس احس بضيقة حاولت اتناسى وطلبت دفعت الفلوس بقيت انتظر كلي مراح اطول
اخذتني الصفنة اني وواكفة ..